ماشاءالله عليكم اخواتي في الله...

اقرأ ردودكم وكلي فخر بكن..

الله يوفقكم ويحرسكم..

وحبيت بس اشاركم بموقف صار لي.. كنت في رحلة دراسية إلى فرنسا..

والحمدلله انا ملتزمة بالحجاب الشرعي..وكنا تقريبا مجموعة طالبات بس الله

يهديهن ما كانوا ملتزمات بالزي الإسلامي..

يعني اول ما دخلنا مطار فرنسا شالوا عبيهن وشيلهن ماعدا انا وبنتين..

ورافقنا ثلاث مشرفات واحداهن كانت فرنسية وكانت تشوفني وانا بحجابي وتكلمني

وفي مرة من المرات شافتني في غرفة وحدة من البنات وطبعا كنا جالسين نسولف

وكنت بدون حجاب وفالة شعري اسولف ويا البنات..

دخلت علينا وما عرفتني قالت للبنات هاذي صديقة جديدة لكم.. متى تعرفتوا عليها؟

طبعا انا ضحكت وقلت لها انا فلانه ما عرفتيني..

هي صرخت وقالت شكلج غير بدون الحجاب...وايد احلى..

بعدين قالت لي...ليش ما تشلين الحجاب محد من اهلج بيشوفج..

رديت عليها وقلت لها بس الله بيشوفني..

انا لبست الحجاب عشان ربي مب عشان حد ثاني..

طبعا هي سكتت وما عرفت شو تقول..

وفيه موقف ثاني صار للبنات الي معاي..

كان فيه رجال فرنسي كبير في السن يرافقنا في الرحلة..

شافني متحجبه وسار عند البنات الي مب متحجبات وكانوا الله يهديهم لابسين بناطيل

جينز وكاشفات شعورهن..

تعرفون شو قال لهم..

قال: انتوا في بلادكم تظهرون بهالشكل...

البنات انصدموا وانحرجوا في نفس الوقت.. وما عرفوا يردون عليه

الوحدة منا لااازم تحترم نفسها وتكون فخورة بدينها عشان الناس يحترمونها..