ودي اتوب من روائع فهد مطر للشاعر زياد بن حجاب
كم راح من عمري وانا ودي اتوب
ولولا الهوي والنفس كان امس تايب
عشرين عام امني النفس يا ايوب
لين اكتشفت اني مع الوقت شايب
راحت حياتي بين طالب ومطلوب
ولي خاطر(ن)لو طبت ماهوب طايب
طول الامل في مثل هالوضع عذروب
من يامن الدنيا وغدر النوايب
خدعني التسويف واغرتني دروب
ياكثر ما وجهت فيها غرايب
واخاف من يوم(ن) بها الموت مكتوب
لاحولوبي بين عوج النصايب
في منزل(ن)مظلم عن الناس محجوب
محجوب حتى عن هبوب الهبايب
وصار الكفن يا ايوب يغني عن الثوب
وفارقت ربعي والأهل والقرايب
ولاعاد فيها جاه واموال واسلوب
ولاعاد فيها حب خشم وطلايب
من المهد لين الحد وقت محسوب
ماضاع شي ولابقي شي غايب
منقول
اسأل الله الكريم رب العرش العظيم أن يغفرلأخيك وأن يسكنه فسيح جناته