بين موئيد ورافض (( الام الي طقت ولدها بليلة عرسه )) ايش رايك انتي

السلام عليكم ورحمة الله وبركاته

الكل تقريباً سمع بقصة الولد الي انطق ليلة عرسه اللهم لا شماته

والي ما يعرف قصته انا اقوله من باب العلم وحتى تتضح الصوره فقط ويعلم الله انه مش شماته :( خايفه تكون زوجته في المنتدى وتحط حرت حماتها فيني وانا غلبانه :06:

يقولك هذي وحده ليلة زواجها بتسوي حركه جديده امحق حركه
وطلبت من زوجها يدخل ومعه صندوق فيه جزمتها اعزكم الله المهم دخل الدلخ :35: اقصد المعرس ومعه الصندوق الي فيه الغنيمه
المهم العروس رازه الخشه وامه المسكينه فرحانه وتصفق وتلولوش اول فرحتها
ولا يوم وصل وركع على رجله وطلع الجزمه وهي مدت رجلها يلبسها على بالها ساندريلا
وفجاه؟؟؟؟؟؟؟ وفقئه بالمصري ؟؟؟؟؟؟؟؟؟؟؟؟
شافت امه الجزمه وقامت عليه وخذي النعال ومنين تونس ومنين تونس :22: تونس مو تونس الدوله لا يعني من وين يوجعك
جميع انواع الرفس والطق والتبقيس طبعن ادات الجريمه هي نفسها ادات المفاجاه ((الجزمه))
وحاولو الحريم تفريقهم وماقدرو الا بعد شق الانفس حلوه شق الانفس :hahaha: تعبت وانا اقولها
وبالنهايه الزوج بالمستشفى بعد ما انشق راسه وخيطوه 14 غرزه والعروس في بيت الزوجيه وحيده احس يمديها ترتب البيت وملابسها وتعرف على جيرانها لين يجي ابو الشباب :42:

نجي للجد
السوعال الي يسدح نفسه هو ؟؟؟
اذا انتي يا عزيزتي القارئه ام المعرس ايش تصرفك
او ام العروس ايش تصرفك والموقف الي راح تاخذينه من بنتك
ولو النتي العروس ايش راح تعملين
واخيراَ هل العروس غلطانه

انا بقول انا ام وعندي اولاد ولو انا مكان الام كان سويت زيها واكثر اجل اربي واكبر واطلب منه يعتز بنفسه ورجولته وتجي وحده ما عرفها الا امس تذله اما النساء لا معصي
ولحد يقولي ما فيها شي لا فيها
ولو انا ام العروس كان خليت ام المعرس تطق ولدها وانا استلم بنتي واربيها من اول وجديد الله يعيني ولخليها تتنوم معه بنفس الجناح
ولو انا العروس كان قلت يا ارض انشقي وبلعيني :10_8_11:

وانا اشوف العروسه غلطانه من راسها الى ارجولها عزت المراه من عزت زوجها والي تخلي زوجها مضحكه للحريم بتخليه بكره ملطشه للرجال وتصير سبب بعدم احترامه في اي مجلس يدخله
خواتي انا الحقيقه ما كتبت الموضوع اتشمت ولا استخف دمي على احساب الغير بس هذي ضاهره وضاهره تخوف تفشت بين بناتنا الي هي حركات الزواج كل وحده بتطلع بحركه وحتى ان كانت حركه غبيه وغير مدروسه اجل وحده تدخل بالبكيني وزوجها يدخل بفستان العرس يلبسها بزعمه انه جاها الي بستر عليها امحق ستر هذي حصلت في الكويت وعندنا بالسعوديه وحده دخلت راهب جابته مخصوص من كنيسه لبنانيه وفيه وحده اعرفها لما قصت الكيكه قدام الناس ((وكانت كيكتها عباره عن مجسم لشكل العروس )) خلت زوجها يدخل السيف بين ارجول المجسم وطلع عصير فراوله مستعجلهالاخت لاحقه على الولاده والدم ؟؟ والله اني احتقرتها وكرهت شوفها من ساعتها واشيا كثيره تشيب الراس
اسمحولي اذا طولت عليكم بس اتمنى منكم التجاوب وابداء الرئي والي مو عاجبها الموضوع تكتب(د,ث) دمك ثقيل او تكتب( م, ب) موضوع بايخ او (ي ,س) يا سخفك وكلها مقبوله والرموز عشان احساسي ما ينجرح :26:

على فكره القصه حقيقيه في الرياض حصلت وانا نقلتها من منتدى بس انا صغتها بسلوبي الله من زين الاسلوب عاد :09: