كيف أسيطر على البيت من ناحيةالنظافة و الترتيب؟

أنا البنت إلي المفروض هي إلي تقوم بكل شغل البيت طبعا فيه مساعدات من أهلي لكن قليلة و البيت فيه أطفال يعني أكيد تعب

بيتنا كبير قسم الرجال كبير مرة و قسم الحريم أكبر و تعرفون هالأيام يا كثر الغبار تنظفينه اليوم يجي بكرة - تغسلين حوشك اليوم يتوسخ بكرة من هالغبار

جد تعب هذا غير المطبخ و عايلتنا لو يقومون مع بعض و ياكلون مع بعض تهون لا كل واحد له موعد محدد لقومته و نومته
يعني باليوم الواحد بتصير فيه مواعين وسخة كثيرة و كل وقت تغسلين


هذا غير السيراميك إلي يتوسخ بسرعة من الغبار و البزران يوسخونه

هذا غير غسيل الملابس و ترتيب الغرف و الكنس و تنظيف الغبار إلي دخل داخل البيت غير سوات القهاوي إلي العصر و الصبح و الليل يشربونها طبعا بالطبخ عادي تساعدني أمي أصلا بالطبخ أنا ماعرف أطبخ زين (بس ودي أصير طباخة و أهتم بالبيت عشاااااان أمي و الله تتعب من كثر ما مليت من شغل البيت مرات أترك الشغل و أمي تسويه بعدين أندم أمي كبيرة و تشتغل و أنا جالسة ) خلاص تبت بحاول أشتغل على قد ما أقدر

لا تقولون جيبوا شغالة ظروفنا المادية ماتسمح و أصلا حنا في بيت إيجار

أبي أعرف إلي عندهم شغل كثييييييير بالبيت كيف ينظمون وقتهم للشغل بدون ما يحسون بتعب و يقدرون يهتمون بنفسهم مع كل هالشغل ؟؟؟؟؟؟؟؟؟؟؟؟؟؟ كيف تخلون بيتكم نظيف و يلمع و كل شي فيه مرتب و يفتح النفس في ظل كل هالظروف ؟؟؟؟؟؟؟؟ :icon810: