تعبت وابي المشوره منكم

السلام عليكم ورحمة الله وبركاته



يااخواتي انا مشكلتي مشكله وسالفتي لو احكيها طويله لكن باحكيها من الاخر واتمنى القى ولو مواساه على الاقل

انا لي فتره بسيطه متزوجه وعندي الحمدلله ولد زي القمر الله يعوضني فيه خير يارب وتوي من شهرين حامل وطبعن اعشق زوجي عشق جنوني وللاسف خذلني كثير فاول شهور زواجنا لما كنا نختلف كنت انجن حتى اراضيه ولو كان الغلطان لاني ماكنت ابيه يتغير علي حتى انه كلم بنت وكشفته وواجهته واعتذر وبعد اسبوع لقيته يكلم نفس البنتالمهم صارت سالفه وقتها كنا مسافرين نتمشى وعصب علي وقمت اعتذر منه مع انوه هو الغلطان ورجعنا بنفس اليوم وتنكدنا ووقتها كنت استقبله احلى استقبال لما يرجع من دوامه بالمكياج واحلى لبس وماكنت انام حتى يرجع اقول له مستحيل انام وانت صاحي وننام اذا رجع سوى ومايجي الا والبيت شي ثاني من النظافه وريحت البخور بس مع الوقت وكثرت المشاكل اهملت بنفسي وفبيتي لانه مانفع فيه ادري غلطانه فهالشي لكن نفسيتي تعبت مزاجه غريب وانصدمت فيه وبعد ماجبت الولد صار يمد يده علي مو بس كف ولا كفين يضربني لحد ماينزل الدم من جسمي وحتى كسر خشمي وغير ملامح وجهي لكن ماقلت لاهلي لاني مابي احد يتشمت فيني ولا ابيهم يكرهونه لانهم شايفيني اسعد وحده من اخواتي لين امس ضربني ضرب لحد مارقبتي ماقدرت احركها ووجهي تغير كله كدمات وطبعن الضرب لاسباب تافهه جدا يعني اتفه سبب او خلاف بسيط يصير بيننا يمد يده علي يوم كامل ضرب وامس بعد ماضربني من وقت صلاة المغرب لحد الساعه 2بالليل طلع يتمشى وانا من التعب نمت ولا قدر اني حامل بثاني شهر وبعدها صحاني الفجر وقعد يبكي زي الطفل ويعتذر ويقول انا مااستاهلك وانا مارديت عليه لاني وقتها نفسيتي زفت 'اللي متعبني اكثر ان قلبه طيب لكن اذا عصب من اتفه سبب سواها حريقه ولايقدر اللي بيننا ابد ويبيع كل شي طبعن انا وقت مايضربني صراحه ما اسكت له ارد له الضربه واتكلم عليه لان هذي حيلتي يذبحني ضرب ومقدر الا اني ارد عليه بالكلام.

اتمنى تتفاعلوا معي انا تعبت والحين ما اكلمه تعبت من جد واهلي ماقدر اقولهم شي حتى شريحتي كسرها وجوالي اخذه ودايم اذا تهاوشنا ياخذ كل شي احبه مني ويكسره تعبت منه وابي الحل تكفوووون