أولا اطلب من كل من تقرأ موضوعي أن
تصلى على النبي محمد
اللهم صلي وسلم على سيدنا محمد صلى الله عليه وسلم
كثير من بنات من ها لمنتدى او اى منتدى ثاني
او حتى من الزميلات والقريبات يعانون من كثرة هروب او سهر الأزواج
اللي يسهر لنصف الليل او حتى إلى الفجر
وإحنا يا لغاليات نحس إن الغلط فينا او موجود بنا نقص
او مقصرين بحق الزوج
ونظل نفتش وندور عن الناقص ونحاول نكمله والكمال لله سبحانه
وانا رأيت هالموضوع الرائع لكاتبته الله يجزاها الجنه وين ماكانت وحبيت انقله لكم للإفااادهـ
-هذى زوجها يموت في شيء اسمه مباريات وبتابعها مع زملائه
فتقول يا لله هذى نقطة ضعف زوجي((المباريات))
خلوني استفيد منها
فتلاقونها تبين لزوجها أنها مهتمة وأنها حابه تشوف المبارات الفلانية معاه وتابع الدوري ومجلات الرياضة ووووووو
لكن مازال مسلسل الهروب
-والثانية قالت زوجي يحب (البلاى ستيشن))
ولها كم يوم تحاول تتعلم اللعب عليه وهى ما تدرى وين الله حاطها فيه كله علشان تمسك أبو الشباب يجلس في البيت
لكن مازال مسلسل الهروب
-والثالثة زوجها يحب المصارعة واللي يحب0واللى يفظل0وووووووو
طيب لو كان الزوج يحب الديسكو او الخمر((أعوذ بالله))
تجيبه عندها في البيت عشان نمنعه من الهروب او كثرة الطلعات والسهر
يتبع
والله يا بنات إذا برأسه طلعه بيطلع
والله لو كنت ملكة جمال او أجمل منهن
او كنت من كثره الماكياج ولا لوحه فنيه رائعة
او من كثره العطور كأنك ماره من عند باريس غاليرى
او من روعة لبسك كأنك عارضة أزياء
لو خليتي البيت ما كأن فيه عيال من الهدوء
او خليتي بيتك زى نكتار من روعة ريحته
او أو او أو او أو أو أو
ارجع وأقول
إذا برأسه طلعه بيطلع
هالاشياء كلها ما راح تفيد معاه
(((((أنا ما أقول انك ما تسوين له حاجه من هاذي لكن أقول إذا بها لراس طلعه وسهر للفجر بيطلع))
وهو متأكد انه إذا رجع بيلاقى هالاميره بكامل حسنها تنتظره
ممكن من شد التعب ما يدرى إذا هي لابسه قميص نوم أو خيشه
يحط رأسه على المخدة و
خخخخخخخخخخخخخخخ
نووووووووووووووووم
وتقعد ها لمسكينة تحاسب نفسها أنا ايش سويت
وبأي شي قصرت
ووووو
ودموعها تنهمر لحد ما تنام
:26:
على فكره يشهد الله أنى ما كتبت الكلام اللي فوق إلا من تجارب الزميلات والقريبات وحتى من تجربتي أنا شخصيا
قطعت روحي وعمري علشانه ولانفع والله يا بنات من صلاة العشاء سهر إلى نصف الليل وإذا جاء يا لله يمديه ينام له كم ساعة قبل الدوام
عانيت مثل ما الكل يعانون وسويت كل اللي براسي من ليالي رومانسية وغيرت اسلوبى وطبعي كله عشان عيونه وما نفع
-
-
-
-
-
-
-
-
طيب اللي تقرأ مقالي بتقول وين الحل
هذى بس يتزيد همنا هم
يتبع
اسمعوني يا لغاليات
ثلاث أشياء سويتها هي اللي نفعتني بعد الله
ورجعت ولله الحمد زوجي لما كان عليه وأحسن
(ما شاء الله)
لاتابعت مباريات
ولا مصارعات
ولا ألعاب
ولا ولا ولا
بالعكس له اهتماماته وأنا لي اهتماماتي الخاصة فينى
ومن أهمها متابعة كل جديد بها لمنتدى الغالي
تبغون تعرفون اسمعوا
و واصلو القراءة
ومعليش على الاطاله عليكم
الشيء الأول...
-الدعاء لا تقولون ما جابت شيء جديد
والله يا بنات إن الدعاء بنية صافيه وقلب طاهر يلين قلب الكافر مو عاد الزوج الهارب
اسألي الله انه يرد زوجك لك ولعيالك وانه سبحانه يجنبه رفاق السوء ويشغلهم بأنفسهم (من غير شر) عنه
أنا وزميلاتي كلنا نعانى من السهر الغير طبيعي لأزواجنا ونصحنا يعظنا وكل حاجه سوينها لهم ولا نفع
إلا الدعاء
بعد ما لجأنا لرب العباد ولله الحمد تغيرت أحوالنا من حسن لأحسن
والله يا بنات إننا نسينا
((ادعوني استجب لكم))
الله يطلب منا دعائه وإحنا غافلين
نسينا يا بنات حواء
((أنى قريب أجيب دعوة الداعي إذا دعاني))
ونسينا ((الدعاء عباده))
ولعل الكثير منكم جرب إن أحواله تغيرت بعد اللجوء لله
والحمد لله
ونجى للشيء الثاني
ولا يقل أهمية عن الدعاء
يتبع
-الصدقة....
كثير منا يا الغاليات ما يحصل لها يوميا تطلع برا البيت عشان تتصدق
لكن بعطيكم طريقه تكونين ممن تشملهم دعوة الملائكة
((اللهم أعط منفقا خلفا))
إذا كان عندك علبه أو مظروف أو صندوق ما تحتاجينهم في البيت ارفعيه في مكان امن وكل ما اصبحتى الصبح طلعي اللي تقدرين عليه ريال0 خمسه0 عشره
وحطيه في ها لعلبه وادعى وقت ما تحطينه بكل اللي في خاطرك
ومنها إن الله يسخر لك زوجك
ومتى ما حصلك طلعه برا البيت خوذى كل اللي في الصندوق وعطيها اى محتاج إمامك
والله يا بنات إن الصدقة لها مفعول السحر في حياتنا
وياما سمعنا عن أحوال ناس تغيرت بعد ما داوموا على الصدقة
يتبع
والحين حاجى للشيء الثالث والأخير
- النصيحة
طبعا مو أنت الناصحة لأنك أكيد تعبت ومليت من كثر ما حكيت على أبو الشباب وما نفع
طيب من يكون
اسمعي قصتي
أم زوجي ولله الحمد والله يتمم عليها إنسانه عاقلة وبمقام الوالدة وهى إنسانه ذكيه مره
لما وصلت حدي من كثرة سهر زوجي توجهت بعد الله لها وكلمتها عن معاناتي وأنا كنت واثقة منها إنها ما راح تروح لزوجي وتقوله زوجتك قالت أو تشتكى منك
لاء
جابتها له بأسلوب رائع وفهمته إن الواحد بها لدنيا ماله إلا بيته وعياله
وعطته من الكلام الرائع
والنصائح الغالية
لكن من المهم يا بنات إن ها لنقطه ما تسوونها إلا إذا كنتم ماليين أيدكم من الشخص اللي راح ينصح زوجك
يكون في البداية إنسان ذكى ويعرف يتكلم ولا يجيب سيرتك
-يكون له تأثير على زوجك(مثل أمه أو أبوه أو أخته)
-مهما حصل زوجك ما يعرف أبدا انك مشتكية لأحد وألا تقوم قيامتك وتدعين على
يعنى بالعربي يتكلم مع زوجك كأنها سالفة ويحكيها عن الأزواج كثيرين السهر والبيوت الخربانه بسبب بعد الزوج عن بيته
وان الواحد بها لدنيا مهما راح وإلا جاء ماله إلا بيته وعياله ومن ها لحكى
كمان يتبع
وتحملونى لكن الموضوع يستاهل
--------------------------------------------------------------------------------
--------------------------------------------------------------------------------
صدقوني يا لغاليات كثير من زميلاتي وقريباتي كانوا يعانون اشد المعاناة من أزواجهم
وبعد النقاط اللي سووها (باستثناء إن بعضهن استغنى عن النقطة الثالثة)
الحين صاروا يحمدون الله ليل مع نهار على نعمته اللي أنعمها عليهم وان حالهم يتغير ولله الحمد من حسن لأحسن
((وحده من زميلاتي تقول وهى تضحك:
صرت الحين أتمنى يطلع من البيت((صدق ما فيه شي يرظينا)
ولا تنسون يا بنات إن الدعاء مع الصدقة والنصيحة
لابد انك تكملينهم بكماليات الحياة ألا وهي الزينة والاهتمام بالنفس والبيت والعيال
ولا تجي وحده تقول مثل ما كنت أقول
ليه كل شيء علينا ليه هم ما يحاولون معنا ليه هم اللي يهدمون واحن اللي نبنى
لانى تابعت عدة برامج بالتلفزيون
من برامج خليجيه لبرامج عربيه وصولا للبرامج الأجنبية
ولقيت إن الجميع يعانى من الأزواج سواء إحنا يا النساء الشرقيات أو الغربيات
((أنكتب علينا نعانى معهم))
الوحدة لما تتزوج ما تدري ويين تلحق على ها لبيت أو الوظيفة أو تربية العيال أو تهتم بنفسها أو تطارد ها لزوج
وتابعه
لكن ما أقول إلا الله يأجرنا على كل اللي نسويه
وانه ما يروح تعب
اللهم أمين
وأسال الله العظيم رب العرش الكريم أن يهدى أزواجنا ويسخرهم لنا ولعيالنا
آمين يارب العالمين
:26:
معليش على الاطاله حبيباتى
:26:
منقوووول
همـ$$$ـس @hms_76
محررة
يلزم عليك تسجيل الدخول أولًا لكتابة تعليق.
~أحب الصدق~
•
تسلمي ياقلبي على الموضوع انا شخصيا استفدت منو وان شاءالله حاتصدق باللي اقدر عليه
الله يعطيك العافية اختي سراحة ما قصرتي ابدا
والله يسخر لنا ازواجنا وفعلا الدعاء سر سر سر خطير الحمدلله
شكرا اختي على الطرح الرائع
والله يسخر لنا ازواجنا وفعلا الدعاء سر سر سر خطير الحمدلله
شكرا اختي على الطرح الرائع
الصفحة الأخيرة