مضار " السنبله " وفي روايه إخرى " سنبلة الريحان "

السلام عليكم ورحمة الله و بركاته

كيفكـــن حوآآئيــآت



مالكم با الطويله

من مبدء " حب لأخيكـ المسلم كما تحب لنفسكـ "


أنا اليوم رحت للعطار و قلت له يعطيني عشبة " السنبله " و فيه البعض يسميها " سنبلة الريحان "

المهم

كنت وآآقفه عنده وهو يكيلها لي و كان أيضا وآآقفه معي حرمه .. قامت قربت مني و سئلتني قالت هاذي

عشبة السنبله .. قلتلها إيـــهـ .. قالت تبينها للشعر قلت إيه .. قالت إنتبهي منها ترآآهي خطيره

أنا هنــآ قسم بالله طاح قلبي بين رجلي

قلتلها ليه وشفيها .. قالت إن الحرمه إذا أروحتها وهي عليها الدوره و إنتو بكرآآمه أو كانت نفاس أو فيهـ بزر =طفل يسنن " يطلع ضروس " يصيبهم " الشمم " و يصير عندهم النفاخ مدري عاد وشهو النفاخ

و تقول حتى النوقات إذا أروحته يفقع روسها فكيف عاد بـ الأوآآدم

قلت .. تقولينه صادقه .. قالت إي والله العظيم إنتبهي منها و تكفين من كان تعرفينه نبهيه عنها

وتقول صحيح إنها زينه للشعر بس فيه إلي يسد مسدها عندتس " الحنا و السدر حطي معه شوي محلب و زبادي و عسل ومن الأشياء الزينه للشعر

و الباب إلي يجيكـ منه ريح سده و إستريح

قمت قلت للهندي خلاص أنا ما عاد يبغى .. و عمر شعري ما طاااال

و والله إن كنت بشتري لي أغرآآض بعد من عنده زيوت و أشياء ثانيه

و نسيت و طلعت من الربكه كلها و ما شريت شيئ >> الراعه شينه


و كلامي هذا يمين بالله ما كذبت فيه حرف وآآحد إني قلته لكم كما قالته لي الحرمه

و أنا عارفه إنكم بتقولون كل شيئ حطيتو له مضار و خطوره ومن ها الكلام

بس قلت إلي علي إني بقولكم خصوصا إنها قالت تكفين علمي من كنتي تعرفينه

اللهم قد بلغت اللهم فـاشهد


و العذر و السموحه على كثر الهذره .. و على كلامي الغير منسق .. أكتب لكم بعين مفتوحه و الثانيه مغمضه >> يا فارقيني يناه تنعس

تصبحون على خير .. والله يكفينا و يكفيكم كل من فيه شر