ان شاء الله راجعة اكمل لكن ضروف العطلة والعيد

اقول شكلكم تقولون هذي ما عندها سالفة تكتب وترد على نفسها انا اذا شفت عدد القراء يزيد ولو واحد اتفاعل واكمل وهذي مو يعني اني مستغنيه عنكم لاودي تشاركون معي وتتحمسون معي حتى لو تكتبون عن مواقفكم في الحج وبرضة ممكن نلقى فائدة
وحتى لو تشاركون بكلمة شكر لاني احب التفاعل في المواضيع وهذا اللي حببني فيكم يابنات عالم حواء انكم جميعكم تتفاعلون مع اي موضوع والله يوفقنا وانتم

مراحب دوحه
كملي تحمست واجد
وترا انا حجيت هالسنه

يالله اذا خلصتي بقولك ذكرياتي بالحج
شي يضحك وشي يبكي:) :(

مراحب..اختي..ليساء..لكن..انقطع..عن..المنتدى..فترات..طويلة..والله..نوني..شفت..ردك..على..موضوعي..
الله..يسعدك..وودي..تعطينا..تفاصيل..حجك..لانها..لسا..طازة
اموت..في..سواليف..الحج..
الله..يبلغني..حج..بيته..الحرام..مرات..وكرات

مرحبا اخت دوحه حتى انا اسفه انقطعت عن المنتدى
شكلنا بتصفى علي وعليك
بس ماعليه هي الساعه المباركه الي اسولف فيها معك
مدري شقولك بس تخيلي نزلت 3 كيلو قبل ما اروح الحج من كثر ما احاتي بعيالي ..انا عندي بنت عمرها 3سنين ونص وولد عمره سنتين وتعرفين اسم الله عليهم كلهم يفهمون والحمد لله كنت مطمنه اني بخليهم عند امي وخواتي بس تعرفين لازم افكر فيهم وخاصه انها اول مره بحياتي اتركهم المهم توكلت على الله ورحت انا وزوجي مع حمله الحمد لله توفقنا فيها ...
اول يوم دخلنا للقاعه بمكه وكنت مستانسه اني لادي فريضة الحج الي كل من يحلم انه ياديها بس بنفس الوقت كنت جزننانه على فراق عيالي ..طبعا وانا ارتب اغراضي كنت اذكر عيالي واصيح بس حاولت امسك نفسي وافكر بذكر الله وبنيتي اني اخلص في الحج لله وما افكر بشي غير الذكر ..
من الاشياء الي ضحكتني اذكر واحنا نرمي اول الجمرات طبعا احنا مجموعات وكل مجموعه مسؤل عنها شخص كان يمشي قدامنا واحنا وراه ولما خلصنا الرمي طلعنا نمشي بنروح نركب الباص ويلف المسؤال علينا على واحد كان شباب عمره تقريبا 19 سنه قاله وين امك؟
تخيلي وش رد عليه بهالزحمه........؟؟؟؟
قال مدري كنت امشي معاها وقلت لها روحي وانا اجيك..طبعا يتكلم بكلللللللللللللللللللل برود,, عصب عليه وقاله روح دور امك احنا بننتظرك ووقف طلع جواله دق عليها ماترد وراح بداية الجمرات ورجع قال خلاص خلونا نركب الباص كيفها قاله المسؤل شلون كيفها وجلسنا ننتظر ساعه كامله تعرفين الرجال والحريم تعبو من الوقفه وكل شوي جاينا شرطي يقولنا امشو لا توقفون
وبعدين رحنا ركبنا الباص ورجعنا للقاعه ولقيناها موجوده قالت انها ضيعتنا ورجعت مع مجموعه ثانيه
والي يضحك ان بالمرات الثانيه المسؤل خلى الولد وامه يمشون جنبه عشان ما يضيعون مره ثانيه .........

لي رجعه ان شاء الله
دوحه يالله كملي معاي ودي اسمع سوالفك :)