اشكركم اخواتي على الرد -- اخت بريق السيوف ايوالله فرحانه وهذا اول حفيد ولد لوالدي ووالدتي بعد ثلاثه احفاد بنات -- فرحانين جدا
اخت نور انا مايقهرني في الدنيا قد مايقهرني اهل الطب واتباعهم --- صحة الناس وارواحهم في ايديهم الله يهديهم --- عارفه انه جل من لا يخطيء وعارفه انه النسيان ممكن يصير مع اي انسان --- بس الحرص واجب لأن هذي ارواح بشر واحنا نضع اجسادنا وارواحنا بعد الله بين ايديهم -- الله يهديهم بس -- والله لما اسمع قصص بعض الاخوات واللي يصير معاهم بسبب الطبيبات والاطباء انه يقشعر بدني واخاف من روحة المستشفيات لكني ارجع واقول من توكل على الله فهو حسبه --- حسبي الله ونعم الوكيل
ستارز
•
من كلام الاطباء ...افضل وقت للطهور حتى ياخذ العضو نموه الكامل ...شهر بالضبط من يوم ولادته ..وهذا اللي ماشية عليه بعيالي
غريبه يابنات
الي نعرفه ان اغلب المستشفيات خاصة الخاصه يطهرون الذكر من اول يوم ينولد فيه ويعتنون فيه الين يطلع مع امه من المستشفى
وخلاص يريحونه ويريحون امه :26:
..
.
khuload
•
كل ما كان ابكر يعني من اليوم الثالث وانتي طالعة بس ما يكون اكثر من ست أشهر لان راح يكون مؤلم وراح تطول فترة التام الجرح ... انا مع ولدي حاولت اقنعه مبكر لاكنه ما وافق الا بعد مضي 20 يوم تقريباً والحمدلله تم تطهيره ... واخذ الموضوع 3 ايام بالعدد ... وطبيب المستشفى قال دفيله ماي بدرجة حرارة الجسم وحطي فيه شوية ملح مدة 3 ايام وصبي عليه ... كنت اتوقع ان راح يكون مؤلم ... وسيصرخ من شدة الالم لكني وجدته اخر انبساط بالماي ( خصوصاً ان نسبة الملح جداً قليلة ) ... والحمدلله
الصفحة الأخيرة
ابني الاول بالطريقه الي يقلون العاديه ام الثاني الدكتور قام يتفلسف وقال بسويها بطريقة الحلقه
ولما رجعنا البيت كانت منتفخه حقته مرههه حتى تغير لونها وبدات تنزف وظلينا ساعتين واحنا انقول معقول عادي كذا يمكن هدي الطريقه الي يقلون عنها بس بعدين قلنا بنروح المستشفى ثاني وبنشوف
ولما رحنا فعلا الدكتور قال الطريقه صح بس هو ضغط عليها كثير ونسى يحط الحلقه الي من قدام وعلى طول رحنا لدكتور الي طهره وقام يتاسف يقول ايه نسيت
والحمد الله لو سكتنا اكثر كان المسكين راح فيها وانقصت
والحمد الله كتب له على مراهم وطاب في اسبوع
اهم شيء اختي تسالي عن دكتور ممتاز يعمل لك العمليه ولا تخافي يومين ويروح كل شيء