كل أسئلتك عن بريطانيا تجدينها هنا : تفضلي

السلام عليكم ورحمة الله وبركاته
حبيت اسال بعض الاسئلة عن بريطانيا وبالتحديد غرب لندن منطقة اكسبريدج ابي ادرس بالجامعة معاي بكالريوس رياضيات من اعداد المعلمات اللي تعرف جامعة تقبل انها تدخلني وعلى حساب السفارة .... لان صديق زوجي يقوله ان معهد اللغة مو على حساب السفارة .......... وانا قريت بهذا المنتدى ان في بعض الجامعات ماتشترط اللغة لانهم يدرسون من ضمن المناهج لغة واللي يعافيكم ساعدوني لاني بعد اسبوع راح اروح للمنطقة ........ وابي اسال كم اسعار التاون هاوس وكم عدد الغرف والحمامات .... عندي ولد واحد عمره 5سنوات... وكثير انصحوني بالتاون هاوس علشان ناخذ راحتنا بس ابي اعرف شنهوا موجود بالبيت من اجهزة يعني فيه غسالات ملابس فيه غسالة صحون فيه طاولات طعام .....اسرة ....... وشنهوا اجيب معاي اغراض غير الاكل .... لاني ماقصرت شلت السوبرماركت كله ......... ودي اعرف الجو في شهر اوغست كيف يعني من ناحية الملابس شنهوا اجيب معاي مؤقت لغاية لما يوصل الشحن ......... وعلى فكرة كم المدة اللي تستغرق في الشحن يعن شهر شهرين لاني لما رحت لامريكا الشحن استغرق شهرين ونصف بس اظن بريطانيا اقرب من امريكا بنات ردو علي وابي اعرف عن اكاديمية الملك فهد اللي موجودة في لندن شنهوا تدرس وكم يوم في الاسبوع ...... وهل يحتاج ادخل ولدي مدارس بريطانيا غيرها ...... وابي اعرف كم قناة بالتلفزيون البريطاني ولشنهوا يعني انا احب قنوات الرياضة على الصباح واحب قنوات الطبخ والقنوات التعليمية وقنوات الاطفال لولدي... الله يعافيكم ردوا علي ..... وشنهوا اللي تحسفتوا انكم ماجبتوه من السعودية ايا كان علشان اتدارك هذي الاشياء ........... ومشكورين مقدما للي راح يساعدوني ..... ادري زودتها بس عاد ابي اكون جاهزة لكل شئ