الله ياخذنـــــي ما استاهل اكون ام ادعوا لي

الأسرة والمجتمع

بنات انا متزوجه من 3سنوات تقريبا حملت باول شهر من زواجي ولما كملت 5شهور من حملي اتصلت علي وحده اعرفها وقالت لي بالحرف الواحد والله لاحرق قلبك على اللي فبطنك والله لاخليكي تبكي دم عليه اتوقع كان السبب الرئيسي لاتصالها غيره لاني والله الشاهد ماغلطت عليها ابد
الموهم تمم الله حملي وجبت بنت مثل القمر ماشاء الله احبها حب ما اتوقع ام بالدنيا تحب طفلها كثري الكل كان ملاحظ حبي لها انه جنووووووني لدرجة ما انام الاووجهها بوجهي وانفاسي بانفاسها
لما صار عمرها9شهور حملت ولاتغيرت عليها ابد بالعكس ما اهتميت بحملي وظليت ارضعها من صدري لين ما صار حملي له8شهور وهي بطلت صدري من نفسها كنت اخاف اعطيها صناعي اخاف عليها

تمم الله حملي الثاني وجبت بنت وكان عمر بنتي الاولى سنه و5شهور ولادتي كانت صعبه مررررررره لما طلعت من المستشفى تغير تعاملي مع بنتي لدرجة اضربها وعمرها سنه ونص

الكل يقول وش غيرك بالعربي انقلبت وحش على طفلتي حتى ما اترفع اضربها قدام الناس ولما تنام ابكي ارحمها اقول وش غيرني عليها

الصدمه العظمى تخيلوا حتى بنتي اللي عمرها الا4شهور اضربها لا احد يسب ويششتم فيني لاني والله ابكي لان مدري وش فيني ليش اضربهن والله احبهن بجنوووووووووووووووون

ولما ينامن دموعي اربع اربع يأنبني ضميري بنتي الاولى عمرها الان سنتين تقريبا والثانيه 4شهور

ادعو الله ياخذني ويبدلهن ام احن عليهن مني اه بس ليش صرت كذا وين حناني اللي الكل كان يتكلم به :44:

وللمعلوميه حياتي كمان تغيرت بعد طفلتي الثانيه حتى من ناحية الطلعات اجلس اسبوعين ما اشوف الناس وانا بغربه
مانقدر نطلع انا وزوجي لانهن صغااااار وصرت بس اهاوش وطفشانه وزوجي صار بس برى البيت مع اصحابه


الاخت اللي تقول اقري على نفسك انا كنت محافظه عالاذكار مرررره لاني حاطه تهديد الادميه فبالي لكن صار لي 3شهور ما ارقي نفسي ولابناتي اهملت الاذكار حتى صلاتي والله مدري كيف ااديها اه بس تعبت وربي تعبت

اه اختي al_goory جبتيها عالجرح انا طلبت زوجي اروح لاهلي اصلا اهله واهلي بنفس الديره بس رفض يقول مو الحين ادعوا الله يحنن قلبه علي والله خايفه من ضربي اسبب عاهه لوحده من بناتي...
239
21K

يلزم عليك تسجيل الدخول أولًا لكتابة تعليق.

تسجيل دخول

أم عمر الامور
أم عمر الامور
الله يحفظهم لك عليك بالدعاااء والاستغفار ...
جارة القمر.
جارة القمر.
الله يفرج همك لا تهملين وضعك شوفي وفتشي عن الاسباب
الجنه --- مبتغاي
الله يهديك لاتدعين على نفسك وجعل مايربيهن الا انتي ..وبالنسبه لضربك لبناتك هذا دليل على ان عندك ضغط نفسي وماتتحملينهم لانك مو من طبعك الضرب حاولي تستغفري قبل لاتمدين يدك والله هالطريق مريحه.. وماتصدقين اللي قاعده تنصحك الحين هي نفس حالتك بالضبط بس قاعده اجاهد نفسي حرام مساكين والله مالهم ذنب... وحاولي تعقدين مع نفسك وعد او اتفاق انك يومين مثلا لو وش ماصار ماتمدين يدينك عليهم...وان شاء الله تنفع معك هاطريقه... والله يهدينا غصب علينا
نفسي انسى
نفسي انسى
حبيبتي هدي بالك يمكن معك اكتئاب بعد الولاده روحي لدكتور نفسي الله يسهل امرك
مدام الباشا
مدام الباشا
ليه يا اختي تدعين على نفسك ،،

انا عندي بنت ما جبتها الا بعد 6 سنين واحبها واموت فيها ، بس احيانا اعصب عليها ،،

مو كره لكن احيانا الواحد يمر بضغوط ،،

احنا بشر مو ملائكة ،،

انت حني عليهم قبل ما تمدين يدك فكري ،،

ويمكن عين صابتك ،،

بس اقري على نفسك كثير الجأي الا الله استودعيهم الله واستودعي نفسك وبيتك ،،

والله يخليك لهم ويخليهم لك ولا يحرمكم من بعض ، ما بتجيهم ام احن منك عليهم ،،