تحذير كوافيره نصابه في الطائف

يابنات الطائف فيه كوافيره اسمها مدام رجاء صاحبة مركز فرحتي المشهور في الطائف تستقبل الزبونات بالهبل ألين ماتعبي الدرج بالفلوس وبعدين تخليهم زي الشحاتين غير إلي يحجزون قبل مناسبتهم أيام وخليني أحكي لكم عن 14 ساعه قضيتها وانا انتظر دوري : طبعا مافي أحد يسوي مكياج غيرها هي وبنتها ووحده بس تسوي التسريحات والزبائن عددهم كبير جدا جدا والوقت يمر ولما تجيها الزبونه تطلب فلوسها عشان تروح مشغل ثاني تقول معليش انتظروا البنات إلي يشتغلوا عندي تركوا الشغل اليوم وبنتها تقول تركوا الشغل أمس يعني هي عارفه ومع ذلك تستقبل زبائن بدافع الطمع وبعدين ويش عليها تروحين من غير مكياج أوحتى تفوتك حفلة الزواج مايهمها ؟ والغريبه ان الزحمه موجوده والمديره إلي تشتغل عندها تستقبل زبائن والدفع مقدم. واسمعوا كمان جاتها زبونه تهددها بالشرطه أوتعطيها فلوسها قالت لها:hahaha: مابتجي معك الشرطه وأنا إلي راح أجيب لكم الشرطه بتلفون واحد وتدعي أنه مدعومه من قبل ناس مهمين بالطائف بالله عليكم هل يعقل هذا الكلام ليش ماتعطي الناس فلوسهم ولا هي عملية نصب وخلاص ( حسبي الله ونعم الوكيل ) واسمعوا قصة عائله جايبين عروستهم دفعوا لها 7000 ريال وقالت لهم راح أحطكم بجناح خاص وما راح أحد يدخل عليكم في الدور وطبعا حصل العكس تماما خلتهم مع باقي الزبائن ودخلت عليهم في الدور علشان المحسوبيه والواسطه مساكين صاروا يبكوا وحالتهم بالويل المهم ماخرجوا إلا الساعه الواحده ليلا وهم جايين من الساعه العاشره صباحا وحريم خرجوا من المشغل من دون مكياج وتسريحه ولا حتى أخذوا فلوسهم وحريم خرجوا الساعه 2 ليلا يعني فاتتهم حفلة الزواج حسبي الله ونعم الوكيل . أسألكم بالله هذا حلال ولا حرام ؟ هل يعتبر شي عادي ولا عملية نصب واحتيال ؟:06: