السلام عليكم يا احلى حوائيات
الكروشات الله يهون عليكم حملكم وولادتكم ويتمم لكم يارب
والمتاخرات (وليس المحرومات) الله يسعد قلوبكم عاجلا غير اجل بحملكم وشيلتكم لضناكم يارب
طبعا الموضوع ومافيه انا وحده متاخره بالحمل وحول ما اكمل 4 سنوات من تزوجت
الفتره اللي فاتت كلها كنا مبردين انا وزوجي وما تابعنا لكن جزمنا قبل فتره ورحنا تابعنا بالنسبه لتاخر الحمل وقررت لي الدكتوره منشطات اول مره باستخدمها بحياتي الدوره الجايه ان شاء الله
المهم
انا عندي بلاك بيري وكنت ابي ارسل برودكاست لاخواتي اعلمهم عشان يدعون لي وكنت محرصتهم انهم مايعلمون احد ابد
طبعا للي مايعرفون لماسنجر البلاك بيري انا اسوي فيه زي الرساله النصيه وبعدين اختار ابي ارسلها لمين من الناس اللي انا ضايفتهم عندي (شبيه بماسنجر الوندوز لايف بالكمبيوتر) هل احدد الكل وارسلها لهم او احدد ناس معينين، المهم طبعا انا مثل ماقلت لكم كنت ابي ارسلها لخواتي بس ومحرصتهم اقوى ماعندي مايعلمون احد، همن جيتكم بكل فهاوه وتناحه حددت الكللللللل (وانا عندي امة محمد كلها بالماسنجر من ناس اعرفهم وناس ما اعرفهم وقرايب وناس بعيده شوي وناس حقوده و و و و و.....الخ)
وراااااااحت الرساله :44:
انا طبعا يوم اكتشفت كن اللي احد معطيني بقس مع بطني وتروعت ومن الروعه جيت باكحلها عميتها ارسلت عقبها بسرعه فيس متروع ومتفشل وكتبت سوري بالغلط :35:>>> ياويح قلبي
المهم طبعا كثير ردوا مستغربين و متعجبين وكثير مو مصدقين اني فعلا سويتها
تخيلوا عااااااد
كنت جايبه قهيوتي والقدوع وناويتن اتقهوى واعين خير وعقب هالسالفه بردت القهوه وانسدت نفيستي وقعدت اصيح واصيح ولا ودي رجلي يدري من صياحي بعملتي المهببه
بعدها صرت ارسل برودكاستات ( رسايل) كثييييييييييره ابي كود ما ينتبهون للرساله الاولى وتروح عليهم وصرت ارسل بدون اقرا اصلا ومن ضمن الرسايل لغز مدري وش حله، مدري الا العالم ترد لي باجوبتها :hahaha: وانا يوم شفت اجوبتهم قعدت اضحك وانا اصيح ولكم ان تتخيلوا الشكل عاد>> تحملوا اللغه مره فصحى ومره عامي :35:
رجلي يوم شافني طارت بوهته ويقول لي الحين انت تضحكين والا تصيحين؟! :hahaha:
والحمدلله على كل حال صيحت شوي همن سكت وقعدت افكر الواحد ما يدري وين الخيره وادام ربي قدر هالشي يصير لي يمكن فيه خيره لي وعسى ان وحده من هاللي ماكنت ابيهم يدرون تدعي لي دعوه تستجاب وتظبط المنشطات معاي ويجيني بزارين حلوين وصالحين باذن الله، وعسى ان تكرهوا شيئا وهو خير لكم..
دعواتكم حبوبات ان الله يطرح في هالمنشطات اللي باخذها البركه ويرزقني بالحمل بولدين توؤم صالحين بارين ذاكرين ذكيين طيبين معافيين سليمين جميلين مملوحين رضيين مرضيين مبااااركين ييييييااااااارررررب
قطيوه نتيفه @ktyoh_ntyfh
محررة برونزية
يلزم عليك تسجيل الدخول أولًا لكتابة تعليق.
طب عادي ياقلبي واذا دروا ؟؟؟
الله يرزقك وتبشرينهم رسايل برودكاست بحملك عااااااااااااجل غير اجل
الله يرزقك وتبشرينهم رسايل برودكاست بحملك عااااااااااااجل غير اجل
ياعمري انتي فديتك اقراء كلامك مره اضحك ومره انقهر بس مثل ما قلتي الخيره فيما اختارها الله
يارب يرزقك ولا يحرمك فرحت الحمل ان شاءالله انتي وكل محرومه
يارب يرزقك ولا يحرمك فرحت الحمل ان شاءالله انتي وكل محرومه
هههههههههههههههههههههههههه
الله يسعد قلبك
يارب الله يرزقك من حيث لا تحتسبين ولايحوجك الا لوجهه الكريم
الله يرزقك الذريه الصالحه الباره بك انتي وابوهم يارب
الله يسعد قلبك
يارب الله يرزقك من حيث لا تحتسبين ولايحوجك الا لوجهه الكريم
الله يرزقك الذريه الصالحه الباره بك انتي وابوهم يارب
الصفحة الأخيرة
انت اللحين ما ارسلتي بس للبلاك بيري ارسلت للعالم هنا بحواء هههههههههههههههههه
الله يسهلها عليك يارب و يرزقك بالحمل السيلم المعافى عاجل غير اجل يا كريم
ليش ما تسوي حجامة مممتتتتتتتتتتتتتتتتتتازة افضل من 100 منشط يكفي رسولنا اصوى فيها وكثير حملوا بعدها الله يوفقهم.......
الله يسهلك يااااااااارب امورررك