السلام عليكم ....
الله يهون على كل الحوامل ... ويرزقهم الذرية الصالحة السليمة ..
حبيت أفيدكم بتجربتي في أبرة الظهر .. لأن كثير من البنات محتارات ومتخوفات منها .. طوال شهور حملي وأنا أستخير
فيها ... وكنت أبيها بشدة .. لأن أنا مقررين علي طلق صناعي على طول ... وقد جربته بدون مسكنات ... وشفت
الموت بعيوني ... فصار عندي فوبيا من الطلق صناعي ...
أنا والدة لي فترة بسيطة والحمدلله على فضله ... أخذت أبرة الظهر في مستشفى دلة ..
رحت لهم كانوا محددين لي موعد طلق صناعي علشاني خلصت التاسع ولافيه بوادر ولادة ..
عطوني طلق صناعي .. وزاد علي الألم وأقول لهم وين أبرة الظهر قالوا مانعطيها الا بعد ماينفتح الرحم 3 سم ويوصل
4 سم يعني بين هالسانتيين .. لما أنفتح 3 سم طلعوني لغرفة الولادة ... وجاء الدكتور الأستشاري خالد رئيس قسم
التخدير ... الله يجزاه خير دنيا وأخرة أنسان محترم جدا لايمكن يناظر فيك يتكلم معي وهو مايل على جنب أو منزل
راسه تحت ... طول الوقت يذكر الله ويسمي ويشرح لي كيف تعمل أبرة الظهر وأنه ماعاد لها أي مخاطر لأن لها 30 سنه
وهي تستخدم في الخارج وأنه طوروها لحد ماأختفت تقريبا كل أثارها الجانبية ...
جلست على السرير وأحنيت ظهري والممرضات لافين الشرشف علي من تحت وعلى فكرة قبل لأطلع لغرفة الولادة
أخذوا مني تحليل دم .. تيست لحساسية أبرة الظهر أظن لأني لما سألت الممرضة قالت علشان الأبيدورال ..( أبرة الظهر ) ..
وجاء الدكتور وسمى بأسم الله وحدد فقرة الظهر الموازية لعظام الحوض الجانبية وحددها بقلم خطاط مدري وشهو ههههه
بعدين بخ بخاخ مخدر ... وقال الأبرة الأولى أبرة مخدرة علشان ماتحسين بضرب الأبرة الكبيرة أبرة الظهر ..
وبعدها ب 5 دقايق تقريبا .. دخل فيني أبرة الظهر ...دخلها بعيد جدا يابنات في عمق العصب وأحسها عريضة زي
المسمار .. وكان مميلها شوي جهه اليسار ... يابنات الأبرة موب مؤلمة بقدر ماهي مزعجة جدا كأنه مسمار يبرم ..
وطلع الأبرة وحط فيها قسطرة معلقة في مغذي ينقط فيه المخدر ولزق ظهري كثير علشان ماتنفك ولزق باقي اللي حق
القسطرة على كتفي ولزقة برضوة كثير ....
وقال لي بتحسين بكل شي الا الألم لأن مضروبة في المنطقة اللي ترسل أشارة الألم للمخ وهالمنطقة أسمها العلمي
الأبيدورال ... نفس الأسم الطبي للأبرة .. وقال ترى وحدة من رجولك بتتخدر مرة وفعلا أتخدرت اليسرى نهائيا نفس
الجهه اللي ميل فيها الأبرة ماأقدرت أحركها أبدا ... وحسيت بألم في فقرات رقبتي جهة اليسار .. وحسيت بصداع ...
وحسيت بحكة في جسمي ... هذي يابنات أعراضها الجانبية اللي حسيتها للأمانة وكلها محتملة وأقرب للمزعجة أكثر
من المؤلمة ... وسبحان الله الم الطلق أختفى نهائيا ... وجهاز الطلق يضرب في المية وأنا ولا أحس بشي مع أنهم
زادوا لي الطلق الصناعي في الوريد ...
وجنبي وحدة تولد تصيح بشكل مخيف يعني أنا خفت أنها بتموت ... وأنا من فضل الكريم ماحسيت بشي ... ونمت
أخذت لي غطة .... وبعد ساعتين حسيت أن البيبي نزل مرة وناديت النيرس وكشفت علي قالت أيوة 8 سم :o
وودوني غرفة الولادة والحمدلله خلال ساعة ولدت وكنت أحس بالطلقة بس بدون الم ... كنت أحس زي الشد والأنقباض
وأدفع ... لحد ما أخرجني ربي حبيبي من حلق الضيق الى وسع الطريق ...
وودوني غرفة الملاحظة ساعة بعدين جت دكتورة وفكت عني قسطرة أبرة الظهر ولا حسيت بألم نهائيا ... وتركوا فيني
قسطرة البول لمدة 6 ساعات بعد الولادة قالوا خايفين تدوخين من أبرة الظهر مانقدر نخليك تروحين للحمام ..
ختاما أبرة الظهر سعرها 1650 ريال ... في مستشفى دلة ... المستشفى رائع ومحترمين وعندهم ذمة وزي
المستشفى الحكومي في العلاج ... يعني مايستعجلون بالعملية أبدا يتركونها أخر حل ... بس في الرعاية غير والممرضات حبوبات جدا ..
وأبرة الظهر نعمة عظيمة من ربي وتستخدم في أمريكا وبريطانيا من أكثر من 30 سنة ...
ولو فيه خطر ما أستخدمتها المستشفيات الحكومية ومنها مستشفى الحرس الوطني ... والمستشفى العسكري ..
وأهم شي الأستخارة ثم الأستخارة فيها وقبل كل شي التوكل على الله وحده موب دكتورة ولا مستشفى ..
حبيت أفيدكم يابنات وأبي دعوة صادقة من قلب أن الله يغفر لي ولوالديني ويبارك لي في زوجي وذريتي ويرزقني من حيث لاأحتسب ...
%جميلة العرب% @gmyl_alaarb_1
عضوة فعالة
يلزم عليك تسجيل الدخول أولًا لكتابة تعليق.
الله يغفر لك و لوالديك و يبارك لك في زوجك و ذريتك و يوسع لك في رزقك الحمد لله على سلامتكالله يغفر لك و لوالديك و يبارك لك في زوجك و ذريتك و يوسع لك في رزقك الحمد لله على سلامتك
هذا اللي كنت ابيه بس ممكن سؤال صغنن من اللي ولدتك؟
مشكوره على طرح تجربتك
وانا باذن الله ناويه عليها
وشوله اعذب نفسي دام فيه شي يخفف الالم ومامنه خطوره
وانا باذن الله ناويه عليها
وشوله اعذب نفسي دام فيه شي يخفف الالم ومامنه خطوره
جوتايم
•
ماشاءالله نفس اعراضك اللي حسيتي فيها مرت عليها مع هالابره
من جد نعمه بس هالمره بولادتي رفضو يعطوني هالابره يقولون راح تضرك عشان سيولة الدم
من جد نعمه بس هالمره بولادتي رفضو يعطوني هالابره يقولون راح تضرك عشان سيولة الدم
الصفحة الأخيرة
الحمد لله على سلامتك