السلام عليكم
اعرف ما تعانين منه واعرف انه صعب على كل ام
عليك الاهتمام بالطفلة اكثر لان المولود لايعرف شىء
كما قالت الاخوات اشركيها فى احضار ادوات الطفل
واشترى لها الاشياء وقولى ان المولود هو الى احضرها لها
عليك توخى الحيطة عند الولادة وانتبهى لها
يمكن ان تروح حضانة لتنشغل بعض الوقت وتبتعد عنك قليلا
والله معك

الله يخليها لك ويتمم حملك

حاولي انك تهتمين فيها
واشتري لها اغراض كل ماشريتي للمولود
وكل فتره والثانيه قولي لها

انتي حلوه
انتي شاطره
انتي قويه
انتي بتصيرين اخت كبيره
ولمن تولدين بالسلامه
:
حاولي على كثر ماتقدرين تحضنينها
وتقولين لها وتفهمينها انك صرتي خت كبيره مسؤله عن اختك او اخوك
وعطيها الرضاعه ترضع مولودك ( تحت مراقبتك)
والله يخليكم لبعض

حسسيها بالمسؤلية تجاه الطفل القادم .. وحمسيها لقدومه وفي نفس الوقت لا تتغير معاملتك لها

مع طفلي الأول .. بعد ما حملت باخته ..كنت أقوله تعال ساعدني نشتري أغراض البيبي .. وأختار
بعض الأغراض وأخيره بينهن وأقول وش رايك أشتري هذا لأختك والا هذا .. وكان يقول هذا أحلى
وأشتريه .. وهكذا .. واذا رحت لأهلي آخذ الأغراض معي ..وأقولهم شوفوا وش اختار ولدي لاخته
وخواتي يقولون ياسلام حلو .. ماشاء الله عليه ذوقه حلو ومن هالكلام .... ( والولد متقطع من الوناسة )
وأحيانا هو يقول تعالوا شوفوا وش جبت لأختي وهو فرحان ..

أقوله أحيانا .. اسمع يا ولدي ..ربي بيعطينا بنت صغيرة وتصير اخوها الكبير .. لازم ننتبه لها لين تكبر شوي وتصير تلعب معك ..
غير كذا أبيك تساعدني لأني بصير مشغولة أحيانا .. وهي بيبي صغيرة ما تقدر تسوي شيء
احيانا تقعد معها لين أخلص من الغداء .. وأحيانا تجيب لي رضاعتها ..أو البامبرز ..
عشان هي ضعيفة وما تقدر تسوي شيء ..

بصراحة ولدي حس انه مسؤل عنها ورغم غيرته البسيطة الا انه كان يحبها لما جت ..
كنت وأنا بالنفاس أطلب منه يجي أحيانا ينسدح جنبي على السرير وأسولف معه شوي واخته نايمة ..
كنت أطلب منه المساعدة .. ويجيب لي بعض الأغراض .. وينتبه لها في الوقت اللي أروح لدورة المياة بس تكون وحدة من خواتي معه بالغرفة من بعيد لبعيد تترقب الوضع ..بالضافة لاني جبت له هدية بعد ما طلعت من المستشفى وقلت هذي من اختك ..

ولما طلعت من النفاس كنت أروح أسوي شغل البيت وأنا مطمأنة لأنه كان فعلا حريص عليها وينتبه
لها .. ويحبها .. ويا ويل اللي يضربها .. ويشتاق لها اذا تركتها عند أهلي لو يوم ..
صحيح انه بعد ما جبت الطفلة الثانية ركنها على جنب وصار يقول عنها عجوز هههههههههههههه
ويتضارب معها ..
لكن ما يخالف .. هي كبرت شوي وصارت قادرة على الدفاع عن نفسها خخخخخخخ


الله يهون عليك يارب ويقومك بالسلامة ...