بنات القلق ذبحني

اخواتي انا لي فتره وانا اعاني من توتر وقلق بدن سبب واضح واي شيء يوترني والتفكير ذبحني في اشياء تافهه تشغلني وتطير النوم عني واحيانا تجيني حالة خفقان شديد وارتفاع في الضغط ورغبه في الاسهال (اكرمكم الله) وبعدين تروح النوبه بس صرت خايفه تجيني مره ثانيه وهذا بصراحه اثر على حياتي اليوميه وصرت اكره اخرج حتى الاسواق اخاف ادوخ وانا في السوق حتى الجمعات العائليه كرهتها رحت لدكتور وقال انت حساسه جدا ولازم تسترخين وتبعدين عن اي شيء يوترك المشكله كل شيء يسبب لي توتر التلفزيون كله قتل وكوارث والجرايد كلها حوادث وخطف حتى التجمعات النسائيه كلها مشاكل ومصايب وانا من النوع اللي كتومه جدا حتى اهلي ما يدرون عني ودايم اضغط على نفسي عشان اكون طبيعيه
اخواتي مالي الا الله ثم انتم من تعرف علاج او غذاء يهدي ويرخي الاعصاب مع اني مداومه على الرقيه والدعاء ومؤمنه ان هذا ابتلاء من الله بس خايفه يتطور الى مرض نقسي وارجوكم ادعوا لي ان الله يشفيني وينزل السكينه على قلبي