التطنيش والمداراة يااركض وراك ولا تركض وراي ..تعبنا والحل؟

السلام عليكم
حبيت اعرض هالموضوع اللي صراحه شفت غيري يعانيه ويطلب الحل وانا نفسي مريت بحالاته وابي الحل.
الموضوع هو لما اتهتمين بزوجك زياده و تسألين عنه وكأنك خايفه عليه وماتقدرين تستغنين عنه لما الحين حلو الكلام و زوجك طبعا يستانس وانتي تحبين هالشي انج تبينين له حبج و اهتمامج لكن بالمقابل لما هو يطلع او يبتعد ايا كان تشوفيه ماهو ملهوف عليك وكأنه ضامنك انك تسألين عنه (حاط رجله بماي بارده) وانتي داخلك نار ليش ما يسأل و تفكرين و حتي اذا اتصل ياخذ الامور ببساطه وانتي على نار اتحسين نفسج نازله عليه مو مشكله اهو زوجك بس تبين اهو يسوي نفس الشي.

خل اقولكم عن نفسي انا بأول زواجي ماكنت له جذي يعني عاديه و اهو اللي كان كله يسأل و يهتم و بعد اول مولود انا صرت اللي انزل له كثير.للأمانه ماتغير فيه شي لكن بإختصار اهو ضمن تدليلي و مراعاتي له بس هالشي الحين عذبني انا على نار و اهو بارد ابيه يسأل و يهتم و يدورني انا فين. هالشي حاصل مع صديقه لي تها مخطوبه و تقول لي نفس الكلام لما تصد شوي يجي يسال ولما تسال يرخي وياها .
الحل للمتزوجه شلوووووووون انا زوجي مسافر يتصل يوميا بس مانسولف كثير بحكم المصاريف لكني احس بنفسي متلهفه لأتصاله اكثر منه هو.مااتصل يعني عليه اصير بارده؟ اخاف اهو بعد يبعد و يتعود على هالطبع وهذا اللي خايفه من نتايجه .يمكن تقولون خليه شوي يحس بس النتيجه خايفه لا يكون يتعود و يصير عادي .بتقولون الاعتدال حلو ,,اوكي بس انا ابيه يهتم ومابي اكون على نار انتظر
الحل ...الحل...الحل ارجوكم ..اكيد حاسين فيني والكل يشارك باللي عنده من مواقف او شي فعلا ينفع وانا كتبت هالكلام وصيه من صديقه لي وكذلك انا لأنه سافر و حسيت فيها .