حملت واتوقف نبض الجنين .. تعالو شوفو قصتي ..

حابه اقوولكم قصتي اولآ عشان افضفض لاني مضايقه
والحمدلله على كل حال راضيه بقضاء ربي
وكمان عشان افيد غيري

..

اول مراجعه ليا كانت بتاريخ 16 / 3 / 1436

بمستشفى المواساه بالمدينه

وسويت السونار وشفت الجنين كان مكتمل النمو وشفت الراس والمشيمه

بس مافي نبض وقتها حسيت بشعور ماينوصف مره حزنت قامت سالتني الي تسوي السونار

نزل منك دم قلتلها لا قالت ترضعي قلت لا

ف بعدين قمت عشان انتظر نتائج السونار واروح اشوف النتيجه عند الدكتوره ماجده هي استشاريه

ولما رحت عند الدكتوره قالتلي الجنين متكمل النمو وطبيعي بس متوقف النبض وقالت

اتوقع النبض متوقف من يومين او تلاته وقالت الجنين كبير عمرو عشره اسابيع

يعني على حساب الدوره هو اصغر ف عرفت اني اعطيتها تاريخ الدوره غلط

لان اخر دوره جاتني كانت بالحج مني فاكره ممكن 18 او 19 او 20 او 21

ماافتكر التاريخ بالزبط وكانت 7 ايام وانا دورتي دايما تقعد 7 ايام وحتى بكل دوره اكون تعبانه وبطني تعورني

وبمحرم تاريخ 20 / 1 / 1436 نزل مني نقط دم لمدة اربعه ايام وكانت مالها ريحه زي دم الدوره وكنت نشيطه ماجاني الالم الي احس فيه بكل دوره لكن انا حسبتها دوره لاني كنت مسويه عزل وقلتلها انو اخر دوره هالتاريخ

وبعدها بااسبوع تاريخ 30 / 1 / 1436 نزل مني نقط دم لمدة اربعه ايام وانا قلت يمكن لاني سويت مجهود

وبدات تجيني اعراض الحمل من تاريخ 14 / 2 / 1436 حسيت بغثيان ودوخه

ومااتوقعت اني حامل ابدآ لاني كنت مسويه عزل وسويت اشعه بانوراما

بتاريخ 15 / 2 / 1436 وسافرت بتاريخ 21 / 2 / 1436

وحسيت بدووووخه وتعب بالطياره وطول السفر مرهقه وتعبانه ومااشتهي اكل لكن مااقصرت بالمشي والعب بالالعاب الخطيره

ولما رجعت من السفر حللت منزلي تاريخ 27 / 2 / 1436 طلع خط غامق وخط خفيف وااضح

وحللت دم 1 / 3 / 1436 طلع ايجابي فرحت مره

واستمر الوحام معايا استفراغ ودوخه ومااحب ريحة كشنه الاكل ومااحب ريحة المطاعم
واتوحمت على البليله سرت احبها وكرهت الوجبات السريعه

وفجأه بتاريخ 6 / 3 / 1436 سرت مااستفرغ وانبسطت على بالي وحامي سار خفيف

بس بدأت اقلق سرت اشتهي الاكل ونومي قل وسرت لما اشم ريحه كشنة الاكل اتقبلها وقلت لزوجي الجنين فيه شي مني مطمنه

بس انتظرت موعد المراجعه وزي ماقلتلكم لما سويت السونار كانت النتيجه مافي نبض

..

وبعد المراجعه رجعت البيت نزل مني دم بني واستمر معايا الدم لين اليوم الثاني الصباح تاريخ

17 / 3 / 1436 ورحت للدكتوره ماجده عشان اسوي عملية التنضيف وانا مسويه قبل كدا عمليه قيصريه قبل ثلاثه سنين ونص

وقالت الدكتوره نامي عشان اشوف الرحم كم فاتح ولما قاست اخ اخ اتالمت مررره طلع مفتوح واحد سانتي

وقالت خلاص اتنومي اليوم عشان نبداء نعطيكي الادويه الي تفك عنق الرحم ومتى ماجسمك يستجيب رح نسوي العمليه

قلتلها مين يسوي العمليه قالت الدكتوره المناوبه هي الي تسوي

واتوكلت على الله وسويت دخول واتنومت المغرب وجات الممرضه جهزت الابره الي تنحط بالوريد ومنها يركبو فيها المغذي
وقبل ماتحط المغذي جابت دوا مدري ايش هوااا وحطتلي عالوريد وحدها خرجت الا حسيت جسمي حار ودوخه وكتمه وسرت اهلوس
مع زوجي ياربي كان شعور غريب كاني بعالم ثاني الا ربع ساعه ويروح مفعول هالدوا العجيب وبعدين جات جابت لبس العمليه
قالت البسيه ولبستو وبعدين حطتلي المغذي وبعدين جات دكتوره مناوبه اسمها ساره قالت في دم قلتلها شويه وتقيس عنق الرحم
اااااه بجد مره الم تعبت من هالقياس وقالت لسى واحد سانتي مفتوح وبعدين جات دكتوره مناوبه وحده ثانيه اسمها غاده
وتقيس عنق الرحم لسى مقفل

وتاريخ 18 / 3 / 1436 يوم الجمعه

بداء وقت الجد جات الدكتوره المناوبه بس مااعرف اسمها وتسال في دم اقولها شويه وقالت طيب وتجيب حبه
تحطها بداخل المهبل عشان عنق الرحم يفتح

وتحط الحبه على الساعه 5 الفجر وبعد ربع ساعه جاني انقباضاات بالرحم والم وقاعده اتاالم بمكاني والساعه 6 خف الالم

وبعدين جاتني الدكتوره الساعه 8 وتجيب حبه ثانيه وتحطها بداخل المهبل واعطتني حبه احطها تحت لساني وهي تذوب

والم الم يجيني وبعدين الساعه تسعه يعطوني طلق خفيف عالوريد والم الم خلااااص تعبت ولسى مابينزل الدم

وشويه كدا تجي ممرضه تعطيني ابره مسكنه ارتحت الحمدلله وشويه احس في شي ينزل مني زي المويه

واصحي امي وامي نادت الممرضه شافت قالت لسى دا مويه وسرت اضغط كاني بولد والمويه تخرج وينزل معها الدم

وبعد شويه جات كشفت الممرضه شافت الدم وبعدين جابولي سرير ثاني وحطوني فيه والله كنت خايفه مررره

ودعت امي وزوجي وسرت استغفر واشويه واحنا ماشين اسمع صوت زوجي قلت بسم الله انت معانا تمشي قال ايوا لانهم

غطوني بشرشف ومااشوف شي ودخلوني قسم العمليات وبعدين زوجي راح وبعدين حطوني بمكان زي غرفة انتظار قبل

العمليه وكنت برداااااانه مرررررره وسألت مين تسوي عملية التنضيف قالولي دكتوره ماجده سبحان الله كانت هي الموجوده وقت العمليه
كانت الساعه 11 و 40 دقيقه وشويه يجي دكتور البنج سالني عن اي عمليه سابقه

قلتلو سويت قيصري وسالني اذا سارت اي مضاعفات قلت لا وشاف وجهي شاحب وفمي نااااشف قلي من متى صايمه

قلت من 24 ساااعه انفجع قالي بالكتير تكوني صايمه قبل العمليه بتمنيه ساعات وبعدين على الساعه 12 وربع

اخدوني على غرفة العمليات والغرفه بااارده مره وحطولي جهاز الضغط وركبولي مغذي والممرضه واقفه جمبي تهرج تهديني

الا شويه دخلت الدكتوره والي يساعدوها وجاء الرجال الي يحط البنج خلاص انفجعت سرت استغفر استغفر واتشهد

وفجأه اصحى الا جات الممرضه تقول خلاص خلصنا العمليه كنت بغرفة الافاقه لسى ماودوني غرفتي

يالله مني مصدقه اني عايشه حسيت عمر جديد جاني

وسرت احمد ربي واستغفر وبدات احس بألم برحمي واقول اه بطني تعورني اه بطني تعورني معلقه عالكلمه

وجات الممرضه تقول حطينا مسكن دحين ترتاحي وشويه يدفو السرير عشان اطلع غرفتي وانا طول الوقت اقول اه تعبانه بجد الم الم

ورحت غرفتي وكدا شويه بداء مفعول المسكن وارتحت الحمدلله ونممممممت ماادري عن نفسي

وطلعت من المستشفى السبت الصباح تاريخ 19 / 3 / 1436

واعطتني حبوب مضاد اكلها مرتين باليوم وحبه مسكن مره باليوم

وسالت متى افكر بالحمل قالت بعد ثلاث شهور وقالت من دحين استمر على الفوليك

وعندي مراجعه بعد اسبوع

ودحين سرت اشرب قهوه عربيه واشرب حليب ساخن مع شويه هيل وشويه زنجبيل واشرب شاي نعناع

لاني مااحب الاعشاب والخرابيط مااقدر ابلعها اتقرف مررره

وان شاء الله استمر على مرق الدجاج واللحم والشوربه وادفي نفسي مزبوط خصوصا دحين شتاء

يعني الوحده لا تهمل نفسها بهالفتره

وعلى فكره اي وحده تعبانه من الوحام والاستفراغ تقول الحمدلله ولا تشتكي ترا بجد

الاستفراغ اشاره للام ان الجنين بخير سبحان الله ...

والله يقوم كل حامل بالسلاااامه ويرزق كل محروم ويعوض اي وحده اجهضت