مرحبا اخواتي
انا كنت نزلت مشكلتي وحبيت اخذ رايكم وشوركم فيها على هذا الرابط
http://forum.hawaaworld.com/showthread.php?t=3222931
طبعا معظم الاراء كانت اضمني حياتك ولا لك علاقة بزوجته واهله وانا اخذت برايكم وقلت خلاص بتوكل على الله
وبخبره الحين ماله داعي انتظر 5 شهور وانا اخذت قراري خلاص
ففاتحته في الموضوع امس لما جاء وماحبيت اخيره حسيت فيها انتقاص من رجولته ومابي احرجة
فقلت له انا وضعي صعب ومابي اخرب حياتك بنفس الوقت ابي اضمن حياتي ومستقبلي انا وبنتي واحس بالاستقرار والامان معك
عشان كذا مارح استفيد شي لما اخرب حياتك مع زوجتك وبينكم اطفال فلقيت حل يرضي جميع الاطراف :)
قالي ايش الحل قلتله تشتريلي شقة باسمي واشتغل في وظيفة محترمة أأمن نفسي للزمان وبنفس الوقت انت بتكون مستقر مع بيتك ومعي :)
قالي انا موافق بس انا مديون وماقدر اشتري شقة وماقدر اقترض والعقار مرتفع كثير قلتله فكرت فيها :27:
يحصل لي وظيفة واخذها من البنك باسمي وهو الضامن والبنك يسددها وهو يسدد للبنك بدل مايدفع ايجار يحطهم لي
قالي فكرة كويسة ودق على كم مكتب عقاري وعطوه عروضهم وكلم معارفة على وظيفة فمكان مو مختلط وراتبها كويس
طبعا انا للحين ماضمن شي لا الوظيفة ولا الشقة ولكن خطوه كويسة انه وافق وبدا يسأل وبيروح البنوك يشوف كيف وضعهم
على فكره يحق للاجنبية تمتلك عقار سكني في السعودية مافي مشكلة
الي يقولي مش من حقك بقولكم انا ايش عانيت طول هالسنين بسبب عدم المبيت عندي يمكن تشوفونها عادية بس هذي نعمة عظيمة من رب العالمين انا انحرمت منها ظلم طول هالسنوات
1- لما تقدم لي زوجي ابوي اجبرني عليه بحكم انه رجل كفء وصاحب دين ومناسب لي وانا كنت مخلصة ثانوية اجبرني عليه وضربني وماخلاني اطلع ولا امسك تليفون ابلغ اعمامي واهلي وكنت عايشة حالة نفسيه صعبة
2- ما اخذت مهر كان مهري مبلغ يسير وابوي اخذه ماجاني منه الا حق ملابس اشتريها لان ابوي شايف ان رفع المهر مش من الدين والي سواه من الدين بحكم اني قاصر ووليي يقرر عني !
3- لما تملكت زوجي ماقالي عن مسألة عدم المبيت وماقالي عن اشياء كثيرة
4- تزوجته بدون فرح وبدون زفة وبدون فستان ابوي سوى حفلة عزم فيها الرجال اصحابة وزوجي كان حاضر وزجت ابوي عزمت كم حرمة وانتهى كذا الاعلان وانا مالي شي !
5- تزوجتة ليلة الخميس جلس عندي ليلة الخميس واليلة الجمعة ومانام عندي ليومك هذا الا مرات تكون زوجته عندها شي ونايمة عند بيت اهلها وهذي نادر جدا ماتصير يمكن مرتين ثلاثة بس ! لا قدر اني صغيره ومجبره ولحالي وخايفة ولا قدر اني عروس ولي حق شهر عسل على الاقل اسبوع عسل مو سفر لا يجلس معي لين اتعود على البيت وعلى الحياه معه !
6- مافي انجاب بدون نقاش معي ليش ؟ متفق مع ابوك جلسني سنه يعزل غصب عني لين صرت اصيح كل يوم لحالي وارتفع عندي هرمون الحليب وصارت لي مشاكل لما سويت مشكلة عند اهلي وخبرتهم ابوي قالي ماتفقنا على شي زي كذا ! ولما اخذت هالحق عانيت من المشاكل الي تركتها النفسية لمدة 3 سنوات
7- كنت انام لحالي والجيران عارفين ان هالبنت لحالها في الشقة يجيون يدقون علي الباب وكانو راح يكسرو علي الباب وماكان عاطيني الا جوال ماعرف الا رقمة اتصل عليه الجوال مغلق عرفت الرعب وتفاصيلة يجي اقوله مايسوي اي شي الا انه يكلم واحد من الجيران يقوله انتبه لبيتي وجاره يقوله ماشوف احد يجيك واعتبرني اكذب عشان يجي ينام عندي وكنت اعيش هالرعب لين هو جاء شاف يد الباب مسكورة وقتها غيرلي السكن بعد ماجتني حالة نفسية ! غير نظرات الجيران لي
8- لما حملت في الشهور الاولى كانت تيجيني دوخة ماقدر اوصل للجوال ولا الباب واتم مكاني لين يجي زوجي
في الشهور الاخيرة كل يوم كنت اعيش الرعب لاني احس باشياء غرية تصير لي واحس اني بولد واخاف وانرعب واصيح اتصل عليه يقولي عادي مافيكي شي كل الحريم مثلك كنت اشوف كوابيس اني بولد وانا لحالي
9- رفض يخليني اسافر عند اهلي ولما ولدت مافي احد معي خدمت نفسي وفيني جرح مخيط وحركتي جدا صعبة جلست اول اسبوع شفت الموت والعذاب وبنتي تعذبت معي محد كان يساعدني في اي شي وجتني حمة شديدة وماقدر اسوي كمادات لنفسي ودوخة وكل شي اطيح وماعندي احد لبنتي كل تفكيري لو صار فيني شي وبنتي قامت تصيح مين يحس فيها !
عشت اسوء ايام حياتي الي البنت تعيشهم بالطول والعرض من كان عمري 17 الى اليوم بداية 23 سنه
بدون احد ارجع له في اموري واسألة ماعندي ام تنصحني وماعندي زوج جنبي
كان يجي ساعتين ويمشي يجيب لي الاكل ويجلس معاي شوي ويروح
هو طيب بس الزمن حده على كذا وفالنهاية رجال مايحس بالحرمة وش تحس فيه وانا عاذرته
من ابسط حقوقي بعد الي شفته في حياتي اطلب شقة لان لو صار شي لا قدر الله بظل اعاني حياتي كلها انا وبنتي
بسبب ظلم ابوي وظلم زوجي لا حد يلومني انا ماقلت لك 1% من الي شفته عشت حياه ماعتقد في كافر يرضاها لانسان
الحين ماعلينا بالماضي
هو اشترط علي امرين
الامر الاول اني ما اطلب الطلاق في حياتي معه وهذي صعبة لاني كل مازعلت قلت طلقني !
الثانية اني ماقوله اعلن هو بيعلن في الوقت الي يناسبة معنى كذا مارح يعلن ابدا بس المشكلة ان عشان امتلك الشقة بنظام التقسيط
يبيلي على الاقل 15 سنه :09:
يعني انتوا شو رايكم في هاد الشي ؟
هل اوافق على شروطه هذي؟
fashion2009 @fashion2009
عضوة نشيطة
انا زوجة ثانية بدون علم الزوجة الاولى - ابي استشيركم في هالحل (زوجي وافق الحمدلله)
49
8K
يلزم عليك تسجيل الدخول أولًا لكتابة تعليق.
نفسي انسى
•
الله يكون فعونك وييسرها لك ان شاء الله
شوفي حبيبتي بالنسبه للشقه اقتراح رائع تضمني نفسك وحتى الوظيفه بس بصراحه صعب تعيشين طول حياتك بالدس محد يعرفك من اهله بنتك راح تكبر ولازم تزور اهلها بس انتي باسلوب اقنعيه وحاولي تصبري وقوليله انا ماابغى منك شي الا انك تعلن زواجنا اليوم بكره بعده مايهمني المهم تعلنه الله يسخركم لبعض يارب
الله ييسر لك الخير ارضي بقضاء الله والحمد لله انو راضي بالوظيفة
رددي اللهم اغنني بحلالك عن حرامك وبفضلك عن من سواك
رددي اللهم اغنني بحلالك عن حرامك وبفضلك عن من سواك
سمرا حنه
•
الله يوفقج ويرزقج ويسخر لج عباده الصالحين
الله يحنن قلبه عليج ولا بنتج
انتي الحين اهم شي اضمني الوظيفه والشقه وان شاء الله مع الايام بيعلن عن الزواج
الانسان بدون بيت مايرتاح اضمني الشقه لو بالتقصيد والوظيفه
وعيشى حياتج لنفسج وبنتج وسوي كل اللي تبينه بالحلال وان شاء الله يعطونج الجنسيه يارب
ويخلي لج بنتج
الله يحنن قلبه عليج ولا بنتج
انتي الحين اهم شي اضمني الوظيفه والشقه وان شاء الله مع الايام بيعلن عن الزواج
الانسان بدون بيت مايرتاح اضمني الشقه لو بالتقصيد والوظيفه
وعيشى حياتج لنفسج وبنتج وسوي كل اللي تبينه بالحلال وان شاء الله يعطونج الجنسيه يارب
ويخلي لج بنتج
الصفحة الأخيرة