ياقلبي يالحب ماهو بايدك
بالنسبه لي مانعزم اهل زوجي بالبيت لآنهم رافضين رفض قاطع يجلسون ببيتهم وكلن يجي يفطر معهم
بس القهر اني اجلس من الساعه وحده الظهر اصلح فطاير اشكال وأنواع (بالمناسبه هم مايصلحون غير الشوربه والسنبوسك واللقيمات وحريم العيال يجيبون ماتجود به نفوسهم )
المهم دايم على هالحال اجيب فطاير تعبانه عليهم
والباقيات يخلص رمضان ماذقنا منهم شي .. يجيبون فطاير جاهزه ويحشونه لبنه وخيار ولا زيتون وجبن
ماتعبو حالهم .. الليتقول والله نايمه ويالله لحقت اطلع شي من الفريز .. واللي تقول جالسه انظف بيتي ومالي خلق ادخل المطبخ
اخ بس قررت رمضان هذا ماأكلف نفسي وقلت لهن هالكلام ليش انا دايم اصلح ببيتي وانتم تجيبون جاهز
خلاص ابجيب توست وأقصصه واحشيه يابيتزاء يالدجاج مفروم
على الاقل شي فيه طعم موب ماسخ ومالغ جايبينه من برا ..
اسغفر الله العظيم
كسبو منا أجر ..
Anstazia
•
حبيبة ابراهيم :أولا لازم نحتسب الأجر في أي عزيمة واذا كنتي ضيفة ومعزومة خذيلك حلا ولا طيق جانبي يعني مارح تنقصي ايد أو رجل لو ساعدتي شخصيا ما احب اروح على وقت الاذان احسه عيب يعني قبل بفترة ونساعد صاحبة البيت ثانيا اذا كانت العزيمة عندي أسوي منيو واخلي الأطباق معقولة ومرضية ما احب الزحمة ولا السفرة اللي من هنا لهناااااك الناس مو لاقية تاكل واحنا نرمي الأكل بدون تقدير أنظم وقتي والاطباق اللي اقدر اسويها قبل بيوم اجهزها وبس يوم العزيمة احطها على النار الأكل اللي ياخذ وقت الأفضل تجهزيه من بدري واللي يتفرزن كذلك زي الخفايف السمبوسة والسبرينج رول الكنافة أو مثلثات الجبنة يعني اهم شي التنظيم وانتي مارح تحسي بتعب رتبي افكارك وكل شي يعدي وهو يوم ويمر مافي داعي للتوتر :)أولا لازم نحتسب الأجر في أي عزيمة واذا كنتي ضيفة ومعزومة خذيلك حلا ولا طيق جانبي يعني مارح تنقصي...
:44: والله اللي يضايق بجد اذا عزمتيهم الحريم تقول لك ما اقدر اكل مسويه رجيم راسي يعورني
بعد كل هذا التعب والكرف في المطبخ عاد اي رجيم كل وحده ما شاء الله
الله يهديهم الحريم
بعد كل هذا التعب والكرف في المطبخ عاد اي رجيم كل وحده ما شاء الله
الله يهديهم الحريم
a7elwa
•
معك حق والله وبعد الفطور ياكلو ومايشيلو الاكل ولا يجلو
وغير كذى الاطفال يكونو كانهم في ملعب يركضو ويكسرو
وغير كذى الاطفال يكونو كانهم في ملعب يركضو ويكسرو
الصفحة الأخيرة
شوفي يالغلا حنا مشكلتنا مو مشكله عزايم غرب يعني العله منا وفينا اهلنا وبالاحرى زوجات اخواني وعماتي وخالاتي بعد خل نبدا بالترتيب زين زوجات اخواني 3 وثنتين منهم متزوجات من زمان يعني عيالهم كبار انا اكبر منهم بكم سنه بس وساكنين معنا بنفس البيت فوق او برى زين امي تقول برمضان وحلاه الجمعه وكذا وكذا نقول ماعليه ونقعد نشتغل انا وامي واختي كرف وصراحه خلي اقولك حنا مو منتظرين منهم يجيبون شي لانهم عله اولا وفاشلات بالطبخ ثانيا يعني انا بنت امس اللي توي اتعلم احسن من اللي تسوي نفسها من سنين تطبخ :) واخواني صراحه بعد مايعجبهم طبخهم لان ماعندهم نفس في الاكل كله خبص
المهم مو هذي قصتنا عاد يستحون على دمهم ينزلون بدري عالاقل صلوا وانزلوا وربي واللي خلقك تقولين كنا خبلان يالله ويالله بالساعه ننادي عليهم وكل وحده نازله تتمخطر على الدرج زين اذا جوا معروف الرجال لحال والحريم لحال لا كل وحده تبغا تجلس مع زوجها وعيالها وماعليها من الباقي وهالطبع الخايس من مره اخوي الكبير هي الاساس هي العجيز اللي مفكره روحها بنت امس اجل كيف العروس تسوي بتقول اكيد بجلس مع زوجي اقول لامي اجل وش فايده الجمعه والا مطعم هو حنا الخدم بس
زين وهم ياكلون مايخلوا شي ما ينتقدوه مع اني والله مو عشان امي واختي امدح فيهم بس الحق يقال طبخ سنع وهم تعالي شوفي هذا ماسخ وهذا مافي فلفل وهذا ليش تعالي شوفي لين انا سويته كيف وتعالي شوفي هالطبق لين انا صلحته كيف والحق مو عليهم حتى اخواني بعد مرتي تسويه شحلاته وزوجتي تسويه كذا بالله ماودك تسطريها :mad:
زين خلص الفطور كل وحده تغسل يدها وتجي تجلس زين حسوا على دمكم ماسويتوا شي ولاطلبنا منكم شي ساعدوا في المواعين عالاقل لان حنا ماعندنا شغاله اذا انتو وبناتكم جلستوا وحنا باقي لساعه 8 و 9 ننظف
ولازم وحتما تنتهي السالفه بهوشه ياعلى الصغار ويتدخلون الكبار ياهم العلل يتهاوشون وربي ضغطي مرتفع والسبب وجههم وامي ماترضى عليهم بيني وبينكم تحب اودلاها على حنا البنات مع ان شوفي تعاملهم هم وزوجاتهم بس دايم تقول لنا هم اللي بيرفعون اسمنا مو انتو خليها على الله بس