لا جوا :

الله يكتبلك اللي فيه خير لك

الله يكتبلك اللي فيه خير لك

بثـينة :

الغاليه بصراحه الوظيفه تحسن من النفسيه و بنفس الوقت ممكن تزيدها سوء ... يعتمد على المكان اللي بتتوظفين فيه و على طاقم العمل اللي وياج و المسؤولين ... بنظري لو انتي ماا كنتي محتاجه للشغل من الناحيه الماديه فما في داعي تشتغلين لانه والله قعدة البيت أريح بألف مره ... اسئلي مجربه ... أنا صار لي من توظفت شهرين و أسبوعين ... والله العظيم من يوم ما داومت ما ارتحت أبداااا ... كلها معاناه تخيلي من دوامت ولدي صار كله يمرض ويتعب .... لانه متعود علي واايد وما لي غيره وماله غيري .... أهلي بعيد عني و أهل زوجي كل حد لاهي في نفسه ... و ما عندي خدامه ... ف كل الوقت كان وياي حتى تكرمين في الحمام رايح وياي .... ما يفارقني مثل ظلي ... وطبعا وديته في فتره دوامي الحضانه ... أشله وياي الصبح وأنا رايحه وطبعا المعاناه تبدأ من أنزله الحضانه كله يصيح .. في البدايه كنت أقعد أهدأه و أسكته بس بعدين صرت أطول وياه وأحس اني أضيع وقت و أتأخر على الدوام بسببه ... فصرت أنزله و أروح ... وأخليه يصيح لين يشبع ويسكت عقب ... يكسر خاطري والله ... هذا غير انه يقوم من النوم وهو مب شبعان ... حرام والله ... و يطلع في هالجو البارد الصبح .. فكله مريض .. بسبب الجو البارد اللي يطلع فيه الصبح و الصياح المستمر والنفسيه الزفت بسبب فراقه لي ..... وهذا غير انه الحضانه اختلاط من كل الجنسيات ومجرد طفل يمرض يعدي الباجيين .. مره حساسيه .. ومره انفلونزا و و و .... والله ولدي أكبر هم بالنسبالي .... و طبعا يا دووووب أرجع من الدوام للبيت على طول طبخ و نتغدا وعقب تنظيف البيت و غسيل الملابس و الكوي و و و و .... وطبعا ولدي ما شاء الله عليه كله لاصق فيني ولو ابتعد عني اشوي يعني أكيد بيسويلي بلوه ... يا كاسر شي يا ناط من فوق شي ومتعور يا ماسك لي كتب أبوه ويقطع فيها و و و .... سلسله متاعب ما تخلص ... وما أرتاح الا وقت النوم وكلها كم ساعه أرقد آخر وحده وأقوم أول وحده علشان أحضر لهم الريوق و الملابس و اللانش باج و ..... بس شوفي ... أنا كنت أكره قعدة البيت ... كنت أحس شراتج اني بس خدامه أكرف 24 ساعه و ع الفاضي .... كنت أحس اني في سجن .... لانه زوجي كله مشغول وبرع البيت ... صج كنت أعاني .. لا أروح ولا أيي .... صرت عصبيه و مزاجي دايما متكدر و على أتفه سبب أزعل وأسويها سالفه و و و .... تبين الصراحه نفسيتي ارتاحت من الدوام لاني صرت أطلع وأشوف ناس وأتكلم مع ناس و أغير جو .. وهذا أهم شي .... وغير جذه تحسين انج تساعدين في البيت و تقدرين تشترين اللي في خاطرج حتى لو غالي من غير ما تحاتين ريلج ... يعني الوظيفه لها ايجابيات برغم سلبياتها ... عاد انتي شوفي شو بتسوين مع بناتج هذا أهم شي ... وين بتودينهم و مع منو بتخلينهم ...؟؟؟ اذا في حد تتطمنين عليهم عنده فما فيها شي توكلي على الله واشتغلي ... بس لو تحسين انه الشغل بيكون على حساب بيتج و ريلج و عيالج و راحتج .... فبلااااااااااه أحسن وفي النهايه الحياه صارت غاليه و المصاريف تكسر الظهر والله فحلو انه الوحده تساعد زوجها اشوي ... والله يوفقج في اختيار القرار الأنسب ...

الغاليه بصراحه الوظيفه تحسن من النفسيه و بنفس الوقت ممكن تزيدها سوء ... يعتمد على المكان...