تعبت نفسيتي منها

السلام عليكم
انا مشكلتي مع اختي اللي اصغر مني عمرها 22
كنت انا وياها علاقتنا قوووووويه مره
واحبها اكثر من نفسي
كنا نتهاوش لكن مانطول بسرعه نتراضى
لكن اختي تغيرت صارت تمسك علي اي كلمه والله مااكون قاصدتها وتزعل ماتكلمني اسبوعين
وانا اروح اعتذر حتى لو هي غلطانه وبعدين ترضى وعلى اي كلمه تزعل وتاخذ اسبوعين او 3
وهكذا على هالموال يابنات انا نفسيتي تعبت منها وش اسوي ابقولكم امثله
كنا ننام بغرفه وحده ومعي اختي الصغيره عمرها 6 شهور كانت هي تروح للجامعه وتقوم الصبح وتطول وهي تتزين عندي بالغرفه وتخبط بالاغراض وتقوم اختي الصغيره وتصيح
المهم المغرب كلمتها بهدوء مره وقلت لها عادي تزيني لكن بهدوء لاتخبطين الاغراض بقوه وزعلت واخذت قشها وطلعت من الغرفه كانني طردتها وراحت نامت غرفه ثانيه وصار لها 6 شهور تنام هناك
وبقولكم موقف ثاني مره امي طاحت وانكسرت رجلها وراحت هي معها للمستشفى وانا كنت جالسه بالبيت مع اخواني المهم يوم رجعت من المستشفى انا سالتها كيف امي وشفيها وش قال لها الدكتور وماترد علي قلت لها ردي بصوت عالي المهم هي عصبت وقامت تناااافخ وبصوت عالي قالت ماني فاضيه لك وانا عصبت قلت انا خايفه على امي وعادي سالتك قالت لا انتي تهاوشين ومن يومها الى اليوم ماااااااتكلمني بس كلمه ورد غطى صار لها اسبوع وأرسلت لها بالواتس سالتها ليش كذا تعاملني وش سويت انا وماتررد
واليوم سالتها وقلبت علي قالت انتي دايم تهاوشين وانتي تسوين مشاكل قلبت السالفه علي
والله انا يابنات مااهاوش لكن اذا تعبت من شغل البيت اعاتبها يعني اقولها انا تعبت تعالي ساعديني سوي لك شي وهي تعتبر هذا هواش حتى لو سولفنا تحجر لي
وش ااسوي معها احترت وتعبت نفسيتي مرررره
يعني اخلي علاقتي معها رسميه ولا وش انا ماابي اكون قاطعه رحم اخاف الله يحاسبني وش السواه معها تكفوون