حتى لو صح كلامك والدكاتره كمان يقولو ان الخلطات الطبيعيه مفعولها مؤقت وتعالج سطح البشره لكن بزر وتافهه ( قوية )
انا مثلك ماسوي خلطات لوجهي ولا شي ادمان مقشرات وماسكات وكريمات واجرب الماركات كلها ( الرخيص لا طبعا ولا الخلطات اللي يبيعوها البعض ماثق فيها لو مليون وحده جربتها مستحيل احطها على وجهي ) والحمد لله بشرتي حلوه ماشاء الله لاحبوب ولا كلف ولا بلاوي اهم شي الاهتمام ولاتشتري الاشياء الرخيصه لانها ضاره لو منها فايده ماكان سعرها كذا لو الكريم ب 10 ريال والا بعشرين ايش تتوقعي المكونات المفيده اللي فيه ؟
ولا كمان كل غالي مفيد

بالعكس تصدقين اني اشارك بقسم البشره ومسجله عشانه
بالعكس الخلطات الطبيعيه مع الاستمرار شي ثاني نضاره توحيد تفتيح تستخدمينها وانتي مرتاحه ان مافادت ماضرت تصدقين اني رحت مستشفيات كبيره بجده وبالرياض عشان الحبوب وصرفت الكثير لاكني ما استمر اخاف شي اسمه كريمات للوجه او الجسم ارجع للمره وصابونة الكركم الطبيعي مافي زييه ابد بالله لمن تشوفين الحريم يطلعن من الاربعين يبرقن اكيد من قسم البشره والاهتمام بالبشره انتي راح تتعبين شهر لاكن بعدين بيسير شي من ضمن الاشياء الي انتي تسوينها يوميا فهمتي حلو البنت تهتم ببشرتها طبعا مو اي شي تسخدمه تبحث عنه وعن فوايد واضراره مو اي شي وهاتك لطخ شي تحسينه مضمون
تحياتي يالغلا

انا احب قسم عندي البشرة والشعر وبعدهم الطبخ

ماحس موقعهم صحيح في العنوان =D

لو قلتي احس اني فاضيه وبضيع وقتي .. يمكن تكون اصح

يمكن لانك مابتوصلي لنتايج وطبعا لانك مابتستمري جربي يوميا ترطبي بشرتك
وتحطي اي قناع حتى لو مكون من شي واحد

وخليه ضمن روتين حياتك مليون بــ 100 بيفرق مع بشرتك

والاهم انك بتعطي وقت لنفسك تدلعيها ياعسل

طيب اش رايك لو قلت حتى الحياه مو دايمه ومصيري كدا ولا كدا بموت مو لازم اكل كويس واشرب مويه كتير.. عادي اخربط في الحياه واكل نهايتي كدا ولا كدا بموت..

انتي كدا كدا حتعيشي.. لازم تهتمي بنفسك من جميع النواحي.. وتطوري نفسك..

الخلطات يمكن ماتعطي نتيجه دائمه.. بس لو فكرتي مافي شي حيعطيكي نتيجه دائمه يعني خلاص تجلسي كدا زي ما انتي بعيوبك..
جسمك لو عليكي حق.. وزي ماهوا يبيخدمك لازم تخدميه (:
يعني تحسني من مظهرو .. تاخدي المفيد لو..


ومو لازم تعملي خلطات صعبه كتير.. ترطيب.. استحمام.. وتقشير.. هدي تكفي بحل نص مشاكل جسمك..

بالعكس ياروحي البزر هو اللي مايهتم في نفسو.. ويحتاج احد تاني يهتم فيه..

الانسان الناضج اللي يحب يرتب نفسو وشكلو.. ويهتم بحل عيوبو اللي تشوه منظرو... او تقلل من جمال المنظر..

وبعدين لو ما اهتميتي لنفسك ان شاء الله لما تتزوجي لازم تهتمي لزوجك وفيه اجر لك (:

يعني كدا كدا الاهتمام لاحقك لامفر ههههههههههههههه..
بالعكس مافي احلى من انك تشوفي عيوب في جسمك جالسه تروح بجهد منك.. تحسي بنشوة الانتصار اسألي مجرب ههههههههههه

وبالتوفيق ياعسل

شوفي هم دايم يقولون الخلطات يبيلها وقت واستمرار عشان تبان النتيجه
انا احس انها تبان من اول استعمال اكثر من الكريمات يكفي النظاره واللمعه الحلوه ومع الاستمرا تبان النتيجه
بعد كذا تحافظين عالشي اللي وصلتي له بكريمات الواقيه والمغذيه
انا كان شعري منتف خفيف لدرجه ينعزل الحين الحمد الله الكل يقول وش تسوين عطينا من خلطاتك
استخدمت خلطه عادل عبد العال لتطويل الشعر 5 سم
وتركت الخلطه لي اكثر من سنتين والحمد الله مع اني اصبغ واحوس بشعري للحين كثيف بس طبعا مقصف هههه
انا مهملته مازيته ومكوا الشعر يخرب حيل
موفقه