ابي مشورتكم اخواتي أبقى معه ام انفصل ...

السلام عليكم ورحمة الله وبركاته ::
الله يسعدكم يابنات ابي منكم المشورة تكفون سالفتي محد يدري عنها من اهلي ولا ادري أستشير مين ومالي بعد الله الا أنتم ،،
انا تزوجت بسن28 طبعا بعد ما سمعت كلام تجريح من اهلي اخواني وأخواتي وبعد كم شهر من زواجي ما حملت وسويت تحاليل انا وزوجي وطلعت المشكله
منه .. اول سنه بزواجي تعبت كثير من مشكلة الحمل وكمان كان عنده ضعف في إتمام العمليه وصبرت وساندته وتعبت نفسيا وجسديا بس تحملت لانه زوجي فأكيد راح اسانده ومرت كم سنه وهو يتعالج بس مافي اي تحسن أبد في حالته وسوينا عمليه أطفال أنابيب ولا نجحت ودائم يقولي فكري في نفسك ولا تخلي العواطف تلعب بك ،، انا يابنات أحب الأطفال كثير وأتمنى احمل بجن عالاطفال بس انا صابره عشانه
وهو دائم يرجع ويفتح لي هالموضوع يبينا ننفصل وانا والله تعبت يابنات محتاره أفكر فيه وأفكر بالأطفال 
لي 5سنين مدري اللي اسويه صح او لا وهل راح اندم بعد كم سنه لما راح اكبر وما ألاقي حد يشيلني بكبري انا إنسانه مؤمنه بالله ومتاكده انه معايه وكمان لو انفصلت عنه أفكر يمكن محد راح يتقدم لي وسني 32 خلاص على مشارف 33 والناس ماتدري ان المشكله من زوجي بيظنوا انها مني ماادري أحب حياتي وأحب زوجي بس ناقصني الأطفال اللي أموت فيهم ،،
صراحه زوجي موكامل فيه أشياء مو زينه بس كلنا كذا محد كامل ومحد معصوم من الخطأ بس هل انا على صح وبقاءي معه صح اولا ،،

الأسبوع اللي فات حلل زوجي ولافي اي تحسن بالعكس تدهورت حالته وكمان رافض نعيد محاولة ثانيه لأطفال الأنابيب مدري وش اسوي معه يقول خائف علي من كثر الإبر والعمليه يقول يكفي مره وحده..

انا دائم ادعوا ربي يكتب لي الخير وراضيه بقضاء ربي وسبحان الله عندي ثقه تامه انه راح احمل بس احيان اضعف وأبكي وأقول سبحان الله ليه يصير فيني كذا تزوجت بعد ما تعبت والحين كمان ماعندي اطفال
ساعات أفكر اذا قررت انفصل عن زوجي هل بلقى  زوج صالح ام انه ماراح أتزوج واندم ويمكن أتزوج ويجيلي اطفال لكن زوج زفت مدري وش اسوي ،،
 
واللي يعافيكم ساعدوني أشيروا علي اعتبروني أختكم