ميزانيتي عيت تتنظم

بنات الله يسعدكم ودي تشيروني ياهل الحكمه واهل التدبير الزين عندي معاناه مع الفلوس الي عيت تنمسك انا موظفه وراتبي تسعه الاف وثلاثه الاف اقصاد يعني يبقئ معي سته وزوجي راتبه ثمانيه واقساط بعد ثلاثه الاف والله انه يجي نصف الشهر ما معنا شي ولا قصاد الي نقصدها يارب لك الحمد في بيت ولنا اربع سنه ساكنين فيه معمرينه على نظام فلا بس تخيلو عايشن بحاله فقر مع الرغم يارب لك الحمد ساكنين بيت ملك وهذي نعمه بس عيت الفلوس تنمسك الباقيه يجي الراتب ولا معي ريال وزوجي وربي انه حتا عشره ريال بنزين بعض الاحيان ما يلاقيها احتاج طلعه انا وعيالي ولا مطعم نادرًا ونا بقلكم فين يروح بقيه راتبي اكيد بتقولون وين بتودين سته الاف شغالتي الف وبعد نسلف منها وامي خمسميه ومدرسه ولدي الف ماحطيته في حكومي عشانه خواف وبكاي وخفت عليه وجوالي حاطه حد اتماني ثلاث ميه ويفصل قبل صدور الفتوره وادفع سواقي حق المدرسه خمسميه والحمدلله حاطه مبلغ بسيط استقطاع من راتبي خمسميه والله الشهر الي طاف سحبتها قبل ماتستقطعها الجمعيه الخيريه ويارب ارحمنا برحمته ولي يبقى يروح في غمضه عين مادري حتا عيالي ملابسهم متمزقه ماشريت هذا الصيف لهم ولا شي وربي قد تمزقت ملابسهم والباقي مادري وين يروح وزوجي راتبه الخمسه الالاف تروح في مقاضي البيت والفواتير الكهربا والمويه وروحاتنا وجياتنا ونص الشهر ما معنا ريال مع الرغم اللهم لك الحمد نتصدق بس ماهو كل شهر بس عيا تترتب الميزانيه وربي اني استحي لا احد يجيني ظيف وبيتي فاضي قبل امس جونا ضيوف والله ماغير تسلفنا عشان نظيفهم تعبت ماعرفت كيف يروح الراتب بهاذي السرعه دلوني الله يسعدكم مع الرغم والله ماني مبذره في اي شي بس نص الشهر دايمن مفلسين وادخل جمعيات واتبهذل تنفك الزنقه وترجع ودي يكون عندنا مبلغ في البنك ولو بسيط نسحب منه وقت الحاجه بس ما فيه امل الي حكيمه ومدبره امورها تعلمني