هلا بكل حوائيات عالم حواء هذا غدانا بس كان مررررررة لذيذ
عبارة عن(
1-سمك كنعد مقلي
2-رز ابيض
3-حمص
4-بطاطس محمصة في الفرن
5-سلطة جنااااااااان
6-فواكه مشكلة
راح اعطيكم طريقة السمك
سمك اي نوع تحبيه تبليه طبعا التتبيلة عبارة عن ملح ثوم وبهارات السمك وفلفل اسود وكمون وفلفل احمر حار
وزيت زيتون وشوية دقيق وعصير ليمونة كبيرة
غلفيه بالنايلون وخليه يتشرب التتبيلة اقل شي ساعتين ويفضل ليلة كاملة خليه في الثلاجة
واقليه في زيت غزير وحار وبس
الرز ابيض عادي
الحمص
عبارة عن علبة حمص وطحينة وملعقة مايو نيز انا عادة احط لبن زبادي بس ماكان عندي يومها استبدلته بالمايونيز وطلع يجنن وطبعا ليمون وملح وكمون واخلطيه في الخلاط مع شوية موية وبس
السلطة
وربي انا وزوجي قعدنا نتضارب عليها تجنن تجنن تجنن
سهلة جدا
اي خضار عندك حطيها
انا حطيت
خيار طماطم بصل اخضر خس فلفل رومي كرمب جزر نعناع
قطعيها مكعبات صغيرة وتبليها بالليمون والسماق والملح وزيت زيتون وشوية خل
واخر شي حطي بطاطس اعواد العلب ونكهته حااااااارة
امممممممم اشتهيتها
البطاطس قطعيها وتبليها بالملح والفلفل الاسود والزيت وزعتر بري ودخليها الفرن وقلبيها كل شوية عشان تتحمر من كل الجهات
وسلااااااااااااامتكم
هذا كان غدانا
وهذا اصباع ولدي الصغير فديت قلبه القمر
وهذي تحليتنا صحن فواكه
