وش رايكم بالي صار

السلام عليكم ورحمة الله وبركاته
خواتي ابغى كل وحده تقولي رايها في مشكلتي وراح اتقبل أرائكم بكل روح رحبه
انا قبل كم يوم صارت بيني وبين زوجي مشكله كان زوجي :arb:دوامه شفتات وكان عنده يومين اوووف وقضى اول يوم نايم الى الساعه 8 بالليل وبعدها صحى وجهز وطلع مع اخوه الى الساعه 4 صباحا رجع وقال قومي جهزي لي عشاء وعصبت ليش ماتعشيت بره قال ماابغى قومي وسوي لي عشا قمت وسويت له العشا ونمت بعدها وكنت ماخذه على خاطري انه تاخر برى
اليوم الثاني صحى العصر وتغدى وبعد العشا طلع مع اخوه نفس الشي لما جات الساعه 10 سالته بالواتس اب بتتاخر بعد اليوم اذا بتتاخر لاتجيني فوق اقعد مع اخوك رد علي بضحكه
قلت له... ليش تضحك افهم انك بتتاخر مثل امس؟ ومارد علي
قلت له ...ليش ماترد يعطيك العافيه ؟وكان مطنشني
بعد ساعه رسلت له في حاجه وحشتني واشتقت اقولها احبك واموت فيك ورسلت صورته وكنت امدح فيها وطنشني بعدها رد اذا تحبيني وتسوين فيني كذا اجل لوماتحبيني وش بتسوين انا اذا رجعت البيت لي تفاهم معك ثاني انتي شكلك ماتفهمين الكلام بس اذا رجعت يصير خير انتي مو فاهمه ايش احترام الزوج لما اجي افهمك
رديت بتعجب ليش انت دايم حياتك تهديد وبس ! وش سويت لك احترام على قولتك؟
... رد علي انتي عمرك مافهمتي شي بس اذا جيت فهمتك انا مشغول الحين
ونمت قبل مايرجع وجا ونام لما صحيت صحيته وسالته وش يبغى غدا قال ماابغى شي وكان تعبان بداية فلونزه رحت سويت له عصير برتقال وليمون وجبته له قال ماابغى شي منك روحي كبيه قلت له ليش قال انا الحين بروح الدوام واذا جيت باتفاهم معك ان كنتي نايمه ولا صاحيه قلت له على راحتك تبغى الحين ولا بالليل على راحتك
راح ورجع بعد المغرب لانه راح المستشفى واخذ راحه سالته وش فيك وش سويت قال ماسويت شي
ومافيني شي وفتح معي الموضوع
وقال لي... ونهايتها معك وبعدين كل مره بطلع مع اخوي اغير جو ولا مع اي احد تسوين لي مشكله وباي حق تطرديني من شقتي (لاتجي روح مع اخوك) وبغيت اتكلم معه قال اوووووص ولا كلمه اذا تكلمت لاتقاطعيني سمعت كلامه وقال لي روحي اتصلي باخوك خليه يجي ياخذك انتي انسانه مو متربيه وماتحترمين الزوج مشيت بطلع من الغرفه قال وين رايحه قلت له انت قلت روحي قال روحي روحي واخذي الباب معك
حسيت ساعتها بقهر وتصلت باخوي وقلت له تعال اخذني وكانو اهلي بمنطقه تبعد 100 كيلو وجهزت اغراضي وانتظرت اخوي وبعد ساعتين جاو اخذوني ولي 7 ايام بيت اهلي ماتصل فيني وانا مااتصلت فيه لاني مو قادره انسى كلامه حسيت
انه اهانني كثير
لا ولما جا اخوي ياخذني مافتح له الباب قعد بالصاله مع اخته وقال لاخته تفتح لاخوي عشان يجي يشيل اغراضي لاني كنت في جناحي وقلت لاخوي دق الجرس عشان يفتحون لك وماكان احد موجود الا هو واخته وانا في البيت
ادري طولة عليكم بس ابغى رايكم في موضوعي لاني مره متضايقه وخايفه ادق عليه واندم مع اني متأكده اذا دقيت عليه ماراح يرد علي
واحس اني محتاره مررررره خايفه يسوي شي اندم انا عليه
مشكورين ويعطيكم الف عافيه
اللهم صلي وسلم على نبينا محمد