امنية طفلة حمقاء

السلام عليكم ورحمة الله خواتي بنات عالم حواء هذي اول مشاركة لي في المنتدى اللي احبه واحترم عضواته واستفدت كثير منه انا صار لي سنين اتابع مواضيعة المفيدة اشرايكم ابدا في موضوع بسيط وابغى رايكم الله يسلمكم انا لما كنت صغيرة كانت حياتي في الرسوم المتحركة وكنت احبهم لدرجة كبيرة مثل سالي و صاحب الظل الطويل وهايدي طبعا كل الشخصيات الرئيسية في هالمسلسلات يتيمات وصرت كله اتمنى اكون يتيمة مثلهم سبحان الله دارت الايام وصرت وماتوا امي وابوي اللي احبهم الله يرحمهم ادعوا لهم الله يجزاكم خير ودي ترجع الايام واتمنى لهم طولة العمر تعتقدون ان امنية طفلة ممكن تاثر عليها طول العمر على فكرة امي وابوي كانوا طيبين جدا ربي ارحمهما كما ربياني صغيرا