حج مبرور مقدما
بالنسبة لكيفية الحج والعمرة فهناك كتيبات صغيرة تحت اسم صفه (الحج والعمرة ) مثل (دليل الحاج والمعتمر تقديم الشيخ صالح ال الشيخ وجمعه طلال العقيل بالصووووور ) وغيره بس اهم شي ناس ثقات.
اخذ يها معاك لانه كل مرة ممكن تقرين فيها ايضا اختي كتيبات متخصصه بالادعيه او اطبعي الدعوات اللي تعجبك زي ادعية عمر خالد في نهاية برامجه بالاضافه للادعية الماثورة من القران والسنه تنفعك في الوقوف بعرفه كثير لان الوقوف بعرفه كله دعاء
ايضا لا تنسين حقيبه صغيره تضعينها على الخصر او على الكتف لتضعين فيها جوالك وسناك وكتيباتك وسبحتك وعلبه ماء ادا تبغين وبعض الفلوس ادا بغيتي تشترين اكل اواي شي
كمان لاتنسين تاخدين شاحن للجوال وسجاده وبعض الادوية المسكنه لالام العضلات
عبايتين ساترة وتكون نفس طولك مش أطول عشان محد يدوسها وتطحين بسبب الزحمة ( المسكرة كامل الإسلامية كانت الأفضل من تجربتي )
5- شيل تنلف على الراس بسهولة عشان ما تتشلح عنك والبعض يلبس قطعة مثل البونيت تحت الشيلة تمنع الشيلة من انها تزلق وفي أخوات يلبسن الخمار اللي نفس الملفع اللي يلبسنه خواتنا المصريات
6- قمصان نوم مرتبة و عملية حق كل يوم قميص
7- لبسة حلوة للعيد
8- أحذية مصكرة تخلع بصعوبة علشان تثبت ويفضل ما تكون كعب وعملية في المشي لأنه ممكن تمشين مساااافات طويلة وممكن تلبسين جزم رياضة
9- شبشب للحمام
10- شرابات ساترة ( اخذي كمية كبيرة لأنج ما بتغسلين )
11- شراب من النوع له قاعدة تحمي الرجول من الأرضيات وقاعدته نايلون أو جلد استخدميه للطواف في الحرم
12- فوط
13- شيل البيت القطن تلبس مع القمصانه
14- لبسة مرتبة للمطار ( للروحة و الرجعة )
أدوات النظافة والأدوات الصحية :
1- مشط
2- فرشاة ومعجون أسنان
3- ديودرانت غير معطر ( تلقينه في الصيدلية )
4-صابونة غير معطرة
5-شامبو غير معطر
6- بخاخ ديتول ( للحمامات )
7- مناديل ديتول ( للاستخدام الشخصي والحمامات ) بعض المفتين اعتبروها معطره فكوني محتاطة عند الإحرام
8- كلنكس ( العبوات الصغيرة للشنط ) + كلنكس بوكسات ( على حسب الحملة فيه حملات تكون موفرة كل شي)
9- اكياس زرقاء صغيرة ( مثل اللي عند الدكان ) اشتري شدة بتنفعك للملابس الوسخة وانتي بكرامة و للطوارئ ولاحتياجات ما تخطر على بالك او اشتري الاكياس الصغيرة اللي تجي على شكل رول
10- فيتامين سي ( من تجربتي اخذي الحبوب اللي تنبلع لأنها عملية أكثر من الفوار )
11- لزقات جروح و مطهر
12- حبوب بندول
13- مقص صغير خاص فيج علشان لما تتحللين وبتقصين جزء من شعرج
14- مقص أظافر
15- كريم للحرارة والإلتهابات
16- فوط صحية للاستعمال اليومي
17- كيس بلاستيكي مرتب لأغراض الحمام وملابسج لما تروحين تسبحين ( تلاقينه في المكتبات )
19- كريم الفولترين في حالة الشد العضلي
20- كمامات الأنف والوجه - نفس الدكاترة - تنفع في الأماكن المزدحمة ونفعتني بالذات في اماكن ازدحام الباصات وريحة البترول
21- دواء الكحة
22- حبوب ستريبسل او فيكس للبلاعيم
23- أغطية المراحيض-وانتن بكرامة - مثل الكلنكس تكون( يبيعونها في الصيدليات)
24- حبوب الدورة - على حسب الحاجة
حقائب و شراشف و أغراض منوعة:
1 - حقيبة صغيرة تشبه الخاصة بالجوازات يكون فيها مكان خاص بالموبيل ومخابي للفلوس والكتيبات والبطاقات ( هذي الحملة وزعتها علينا وكانت جدا مفيدة كنا كلنا في الحملة معلقينها على رقابنا طول الوقت حتى في السكن لأنه فيها الأشياء الهامة و الفلوس و الموبيل ونفعتنا أثناء أداء المناسك )
2- حقيبة ملابس صغيرة لأغراض منى
3- كفر خفيف وناعم يبيعونه في كارفور + ولبس مخدة ( هذا حق منى لكن الحمدلله ما احتجناه لأنه الحملة وفرت لنا ، لكن في حملات ما توفره وممكن تستبدلينه ب)
4- حلويات وخفايف و سناكس ( اخذي النوعيات اللي تحبينها)
5- حقيبة يد راقية للمطار
6- سجادة صلاة
أغراض مهمة لأداء مناسك الحج :
1- كتاب يشرح أحكام الحج
2- مصحف شريف
3- كتاب الأذكار حصن المسلم
4- نوتة صغيرة وقلم
5- كيس صغير لوضع الحصى لرمي الجمرات
6- مقص صغير علشان لما تتحللين وتقصين من شعرج
علبه مويه صحه دائما في شنطتك عشان الشرب ولو احتجتي تتوضين لان دورات المياه بعيده فتسهل عليك
وفي الختام لاتنسينا من صالح دعاوك انا واوالدتي واخواني وخواتي بان ييسر الله لنا امورنا وان يوفقنا ويسخر لنا خلقه ويجعنا مستجابين الدعوة
وانشرووووو ووزعوه للكل... للمعلوميه مع اضافاتي . فلاتنسونا تدعون لنا كلنا .
ولاتنسون التقييم .
رووووز الحلووووه @rooooz_alhlooooh
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
مشكوره والله يجعله في ميزان حسنااتك