لو عطوك فلوس وقالوا لك سوي لك مشروع

هلا رمايه ..

يا حلوك الى الحين ما لقيتي مشروع ؟؟ :17:

اهم شي لازم تعرفين وش هواياتك او وش الاشياء الي تجذبك وتهمك ؟؟
وبعدين راح تعرفين وش المشروع الي راح تعطينه كل وقتك وجهدك وانتي راضيه و سعيده
لان الواحد اذا حب شغلته اخلاص فيها واعطاءها كل طاقته بلا حدود ..


ابقولك على شئ ..

كان اول الوحده اذا تبغى تعمل مشروع لازم تفتح محل وتجيب عاملات
وتجهزه من كل شي .. والغالب يا يكون كوافير او خياطه او ملابس ..



لكن قبل امس رحت لمعرض عاملينه في مركز الامير سلمان الاجتماعي
اكيد بنات الرياض يعرفونه .. المهم شفت شي ما تتخيلينه !!!!
شفت بنات اعرفهم مو قااااااصر عليهم شي وعندهم نعمه ما شاء الله
مستأجرين اركان ويعرضون شغلهم ..
وحده منهم تفصل عبايات وحجابات خياااااااليه وتعرضها وتعمل بنفسها مخلطات تهبل
والبنت اعرفها شخصيا واعرف اهلها وحمولتها ناس الله معطيهم من اوسع ابوابه ما شاء الله
ومع كذا قاعده تبيع وما معها الا فلبينيه ترتب البضاعه !!!
انا قلت لها برافو عليك يعني سعوديه ولا عندك مشكله انك توقفين وتبعين ..
قالت وش اسوي خلصت الجامعه من قسم التربيه الفنيه والحين هوايتي احبها وابغى استثمرها
واشياءها ماشاء الله رهييييبه .. قلت لها طيب انا توني شاريه عبايه لكن وين محلك فيه علشان
اذا احتجت اخذ منك واقول لخواتي عن بضاعتك ..
قالت انا ما عندي محل اشتغل في بيتي الزباين يكلموني وارسل لهم البضاعه في شنط !!!!!!!!!!

يعني شوفي ما همها احد .. وما شاء الله تبارك الله الناس عليها بالهبل ..

وحده تبيع صواني وفناجيل وبيالات تأأأأأخذ العقل ومصممتها بنفسها وتبيع العلب الصغيره
حقت الحلى الي تنحط فوق الطاولات وتبيع صواني ومناديل الي تنحط تحت السرفيس على طاولة السفره

وحده تصمم مفارش للاسره وارواب الحمامات والشباشب يعني اغراض تنفع للعروس ..

وحده تبيع تبلوهات وتحف واكسسوارت للبيت وعندها كتلوج للديكور وكل شي هي الي عاملته ..

وحده عارضه حلى قهوه وفطاير اشكالها غريبه وكانها جاهزه وتقول ما عندي محل واجهز الطلبيات في بيتي ..
وهي جايبه طباخه سعوديه فنانه تشتغل في بيتها وتعطيها راتب وجايبه اندوسيات يساعدونها ..
تعمل قرصان وجريش وبرياني و خضار وحلى للعشاء وكل شي وترسله من بيتها وتقول ان بعض الحريم
الي ما يعرفون يطبخون اذا جاهم اضيوف ما يبغون يطلبون من المطاعم علشان ما ينعرف ان الاكل من برا
يطلبون منها وترسل الاكل من بيتها في حافظات فخمه وكان صاحبة العزيمه هي الي عاملته !!

اقولك والله اغلبهم اذا مو كلهم بنات سعوديات يشتغلون وهم في بيوتهم والناس عليهم بالهبل ..

حتى وحده حاجزه ركن وجايبه وحده مغربيه تسشور الشعر ومخليتها تعمل شعور الزباين وتقول انها تجيك للبيت
70ريال وتشيل حلاوه وتعمل دلكه وحمام مغربي وهي مسكنتها في غرفه خارجيه في بيتها وترسلها كل يوم
تقريبا لخمسه بيوت يعني شوفي كم يطلعلها في الشهر ..

والله عجبوني البنات كلهم ما همهم في احد .. اهم شي يستثمرون هواياتهم وينبسطون بالارباح ..


ادري عورت رأسك ..
لكن والله من كثر ما انا منبهره بلي شفته ..
الله يوفقك ويوفقهم وتنبسطون في شغلكم ..

..
0

اختي مفعوصه مشكوره على الرد

بس مايمنع انك تتخيلين وتجاوبين على السؤال علشان نبغي افكار :)

بس كل القصص الي قلتيها حلوه بس ماتشوفين صعبه هالشغله ان الواحد يبيع من البيت يعني بصراحه احس انها مش حلوه

حلاته يكون في محل والزبونه تتعامل من خلال هالمحل منع للاحراج ولا انتي شرايج؟؟؟

واحس الظروف غير في السعوديه عن قطر خصوصا ان الناس فيها مايصدقون علشان يلقون موضوع يتكلمون فيه

وكل شي عندنا عيب عيب عيب
عاد اتخيل نفسي واقفه في محل ابيع والله ماغير اخواني وزوجي وياهم شانقيني:07:

وامي لاحقتهم تكمل علي
يالله عاد انا ابيك تتخيلون ان ان حد جاك وعطاك فلوس ابي اعرف هالخيال لين وين يودي يالله همتكم

رمايه ..

لا يا حبيبتي السعوديه مثلها مثل قطر
والناس في كل مجتمع لازم يحكون على غيرهم
انا مثلك كنت اقول والله عيب اوقف وابيع !!!!!!
كنت استنكر من الي يبعون من بيوتهم ..
لانه ما الله حاد ها الناس على ها الشي
خصوصا انهم مو محتاجين ..

لكن البنات ها اليومين تغير تفكيرهم ..
يعني مواكبرهمهم البرستيج والمظاهر
اهم شي المتعه الي تحصلينها من شغلك
والنتايج الي كل ما لها تكبر وتبين نجاحك ..
وبعدين هم معروفات انهم بخير ومع كذا يشتغلون
يعني مو محتاجات و ما راح احد يقدر يفتح فمه عليهم ..
وبعدين ان البنت تفتح محل صعبه شوي لانها ما تقدر توقف في محلها
الا اذا كان نسائي .. وبعض ها البضاعه ما تغطي حق ايجار المحل او العاملات
بكذا بيكون المشروع خسران .. لكن في البيت ما فيه التزامات مثل المحل وحلاته
في الاول تربي زباين وبعدين اذا انعرفت ونجحت تفتح محل وثنين ..

واذا تبغين تفتحين محل على طول يا له الله يقويك ..
وانتي يوم اقولك على الي شفته في المعرض اقصد انه ممكن تعجبك فكره وتنفذينها ..


وبالنسبه لو احد اعطاني مبلغ وش اسوي به !!!:confused:


شوفي انا احب الساعات والملابس ..
لكن ما اتخيل اني افتح محل على ها الاشياء
لاني ما لي خلق على الغثى ووجع الرأس ..


ابشتري فيها عقار واستلم اجاراته كل سنه ..
على الاقل مريحه نفسي وضامنه المكسب ..:27:



..

ايوه يا مفعوصه مره وحده ساعات :23:
اثارج منتي بهينه ههههههههههههههههههه

زين ماوضحتي ايش نوع الساعات وماتشوفين انها ماليه البلد هي والملابس وخاصة عندكم

السلام عليكم

كيف الحال ان شاء الله تكونوا بخير
بنات والله شعورك بانك تقدرين تسوين شي وان لك القدرة علي اسثمار جهدك بطريقة ايجابية شعورك ببعض الاستقلالية شعور رائع ولا يوصف
لا يكفي بان تعتمدي علي غيركي دائما لتوفير متطلبات حتي وان كان هذا الاخرلديه القدرة علي ذلك بدون ان يضني نفسه او يتعب ميزانيته
خصوصا احنا يالمتزوجات الله يعين
يعني والله افكر مليون مرة قبل لا اطلب من زوجي مبلغ مثلا لاشتري لعائلتي هدايا او اغراض رغم انه ما يمانع احيانا:11: الا اني احس نفسي اشحت منه وما اقدر اطلب زي ما ابغي او ما اقدر اجيب لهم الشي الي نفسي اجيبه لهم فاهمين قصدي
بس لمن سويت مشروع لوحدي والحمد لله
صرت احسن اولا اخفف عن زوجي ما اثقل عليه بالطلبات والحاجيات وطبعا لازم ادفع او اعطيه رشوة مقابل ذلك:21:اولا
وغير كذا لما احب اروح لزيارة او عرس لازمني مبلغ كذلك للهديا وللاشيائي الشخصية والله استحي اطلب منه كل مرة كاني بزر صغير يطلب من ابوه وطبعا احيانا انال الموافقة وعشرة لا

<<<<<<<<تحكي قصة حياتها
من هنا وانطلاقا من ذلك فكرت ليه ما اسوي شي بنفسي يغنيني عن السؤال ويلبي لي حاجاتي
ابتديت
اشتري مكياج وعطور وكريمات للجسم للوجه من جميع الماراكات
ماكس فكتور
ريفلون
ريمال
مابيلان
كوفر قيرل
لوريال
وغيره كثير
بضاعة مختلطة
في الاول صرت ابيع لصاحباتي بلندن يعني اللي يلقوه بره مثلا بعشرة يلاقونه معاي بثمان بسبع
كذا
الي ان وصلت لمبلغ بسيط
كبرت من نشاطي وصرت اشتري بكميات اكبر وابعث لبلدي بعد ان تعاقدت مع محلات كوفيرات وغيره ان اشتري لهم بضاعة الشحن عليهم ولي نسبة
بنااااااااااات ما اقصد دعاية لنفسي
بس حكيت لكم الموضوع بالتفصيل لكي تستفدن من الخبرة التي حصلت عليها
الحين الحمد لله صار ل ي دخل معقول اتصرف فيه علي راحتي من غير ما ارهق الطرف الاخر بطلباتي
اتمني ان تفيدكم تجربتي
ولا تنسوني من دهوة صادقة من قلبوبكم الحنونة
اختكم في الله
سلااام