جزاك الله خير فعلا هالشئ مقصرين فيه
والشئ الثاني قلبووو
تكلمي معه بهدوء سو حركات غريبه
تجذبه لك لاتصير مثلي اول ماجبت
بناتي الثنتين نفس مشكلتك تقريبا
بس مع التفاهم والكلام والتوضيح
بديت احس بتغيره
لاتهملين نفسك قلبووو
وجددي حياتك معه
الله يوفقك

اختي كلنا مثلك بس انتي حاولي تكسبيه

خليه لاتحنين على راسه وخلك ساكته وبحالك ونفذي اشغاله وانشغلي عنه
واتركيه ... لما تجي عنده خلك سرحانه علطول وتفكري ...
لاتهتمي ولا تردي عليه لو هاوشك ولا تتذمري
لو غلط احد عليك من اهل زوجك او غيرهم لاتقولين
خلك صابره قد ماتقدرين ..
عيالك لاتلمسينهم ولاتضربينهم ....خلك هادييه حتى لو كسرو شي
نظفيه وانتي ساكته
خلك كذا بيستغرب منك ... ويمكن يقول تحسنتي وتعجبيني
روحي لدكتور وسوي عملية تضييق لو عادي عندك
وامنعيه يقرب منك بحكم انه جاك نزيف ورحتي تسوين خياطه لانهم موسعين المكان ماخيطوه نفس اول
وابتعدي عنه كم شهر يعني مدة الخياطه اللي تقولك الدكتوره

بعدين دلليه وامدحيه ..واشكريه

قولي يعطيك العافيه حبيبي ماقصرت جبت لنا حليب ورز وووو الخ
الله يرزقك ويقويك

لاتهاوشينه : انت تجيب لامك ولفلان وعلان وانا لا
انت تضحك تسولف معهم وانا لا

لالالا
انتبهي

خلك ساكته وهاديه

وكل شي تبغينه يسويه امدحيه فيه
يعني تبغينه يمشيك .. قولي له ماقصرت هذيك المره طلعتنا وونستنا
انت لو فاضي ماتقصر علينا تمشينا وتونسنا ...

وبعدين ثاني يوم قولي له حبيبي ممكن تودين المكان الفلاني مثلا بنده
عندي كم شغله بشتريها
واذا ماتقدر خلاص ماله داعي ياقلبي مابي اتعبك......!!!

واغتنمي الفرص بمدحه ...
صدقيني بيتحسن معك كثيييييييييير وعن تجربه

بسم الله عليك انتي تشوفين عيوبه كبيره مع انها تافه بالاساس كل الرجال يتأخر بجيبت اغراض زوجته وعياله واذا ساعد اهله وجماعته مفروض تفتخرين بانه شهم وراعي فزعات هذي يا صايبتكم عين يا عندك اكتئاب مابعد الولاده اول شيء روحي حق طبيب نفسي من ورى زوجك اشكي له وان شاء الله يساعدك وبنفسس الوقت خذي احتياطك يمكن يكون عين قري قران وشغلي صورة البقره واستمعي لها بأنصات كل يوم وخلي القران دائما شغال في بيتك واشربي ماء زمزم وماء مقري فيه وقبل ماتتحممين دهني جسمك بزيت مقري فيه وحافظي على اذكارك وحاولي ودوسي على نفسك وجامليه اذا افدتك لو بكلمه ا ادعي لي ينولني ربي اللي ببالي

اختي انتي مكبرة القصة
اقرئي قران وحافظي عل ى الصلوات والاذكار
وزوجك نعمة ياما بنات تمنو الزوج وماحصلو عليه وكمان بناتك شو ذنبهم
طولي بالك واستعيني بالله وحاولي انك انتي الي تغيري زوجك
ودي البنات عند اهلك واعملي له ليلة رومانسية وانتي استثيري واعملي له مفاجات واطلعو افطرو برى البيت وغيرو جو
وهاي الحالة تمر على الكل الروتين والملل بس انتي لازم تكوني اقوى من الظروف ومافي داعي تكبري الموضوع يعني زوجك اخلاقه عالية اهم شي والباقي يهون وبالنسبة لاغراض البيت الناقصة كل الرجال كذى يرضون اهلهم وينقصو على بيتهم بحكم بر الوالدين وانتي اصنعي لزوجك جو من المرح داخل البيت زوجك يمزح يضحك امزحي معك سايريه الرجال مايحب النكد ولا المرة النكدية بعدين تضطريه يدور على الوناسة خارج بيته لاسمح الله

بما انو شخصيته مرنه وماهي قويه وشينه
تقدرين انتي اللي تمشين مركب حياتكم بالطريقه اللي انتي تشوفينها مناسبه
انا من اللي قريته بموضوعك اكتشفت انو تقصيره من الناحيه الجنسيه اثر على رضاك عليه وخلاك تشوفين عيوبه الثانيه
اللي جايز جدا انك مانتبهتي لها من قبل الا بعد تقصيره من ناحيه الفراش

كل اللي عليك انك تاخذين راحه وروحي بيت اهلك يومين ريحي فيهم وترتاحون بعد انتو من شوفه بعض
وثاني شي لابد تقنعين نفسك انو حالك افضل بكثير من حال غيرك
وزوجك مافيه ذيك العيوب اللي تخليك تنهين حياتك معه او تتركينه
ثالثا تمسكين اعصابك واحاولي تقرين كتب لو تحبين تحسسك بمقدار من الثقه بالنفس والاستقلال الفكري
وبكذا بتقدرين تعرفين تمشين زوجك وتغيرينه وفق معاييرك انتي وماتحبين

رابعا شي ترا الكثييير يعاني من الحياه الجنسيه صدقيني منتي الوحيده
بادري انتي معه اكشخي والبسي وجلسي ولاتطالبينه يجيك ولا يمدحك
لاطلع اتصلي عليه تغزلي فيه روحو مقاهي ومطاعم غيروا جو لو ماتقدرون تسافرون

صدقيني حسيتك انو جزء كبير من استقرارك بيجيك من فراشك

التجديد هو الحل