وطول الوقت شاغل بالك
وتدور عنه بالنت وتبحث ومهتم بكل التفاصيل
وخلاص ودك تقول حياك ياحلم انت لي
........
وفجـــأة يجي شخص وبكلمه منه
ينكسر حلمك قدامك
ويقولك خلاص الحلم هذا
ادفنـــــــه
ادفنه
اعتبره مااااات بالنسبة لك
يالله شعور فضييع من جد..
انا يابنات حلمي مو كبير ولا مستحيل ولا صعب
انا الحمدلله عندي مواهب واحب اشتغل بيدي من وانا صغيرة احب الاعمال اليدويه
وربي حتى برامجي المفضلة حقت الاشغال اليدويه
ودخلت بالكليه قسم الاقتصاد المنزلي وتربيه فنية يعني كل شي فيه احبه
وكنت حابه اشتغل واستفيد من شغلي واتاجر فيه مو عشان محتاجه لا وربي ولله الحمد مو قاصرني شي
بس ابغى اوري الكل شغلي واني اعرف اسوي واتميز بشي غير عن الكل
فكرت اسوي تيشرتات وارسم عليها بس لقيت الكل طايح فيها والشغلة شوي صعبة ومو مودي
فكرت اني اغلف هدايا وسلال وتوزيعات كمان الشغلة شويتين صعبة ويبيلها مشورة كثير
وطحت على شي كان غايب عني والتفت له وقلت هذا الي ابيه هذا الي بقدر ابدع فيه
وهذا انا الي احبه موووت
وهو الكب كيك
انا احب اطبخ وبخاصة الحلو وابدع فيه احب اوري الكل اني اعرف اسوي وازين وخاصة الكيكات
وماشالله معروفه عند الكل بكيكاتي ويحبونها بس الكب كيك ماكنت اعرف عنه شي
ودورت وبحثت وصور ومواقع اجنبية ويوتيب الين عرفتله واتقنته
وجلست شهور ارتب له ببالي طبعا وسويت تجارب عل العيلة والكل شاف شغلي
وماصدق انه بيدي والكل يقول يالله سوي وبيعي والله مرة حلو
حمسوني بزيادة
وهاذي صور لشغلي
وجا طبعا دور السيد الكبير الي كنت شايله همه شهور وترددت كثير بفتح الموضوع معاه
بس عشان مانصدم واكون عايشة الحلم
السيد طبعا زوجي
وللاسف ماوافق وتكلمنا كثير وقالي بالحرف الواحد
انسي هذا الموضوع وادفنيه ولا عاد تفتحينه
انا مابيك تسوين وتبعين اذا تسوين وتوزعين على عايلتك والي تعرفينه بكيفك
اما تبيعين لا انا ابغى بيتي شي خاص فيني
وابيك لي ولبيتي مو تشتغلين وتسوين للغير
ااااه قهرني قهرني والله ميته قهر
وفيني احباط وكاائبة مايعلم فيها الله ربي
مو عشان المشروع لاني للاسف
قاعده بالبيت لاشغلة ولا مشغلة جامعيه وعندي مواهب ومدفونه
احس عمري يروح وانا مكانك سر وانا ماحب كذا
لا تقولون اشتغلي مدرسة ماحب التدريس وبخليه اخر اهتمامي
والله صرت اكره الحلى والكيك وكل شي مابغى اسوي شي
كنت اول ماصدق بجمعه او طلعه عشان اتفنن بالحلى
وربي صرت اكره ومالي نفس اسوي شي
حسبي الله ونعم والكيل وبس