M!ss Masooka :

صباح الخير اول شي انا مطلقة مرتين و عمري صغير والحمد لله على كل حال صحيح التجارب قااااسيه واللي بعمري بعدهم مو متزوجات اصلا لكن الحمد لله والشكر اتمنى رب العالمين يحتسبلي الاجر و يرزقني بالفردوس الاعلى يارب العالمين كيف كنت تمضي ايامك كيف كنت تحسي؟؟؟ مااخفيج اول ايام كنت تعبااانه صار فيني شبه انهيار عصبي اول طلاق لمن طلقني قدام اهلي ماكنت مستوعبه لمن طلع حضنت اختي و صرت ابكي واصرخ قلتلها الله يخليج قلوليله لا يطلقني قوليله يرجع ياخذني لبيتي وقعدت طول الليل مو مستوعبه اطالع للموبايل اقول الحين يتصل يقولي نزلي منتظرج برى مو مستوعبه انه طلقني لكن الصبح قعدت واختي بعد عمري ماقصرت كانت مسويتلي اكل واخذتني تمشيني برى وسبحان الله يومها مطرت مطر مو طبيعي قوووي وكنت ابكي يومها ودعيت الله يارب يجي اليوم اللي يجي فيه هو يتوسل فيني ارجعله وانا ارفضه وسبحان الله اجى هاليوم بعد شهر واحد بس و تحقق دعائي بعدها بديت ابني حياتي و اتاقلم مع وضعي كان في صعوبه لان عشرتي معاه كانت 3 سنين مو شويه وشوي شوي الحمد لله وقفت على رجلي مره ثانيه و بعد 10 شهور تقدملي طليقي الثاني و كنت فرحانه ومتفائله لكن يافرحة ماتمت ماكملت شهر زواج طلقني ماادري كان مسحور ولا كذاب ولا غشاش شنو ماكان هو غاشني لان ماقالي ان عنده مشكله او يحس نفسه مو طبيعي طبعا الصدمه كانت اقوى لان ضربتين على الراس توجع قعدت اسبوع لا اكل ولا نوم لكن الحمد لله رب العالمين نزل سكينته على قلبي و الحين الي 4 شهور مطلقه من زواجي الثاني واللهم لك الحمد خلاص راضيه بقسمتي ولا اعتراض على حكم رب العالمين بس اتمنى الله ياخذلي حقي من اشباه هالرجال عاجلا و غير اجل...يعني كم ساعه تمضي تفكرين بالموضوع ...طبعا اول ايام طول الوقت وانا افكر بالماضي مثل شريط حياتي يمر قدام عيني بس كل وحده و شطارتها شلون تعدي هالازمه موقف اهلك صعب الامور ام انت صعبتيها على نفسك؟؟؟ لا اهلي الحمد لله احتضنوني طبعا اهلي امي واختي اخوي متزوج و مو سائل عنه فالحمد لله والشكر الله عوضني بام واخت و اولاد اخت كم من الوقت احتجت عشان ترتاحين شوي؟؟؟ مثل ماذكرت كل وحده وشلون تساعد نفسها و اذا كان عندها ايمان بالقضاء والقدر راح ترتاح بس اذا تظل تندب حظها و تقول ليش بس انا و ليش البنات كلهم متزوجين و مرتاحين و بس انا اتطلق راح تتعب و ماتطلع من ازمتها بسهوله وجود الاولاد اذا الله اعطاك شنو تأثيره؟؟ الحمد لله رب العالمين مارزقني بالذريه منهم و هاي نعمة لان مااحب اطفالي يعيشون حياة مختلفه عن بقية الاطفال هل تحنين؟؟ طليقي الاول ابدا كرهته من اول ماطلقني والثاني ماكرهته لان على اساس كان مسحور كنت حزنانه عليه اكثر من نفسي لكن رب العالمين كشفه ان سوى موقف معاي بفترة العده ان ماعطاني مؤخري و كذب علي فخلاص لا صرت احزن عليه ولا شي كرهته اكثر من الاول بس احن للاستقرار لان بيتين افتحهم و يروحون مني العوض على الله و كيف تتغلبي على حنينك؟؟؟ مثل ماذكرت مااحنلهم بس احن للحياة المستقره و لبيت يكون الي و استقر فيه و اصير ام بس الهم لا لان اللي يكسرني و ينزل دمعتي مايستاهل احن اله اصلا شنو ردة فعلك لحظة الطلاق نفسها؟؟؟ طبعا حزنت مثل ماذكرت و تعبت لكن اول جملة قلتها لا حول ولا قوة الا بالله واللهم اجرني في مصيبتي واخلف لي خيرا منها واذا الطلاق فجأة و ما كنت متوقعتيه كيف وضعك؟؟؟ اممم الطلاقين كان عندي احساس اني راح اتطلق لان بالاول كان دائما يهددني بالطلاق بكل مشكله و بالثاني بين انه مو طبيعي من ثالث يوم زواج فكنت متوقعه النتيجه واللي اتغلبت على الطلاق تقول كيف عملت؟؟؟؟ مااقدر اقول تغلبت عليه 100 بالميه لكن تغلبت عليه بنسبة كبيره الحمد لله رجعت ضحكتي وماانكر اوقات اضعف وابكي و انهار اذا اتذكر لكن مثل مانقول يبقى الامل مادامت الحياة وانا واثقه برب العالمين ان ان شاء الله يعوضني عن كل شي فقدته وشفته بالدنيا والاخره واذا اهلك محاصرينك و مشددين عليك كيف تفشين روحك؟؟؟ لا الحمد لله انا عايشه مع امي بس انا وياها وامي واثقه فيني و واثقه بتربيتها الي و معطتني حرية كبيره ماشاء الله تبارك الرحمن اطلع واروح و اشتري و ارفه عن نفسي وكل شي بحدود الدين اما عن كلام الناس مااهتمله لان مدام مو مسويه شي يغضب رب العالمين فمااخاف من الناس واللي يبي يتكلم عني وانا مظلومه بكره تطلع فيهم وببناتهم وبالاخير اسال الله ان يعوضني و اياكم بالازواج الصالحين الاتقياء و بالذريه الصالحه يارب العالمين

صباح الخير اول شي انا مطلقة مرتين و عمري صغير والحمد لله على كل حال صحيح التجارب قااااسيه واللي...

ثناء_ماجد :

الله يطمنك و يريح بالك...بس هل ترجع تفكرين بالزواج؟؟

الله يطمنك و يريح بالك...بس هل ترجع تفكرين بالزواج؟؟