طبعاً هذا الدرس وأي شغل أسويه خااااااااااص بعالم حواء ... ورجاءاً ما أريد أحد ينقل شغلي إلى منتديات ثانية .. وشكراً على تعاونكم ..
بعد طول انتظار .. تعبت ونا انتظر مشكلة تحميل الصور تنحل .. وقلت في نفسي خليني أدور مكان ثاني لتحميل الصور .. والله وفقني .. واليوم جيت وجبت لكم درس مكياج باللون الأحمر للجريئين فقط .. تراه هاللون يباله قلب وجرأة عشان الوحدة تحطه .. وفي هذا الدرس بنحتاج لون بيج كأساس .. لونين أصفر (واحد مائي والثاني بودرة) + لون نحاسي (كريمي) + 4 درجات من الأحمر (فاتح مائي - درجة أغمق شوي مائي - أحمر قاني شدو عادي - غامق مائل للماروني عادي) + لونين قلتر (أبيض وخمري) + آي لاينر بلون عنابي + كحل باللون الذهبي ...
ما بطول عليكم .. ببدأ باسم الله ...
بعد كريم الأساس والبودرة .. نبدأ خطوة بخطوة .. والخطوات هي كالتالي:
1) بللي الفرشاه بالماي وحطي طرفها على ورقة كلينكس عشان تشفط الزيادة منها .. وعقب مرريها على اللون البيج ولوني فيه كامل الجفن وصولاً إلى حدود الحاجب.
2) بفرشاه ثانية حطي اللون النحاسي على كامل الجفن المتحرك.
3) نفس الخطوة رقم 1 لكن هالمرة للون الأحمر الفاتح .. حطي اللون على الجفن المتحرك وشوي عند الثنية بين الجفن المتحرك وركزي اللون على الجفن المتحرك.. لازم تمدين الظل على برا بحيث يكون متدرج.
وهذي صورة ثانية للعين وهي مفتوحة
4) الحين حطي الدرجة الثانية الأغمق شوي من اللون الأحمر على الثنية على شكل هلال.
5) الحين بلون الأحمر القاني "العادي" عيدي على اللون السبق بعد ما يجف.
وهذي صورة ثانية للعين وهي مفتوحة
يعطيك العااااااااافيه ..