سويت لكم معمول بالصينيه بصراحه اول مره اسويه وضبط معنى اني كنت مررره متصاعبه موضوع اني اسوي معمول
على فكره الطريقه اخذتها من كتاب امل الجهيمي(النخبه)
المقادير:
اصبع زبده
3 بيضات ((بس انا استعملت ثنتين وصايره احلى لاني مااحب كثره البيض بالعجين)))
قليل من الفانيليا
م ص pb
نص كاس سكر مطحون
2 كاس طحين ابيض
الحشوه::
تمر منزوع النواه معبوط بقليل من الزبده المذابه ((بس شوي)) او مربي فراوله
انا استعملت زبده وتمر مااستعملت مربى
الطريقه::
1)في الخلاط((الزبده +السكر+البيض+الفانيليا+البيكنج بودر))
2)يوضع الخليط في زبديه ثم يوضع عليه الدقيق بالتدريج وتعجن باليد ((راح تتلازق بيدك في البدايه بس اعجنيها بقوه ومع الوقت الين تصير متماسكه وجامده شوي وماتلازق بيدك))
زي الصوره
3) خوذي ثلاث ارباع العجينه وافرديها على صينيه بايركس مدهونه بشوي زيت
والربع الباقي حطيه بالفليزر عشان يجمد شوي على ماتجهزين التمر وتفردينه فوق العجينه
زي الصوره
4)نطلع العجين الباقي من الفليزر ونجيب المبشره ونبشر العجين فوق التمر
زي الصوره
5)ندخلها الفرن من تحت الين تشقر بس انتبهي لها لاتحترق
وبعدين نشغل اللي فوق لين تشقر
هذي بعد ماطلعتها من الفرن
اول ماتطلعينها قطعيها عشان لو قطعتيها وهي بارده راح تتفتت
وهذي وحده عشانكم<<جتقاسموها
الباقي اخذته لصديقاتي في الجامعه
