نوره66 @norh66
عضوة
للي يعرفون مشكلتي من قبل
بنات كيف حالكم انااللي قبل قلت لكم مشكلتي مع اهل زوجي وانهم ضربوني اناوزوجي والسبب كلام اخته لولدي انارجعت للبيت لكن ماحس اني مرتاحه دايمااحس بالخوف ماعاداحس بالامان وانانازله وراقيه احس بخوف اخاف يمكسكوني ويضربوني اول كنت احتمي بعدالله بزوجي بس عقب ذالسالفه دريت انهم خلاص مايخافون من احدولابغيت اشرط شقه علشان ماثعب الامورعلى زوجي ورضيت ارجع اضم عيالي امراسلم على ابوزوجي وجده وامشي والباقي ماكني اشوفهم وخواته وامه مطلعين اخبارماهي زينه عني وعن عيالي قدام الناس يقولون عيالها اللي هم عيالهم اصلا فيهم نفسيه علشان هم ماعادينزلون الامعي اومع ابوهم صارويكرهونهم بعدماشافوهم يضربوني قدامهم ويقولون لي وللناس بنزوج اخوناونكسرخشمها ابي اعرف اناكيف اتصرف مع ذالاشكال احديتكلم عن عياله قدام الناس والله العظيم عيالي مافيهم شي الحمدلله يدرسون ولافيهم شي بس صارويكرهونهم ويخافون منهم لانهم خنقوني بالشيله قدامهم مابي اكمل السالفه انتم تعرفونها بس اللي قهرني كيف يوم شاف اخته اللي هي سبب كل المشكله يسولف معها ويضحك ماكنها سوت شي والله العظيم اللي سوه لي شي بب طبيعي ولابعدزوجي صاريسمع كلامهم اي مكان يوديهم اماانااذاابي شي الله يعيني يبغالي احن عليه لين يوديني والايقول لابعداللي ابي اعرفه كيف اتصرف معهم يمشون ويتكلمون في عرضي وعن عيال ولدهم لوكم مكاني كيف تتصرفون
14
1K
يلزم عليك تسجيل الدخول أولًا لكتابة تعليق.
نوره66
•
[emoji106] [emoji106] [emoji106][emoji106] [emoji106] [emoji106]
والله ودي اطلع بيت لحالي لكن حكم القوي على الضعيف ابوزوجي مانعه يطلع --وكيف مااخاف منهم وههم 5بنات والام لسادسه وانامسكينه مافيني حيل مااولدالاعمليات فيني 4عمليات قيصريه يوم الضربه كلهم علي حتى امهم مفروض تصيرقدوه حسنه لهم وتمنعهم بس سبحان الله مالي الااقول حسبي الله عليها هي وبناتها اللي ماتخاف من ربها حرمتني من نعمه الامان في بيتي لاحول ولاقوه الابالله حتى السرق سرقوني سبق وانهم دخلوشقتي من وراي ولابعديتركون الاكل وراهم يعني ادري ان حنادخلنا مجري وش عاجبهم بذالملحق مغيرغرفه لي اناوعيالي فيها ومقلط وحمام ومطبخ مسكره ابوه عني اول وبعدالمشكله اقنعه ابوناانه يفتحه لناوقال بعطيكم ربعه والله يابنات يالله اتحرك فيه ومسكرالباقي بخشب والله مايرضاها لبناته لكن ربي فوق كل ضالم ويوم المشكله يوم ضربوني وخنقوني قدام عيالي اللي تمشع في شعري واللي تضرب بوجهي واللي خانقتني وزوجي ماعادبدري وش يسوي يبعدوحده تجي الثانيه اشكوى لله وساحبيني بشعري مثل الخروف قدام عيالي كيف مايكرهونهم كيف مهماكان اناام والعيال مايهون عليهم مهانه امهم وابوزوجي بدل مايهون علي يقول ان زعلتي ترى شقه مابه شقه لوشيصير ولاحتى تكلم عليهم ويقول انتي ام المشاكل طيب هومايشوف بعينه الله حسيبه شايف وجهي بدمي وحلقي متجرح من خنقهم لي بالشيله ولاقال شي اه الله ينصرني بس
الصفحة الأخيرة
لكن رجعتي خلاص تحملي وطنشي
وهم يبقون اهله ماراح يتبرا منهم او يقطع فيهم
مالك الا تدعيم ربي يشغلهم عنك ويسخره لك وخلي اتكالك على الله