اهلين يابنات صبحكم الله بالخير ابقولكم تقسيمي وانتم وش رايكم اخذ المصروف 5الاف من زوجي يشمل جوالي واشياء البيت مقاضي من السوبر ماركت والملابس للكل التقسيم 1000في الفترة هذي لازم اطلعها تروح لرصيد وحدة من بناتي قد اخذت منها من فترة مبلغ بس قلت لازم ارجعه والتزم فيه يمكن شهرين او ثلاثه
جوالي اول ما اسدد الحين بحط حد ائتماني والله على قولت الاخت نيراز اول الكل ارسل له واكلمه وبعدين انتبهت اني ان ما ارسلت محد ارسل وان ما كلمت محد كلم فصراحه خففت مكالمات ورسايل في الفترة الماضيه كانت تجيني فاتورة الجوال 800 وحولها على ايش ما ادري المهم اني في الفترة خففت والان بحط حد ائتماني300
اكل من برة كنت من فترة اكتب اي شي اشتريه واكتشفت بعد فترة ان اكل المطاعم هو اللي يخرب الميزانيه اقل طلب يكلف حول الميه والعيال اذا بطاوعهم كل يوم يبون من برى (بس ترى هذا الرفاهيه اللي لهم لان ماشاء الله اشوف كثير بنات هنا طلعت السوق دائما انا لا مايطلعون قليل جدا اطلعم للاسواق الا اذا فيه حاجة الاغلب انا اللي اروح وبعد الملاهي مانروح لها لاني وببساطه اكرهها جدا بين كم فترة وفترة يعني بالثمان شهور اوديهم واشحن لهم 40 او خمسين وغير الوجبات والايس كريم ) ادوختكم حددت لهم اكل المطعم مرة بالاسبوع مثلا يوم الجمعه وابوهم اللي يجيب لهم بالغالب ممكن يصير فيه تنازل عن هالبند بين فترة واخرى ونطلب مرتين في الاسبوع
الملابس انا اسوي جرد من فترة للثانيه واشوف وش يحتاجون واجيب لهم انا قليل ما اشتري لي لاني ما اطلع كثير يا اهلي يا اهل زوجي او صاحباتي بس مودائما
اللي ياخذ المصروف ويخليني اطلب بعض الاحيان من زوجي مصروف البيت يكسر الظهر احاول مرة تصيب ومرة تخيب بس بعد ما قريت هالموضوع اتضحت لي الفكرة اكثر مثلا الاغراض بجيب الاساسي من محلات الجمله وراح انتبه لعروض السوبر ما ركت اكثر واستغل الفرص اول كنت اقضي مرة بالشهر بس الحين اقول يمكن هي اللي تحوسني لاني اكثر اغرض ةعلى قولتكم يمكن يمر الشهر ما استخدمتها كلها ونفس الشي الخضار انا الحمد لله عندي سواق ليش اخلي الاغراض مرة بالشهر بخليها كل عشر ايام مثلا مصروف الشهر ما اخذه الا كل بداية شهر ميلادي فالشهر هذا بمشي شوي شوي ومن ينزل مصروف الشهر الجاي ببدا وشوف وش يصير انا هدفي من التوفير اني اخلي مبلغ لي للزمن وناويه اخذ من المصروف 50ريال لكل طفل واحطها بضرف خاص فيه صح المبلغ بسيط جدا بس ليش لا احسن من ولا شي
ها وش رايكم

ضيقتوا صدري على بند المقاضي بس انا بالعاده اذا تقضينا مانتعدى 600 ريال بس بزيدها واخليها 1000 احتياط باخذ شوي من الترفيه وشوي من مصروفي باخذ 100 والباقي من الترفيه والله يعين
اختي جالكسي مالح ودي اشوف تقسيمك يمكن اغير رايي في الخطه الخمسيه حقتي
على فكرة زوجي قال لك 3شهور وبنشوف نستمر ولا انرجف فالله يخليكم ساعدوني ماابي اتفشل منه يقول ماعندك سالفه

سلامتك نيراز وسلامة ظهرك يارب يشفيك ويعافيك




نعم اختي نيراز انا اللي عطاني زوجي المصروف وبحطني تحت الاختبار... وبصراحة انا كنت مترددة في قبول الموضوع لعدة اسباب من اهمها .. لاني ما احب اخذ مسوؤليات غيري ومقاضي البيت المفروض يوفرها بنفسه لكن لان عنده ضغط دراسة وعمل حبيت اخفف عنه وايضا انا مجربته اذا انشغل تتاخر المقاضي علينا نقعد بعض الاحيان ثلاثة ايام واكثر والثلاجة فاضية ..لما تجي فرصة يروح يتقضى للبيت .

المهم مالك بالطويلة ياعيوني ان شاء الله ماراح اكل علقة ولا شي لانه عطاني بند مصروف المقاضي والملابس وبنزين السيارة فقط
والباقي من ديون واقساط وراتب الخادمة والسائق والفواتير بجميع انواعها عليه هو لانها تقريبا ثابته وهو اللي يوزعها بحسب خبرته ومعرفته ...

بنات خطرت لي فكرة وما ادري اذا ا هي تصلح ولا لا ..

اباخذ من المصروف من الف ريال الى الف وخمسماية على حسب توفيري .. واسوي فيه جمعية بحيث كل ثلاثة شهور استلم وبيكون عندي ثلاثة الاف او اربعة وتكون لمقاضي الملابس فقط بحيث اني اختصر طلعات السوق تكون كل ثلاثة شهور اقضي مرة وحدة لي ولبناتي ..
وش رايكم وهل فيه احد مسوي كذا وناجحة معاه ..

بسبوسة احس انك ماشية بالطريق الصحيح .. واذا طلبنا من المطعم اقل شي 60 ريال اذا طلبنا شاورما مثلا لان اعيالي يحبونها بس انا ما طيقها من برا احس انها مو نظيفة

لما دخلت السوبر ماركت لقيت دجاج هبر او صدور دجاج بكيسة كبير والكيسة كيلوين ب30 ريال يعني لو شريتها وصلحت منها شاورما للاولاد بدل اكل المطاعم ابكسب من نواحي كثيرة ..
اهم شي نظافة واكل صحي داخل البيت
الثاني بيكون سعرها اقل وهذا المقصد من موضوعنا
الثالث بيبقى منها للمرات الجاية

وبكذا نكون ضربنا عدة عصافير بحجر واحد ..
ونفس الشيء اذا طلبوا برغر اشتري اغراضهم واصلحهم داخل البيت ..