كلكم ادخلو

السلام عليكم ورحمة الله وبركاته
كيف الحال
المهم
يا مشرفات الموضوع عن المرض الروحي بس مو من ناحية علاج او رقية او اعراض اثناء الرقية
موضوع ابغى بنات وزوجات الاسرية يقروه
يتكلم عن المرض الروحي من ناحية اسرية زوجية اجتماعية
المرض الروحي وتأثيره على حياتنا
فمن فضلكم لا تنقلوه للنزهة
المنتدى دا بالرغم من انه اسمه حياة اسرية سعيدة
بس كله مشاكل
والفترة الاخيرة صارت اغلب ردودي على اللي يشتكو
مرض روحي
مرض روحي
مرض روحي
وعشان لا تحسبو انا بأقول كدا وسوسة او خرافات وكدا
ومن دحين اللي مسوية نفسها ما تؤمن بالشي دا
يعني تنكر حاجة نزلت في القرآن و وردت في السنة
موضوعي مو لها
المهم انا متى اقول مرض روحي
او بالاصح متى لو بيتكم في مشاكل تقولو مرض روحي
وبصيغة اخرى كيف تفرقو بين المشاكل العادية والمشاكل الي نتيجة مرض روحي
لما وحدة تتمشكل مع زوجها على توافه الامور مو كدا وبس لا توصل للطلاق
ومو مرة مو مرتين
يعني ما يطلقها لانها خاينة ما تحترمه ما تحترم وتقدر اهله وووووو
لما وحدة تلاحظ في وقت معين من السنه تصير مشكلة كبيرة بينها وبين زوجها مثلا تلاحظ انه كل رمضان تصير مشكلة كبيرة بينها وبين زوجها
او كل عيد
او الاوقات اللي الازواج الطبيعين يكون بالنسبة لهم اجمل الاوقات همن لا العكس
يعني يتزاعلو في شهر العسل
في العيد بعد غيبة واشتياق
وعلى فكرة الازواج اللي يعانو من مرض روحي لما يكونو بعاد عن بعض يشتاقو وكله واول ما يتقابلو
يصير بينهم نوع من الضيقة او عدم الكلام او ما يحطو عينهم في عين بعض
او خفقان ودوخة
صداع بعد النوم مع الزوج مباشرة
برود في الفراش او اشمئزاز من الزوج
العصبية الشديدة ركزو على كلمة الشديدة
والغير مبررة على الزوج او الابناء وربما ضرب الابناء والتلفظ عليهم
الخوف وزيادة العصبية لما يقرب موعد رجعة الزوج
تعطل الامور غالبا
الطلاق المتكرر


يعني لما تقدمي علي وظيفة وماتقبلي مرة او مرتين عادي
اما عشرة عشرين مرة
لا ممكن يكون في شي
وظيفة ما تتوفقي فيها زواج لا
دراسة لا
اللي بتتأخر بالحمل بدون سبب طبي مو شرط
التسقيط للحمل المتكرر بدون سبب طبي
ارق او زيادة في النوم
خلال النهار كسل وخمول
الخوف الشديد تخافي تنامي لحالك اي حركة بسيطة اي صوت يخوفك
ماتحبي احد يلمسك احيانا حتي بزورتك
طحن الاسنان ببعضهم خلال النوم دا انتي ما حتعرفي لو احد ينام معاكي راح يقولك
الكلام والضحك والبكاء خلال النوم
كوابيس واحلام بالجن والحيوانات كالثعابين والقطط وكدا احلام متكررة
تحلمي بشي وبعد مدة يصير
خفقان ودوخة فجائية وبدون سبب
قشعريرة فجأة
رعاف الانف
مشاكل الغدة الدرقية
القولون وما ادراك ما القولون العصبي طبعا
الشقيقة والصداع المتكرر بدون سبب طبي
خاصة لو بيتكررفي اوقات معينة
الاكزيما
الروماتيزم
الالام الظهر والكتف
ضرس العقل ولم يألم معاه الادن خاصة لو فجأة سنك صار مسوس وكدا
التمشكل مع الكل والبيوت اللي كل مين ما يكلم التاني
كل مين يتكلم على التاني
تشتت الانتباه عدم التركيز النسيان الكتير
وحب العزلة
والمزاجية يوم مبسوطة يوم حزينة
الاكتئاب الاكتئاب الاكتئاب
اللي تحس الصلاة والعبادات تقيلة عليها
او تتاوب وقت الصلاة وتصليها اي كلام وتتلخبط وتنسى كم صلت وكدا
الي فجأة فجأة صار يطيح بدون سبب
ضعف الشهية
او زيادة الشهية وفي نفس الوقت نحف يعني ايش ما اكلتي ماشاءالله ما يبان فيكي
الوسواس القهري
وساوس النظافة
او عدم النظافة
الانطواء وحب العزلة الرهاب الاجتماعي
طبعا مو عرض عرضين نقول مرض روحي
لا لما تجمع كذا عرض في الشخص الواحد
والفيصل هنا الرقية الشرعية