بسم الله الرحمن الرحيم
السلام عليكم ورحمة الله وبركاته
ابدخل في الموضوع على طول انا الله يطول باعماركم كنت
حامل ببنتي وكنت اراجع بمستشفى المانع بالخبر وكان الحمل الحمد لله كويس
وكانت الامور تمام لين جاء موعد الولاده ولدت عندهم وكنت الحمد لله ما شكي من شي
بعدين طلعت من عندهم وكان الوضع تمام لين جاء لي يومين تقريبا وبعدين بديت احس بألام اسفل البطن
ومكان الخياطه وكل يوم تزيد عن اليوم الثاني وكنت اسئل امي واخواتي يقولون يمكن الخياطه ملتهبه انا مأعرف لاني
بكر والله يابنات صرت اكل وانا منسدحه ما عاد اقدر اقعد وكانت امي تحاول فيني اروح للمستشفى بس انا كنت رافضه اقول يمكن بكره يصير احسن لين جاء لي 15يوم قلب لوني اصفر وما عاد صرت اكل ولااقدر اقوم واذا جيت اروح الحمام الله يكرمكم احس حاجه بتنزل مني وبعدين اخذتني امي بالغصب ودتني لمستوصف قريب من البيت ودخلت على الدكتوره وكشفت علي لما طالعت قالت لي انتي حاطه حاجه قلت لا وبعدين قعدت تسحب حاجه اما هي تسحب احس براحه تعرفون شلون الواحد اذا كان مكتوم وفكيتيه انا كذا ولما اسحبته تتوقعون وشو يابنات كانوا ناسين فيني شاش ومتعفن بعد لمل طلعته قالت احمدي ربك انك مامتي وعطتني ابره ضد التسمم ومضادات والحمد لله من بعد ذاك اليوم وانا مافيني الا العافيه وبعدها بمده راح زوجي لمديرالطبي للمستشفى كان مهو ناوي يشتكي بس بعطيهم خبر علشان ينتبهون انا اكتشفته والله سلمني بس غيري يمكن يروح فيها ولما راح للمدير وقاله قال المدير مرتك مو اول ولا اخر وحده يصير لها كذا وبعدها راح اشتكى على وزارة الصحه وماقصروا واسفه على الاطاله بس والله كتبت قصتي علشان تنتبهون وما تهملون انفسكم زيي وشكر:26:
يلزم عليك تسجيل الدخول أولًا لكتابة تعليق.
![][sugar][](https://cdn.hawaaworld.com/images/user_avatar.png){kind=avatar}
حسبي الله ونعم الوكييييييييييييل
الي متى هذا الاهمال
لو يحطون الله امام عيونهم ماسوو كذا ناس ماتخاف الله
الحمدلله على سلامتك وجزاك الله خير على التنبيه مالنا غير ندعي الله السلامه
الي متى هذا الاهمال
لو يحطون الله امام عيونهم ماسوو كذا ناس ماتخاف الله
الحمدلله على سلامتك وجزاك الله خير على التنبيه مالنا غير ندعي الله السلامه
الصفحة الأخيرة
وحده بعد من قريباتي صار لها مثلك بغت تمووووت
والسبب انهم نسوا فيها شاشة ..
لكن هي والده قيصري