هل أبني منزل صيفي ؟؟؟ أم منزل العمر ؟؟؟

بنات :

بخبركم بوضعي بالأول :

أنا مغتربة في دبي وبصراحة لا أعلم متى موعد عودتي للأردن يعني 4 سنين أو 10 أو 20 الله أعلم .


فكرنا نشتري شقة طلعت غالية وما تستاهل تنترك فاضية وكل سنة راح ندفع صيانة ودهان وتغيير أنابيب يمكن لأنها متروكة وغير مستعملة .


والا ابني بيت العمر لأني أصلا عندي الأرض موجودة .


والا آخر فكرة اللي أنا أفكر فيها :

بيت صغير ريفي بغرفة نوم كبيرة جدا ومعاها طقم كنب ، وجاكوزي بوسط الغرفة .

وغرفة نوم وحدة للأطفال للنوم.

وغرفة ضيوف وحدة ( أصلا مافي ضيف يطلب يدخل لداخل البيت بالصيف والكل يفضل الجلوس بالخارج تحت دالية العنب والأشجار المثمرة الأخرى .ولذا ستكون غرفة عادية وليست كبيرة جدا .


هذا البيت ويكون شكله من برا حجر أحمر أو مثل الكوخ .


وأمام البيت ساحة صغيرة للكراسي والطاولات ونافورة ماء ( أساسية هذي ) للضيوف الرجال .

وخلف البيت من باب المطبخ ساحة ثانية للنساء مع نافورة !!!!!!!!!!!!!!!!!!!!!!!!


وهذي ماراح تكلف كثير لأنو بيت صغير وليس كبير جدا والمنطقة ريفية أصلا وكلها سهول وليست جبال .


ولما ننوي نرجع بيفرجها الله !!!!!!!!!!!!!!!!!!!!!!! بنبني طابق ثاني أو كمان بنكون في مدينة ثانية على حسب الشغل .


تكلفة الشقة تقريبا 250 ألف درهم
تكلفة فيلا 300 متر 300 ألف تقريبا .
البيت الريفي 150 ألف. طبعا هذا مع الأرضيات سيراميك ومطبخ عادي . والتركيز على الساحات الخارجية وليس على مساحة البيت .



أنا أعتبركم أخواتي .


طيب وطول السنة هالبيت شو أسوي فيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


في فكرتين :
لو ركبنا تدفئة مركزية وفير بليس ( موقد نار ) أعتقد هذا الاسم بالعربي ممكن يتأجر بالشتاء ويكون مثل شقة مفروشة ، أعرف أصدقاء لهم شقة باسبانيا ( قديمة جدا ومتهالكة ) ولكنها مصدر دخل وناس في سوريا .

ممكن تقولوا مين بيروح للأردن بالشتاء وبيعيش بقرية ؟؟؟؟؟؟؟؟؟؟؟؟؟؟؟؟؟
الناس أذواق !!! وكل واحد بيحب يقضي الإجازة على كيفه !!! يسترخي فيها وساعتها بأجر وحدة ست تطبخ فطور وغداء وعشاء ويكون عندها غنمة تجيبهم والا ثنتين حتى تحلب للناس ( حتى لو ما يبون منظر بس )
وطبعا الأرض راح تكون مزروعة بالخضروات والفواكه !!!!!!!!!!! وتخيلوا المطر ينزل وانتم بداخل البيت والنار أمامكم والوحدة مسترخية بالجاكوزي !!!!!!!!!!!


شكلي مروقة هالصبح !!!!!!!!!!!!!!!!!!!!!


لكن عن جد شوروا علي !!! طبعا كل فكرة لازم الناس تشارك أقصد الأهل ويتمصخرون شوي على كل شي لكن بالنهاية القرار لي أنا وزوجي .



يا ليت تشاركوني بالتصويت لأحد الاراء .

شقة
فيلا
بيت ريفي


وإن شاء الله تيجوا وتزوروني جميعا !!!!!!!!!!!!!!!!!!