اللي عندها طريقة كيكة فانليا حلوه وطعمه ومقاديره مضبوطه تدخل

واللي تعرف كيكة الكت كات تعطيني طريقتها

انا بعد نفسي بكيكة فانيليا من زمااان ودي تكون هشه وطعمها حلو ان شاء الله احد يفيدنا

انا معتمده كذا طريقه وكلهم جنان ... اختاري اللى يناسبك ...
(1)

المقادير :
1 كاس زيـت دوار الشمس (مش مليان مرره ) + 1 كاس سكر ناعم + 3 حبات بـيض
1 ملعقة طعام فانيليا + 1 كاس حليب سائل + 1 كاس حليب بـودرة
1 كاس دقيق ابيـض + 1 ملعقة طعام باكينج بودر
الصوص الابيض :
(2/1 علبة حليـب نستـلة + 5 - 7 حبات جبن كيري + رشـة فانيليا )
للزينة :
قـرفة بودرة أو شوكولاتة نسكويك (اختياري) ويمكن الاستغناء عنة ..

الطريقة :
اولا نسخن الفرن على 180 درجه ... ونجهز صينيه متوسطة الحجم وندهنها بزبده ونرش عليها دقيق وننفض الزائد
من الدقيق .... نبداء بعمل الكيكة ... بخلاط الكيك نخفق المكونات الثلاث الاولى مده دقيقتين
وبعدين نحط المكونات الثلاث التالية ونخفق ثم الأخيرة بعد نخلها و نخفق ... تصب في الصينية وتدخل الفرن ..
تترك مده عشر دقائق ثم نقصر النار حتى 160 درجه ونتركها حتى تنضج ونطلعها ...
نخلط مقادير الصوص الأبيض في الخلاط ... نصبه علي الكيكة بعد ما تبرد اشوي وترش بالقرفة
أو الشكولاتة حسب الرغبة ... ويقدم دافئ ...


(2)
اما هذي اخذتها من موقع اجنبي وتاخذ العقل من جد لذه وخفه وان شاء الله بتدعي لي باذن الله ....

الكيك :
2/1 1 كوب دقيق ابيض + 2/1 ملعقة صغيره ملح
2/1 1 ملعقة صغيره باكينج بودر
4/3 اصبع زبده + 4/3 كوب حليب سائل
3 حبات بيض كبيره + 1 كوب سكر ناعم

الطريقة :
سخني الفرن على حراره ١٨٠ درجه ... ندهن صينيه صغيره بالزبدة قطرها 9 الى 10 انش ... انخلي ( الطحين والباكينج باودر والملح ) مع بعض وخليهم على جنب ...
نخلط ( البيض والسكر ) على سرعه عالية ... تقريباً ٥ دقائق .. لين ما ينفش البيض مضبوط .. وفي هالاثناء نضع
( الزبدة والحليب ) على نار هادئة حتى تذوب الزبدة وتغلى ثم نطفي عليها ..
تقللين سرعة الخلاط وتضيفين الطحين بالتدريج ... بعد ما تخلصين من الطحين ... تأكدي من إن الحليب والزبدة وصلوا لدرجه الغليان وبعدين ضيفي خليط الحليب والزبدة علي خليط الطحين شوي شوي ...
)تذكري لين تخلطين من إن سرعة الخلاط تكون منخفضه عشان ما يجي عليك الحليب الساخن ) ( بس لا تبالغين في الخلط يعني يادوب ينخلط عدل ) ... آخر شيء تضيفين ( الفانيليا (اخلطيه شوي ...
صبي خليط الكيك في الصينية ... وتخبزينه في الفرن المسخن مسبقا ... نتركه 10 دقائق على نفس الحرارة
ثم نخفض الحرارة لحد 160 درجه ... ونتركه لحد ما تشوفيه صار بني فاتح او لين غرستي فيه عود
اسنان وطلع نظيف ... تطلعينه من الفرن وتخلينه في الصينية يبرد عشر دقائق ...

وبالف عافيه ...:)

ايه نسيت...ملاحظه مهمه :
الكيكه الاولى تقاس بالاكواب العاديه ...
الثانيه تقاس بالاكواب المعياريه ... (خبرك الاجانب كل شي عندهم بالملي ... بس والله تستاهل )

يسلموا جاري التطبيق

يعطيك العافيه