وصفت لها العلاج ...وبشرتني بحملها ... العلاج هووو....

السلام عليكم اخواتي وحبيباتي قلبي
هذه قصة صديقتي وتؤم روحي بالحرف الواحد واذا تبون تسألون عن اي شي انا بالخدمه وهي بعد ياحياتي عليها ماتقصر ممكن اعيرها معرفي تسالونها
بس تكغووووووووووووووون ادعوا لي بالزوج الصالح عجزنا كبرنا وماشفنا اطفالنا ولا حسينا بالاستقرار وبعد ادعوا لنا بالوظيفه والتوفيق والسعاده والهدايه وحسن الخاتمه مابقى غير الدعاء
هذا ياطولات العمر احكيها بلسان صديقتي
تقول
المشهد الاولى
" في من الايام اشتقت صديقات الكليه وشقاوتهن وضحكنا قلت يالله بدق عليهن واسمع اخبارهن وكلمت اللي رد واللي مارد شافت رقمي وعرفت اني مشتاقه لها ومن ضمن اللي ردو وحد متزوجه من سنوات وماحملت وسالتها ها يافلانه ماكوا بيبي على الطريق قالت لا وشرحت وش بها وقلت لها شوفي حبيتي ذاك اليوم اتابع برنامج تفسير الاحلام للرويس وقل خلطه للحمل سهله وقال للجميع الامراض الاكياس التكيسات الهرمونات السدد ... قال تنفع لكل مشاكل الارحام والمبياض واستخدميها سهله ومو متعبه وبعد استخدمي الحجامه طب نبوي قالت ابشري والله لاستخدمها بس ايش هي وشرحت لها وقالت مرررررررررره سهله وقلت لها علمي كل وحده متاخره بالحمل قالت ابشري .... انتهت المكالمه "
المشهد الثاني
"وبعدها بشهور رائيت رؤيا تفاصيلها كثير بس بالنهايه انه الشيخ الرويس جالسه على الارض وممد رجلينه وثاني رجل وبجنبه مركه وفوق رجلينه كتاب ويقراء منه وانا جالسه اتابعه واسمعه واتامل واحس بسعااااااااااااااااااااده بحياتي كلها ماحسيت بهالقدر هالسعاده واقول ياحلوووووو الذكر اللي يقوووله من الكتاب يازين مجالس الذكر يازين اللي يقراءه انتهت الرؤيا وكانت الفجر وقمت من النوم والله واللي خلقني قمت مبسوووووووووطه وفرحااااااانه مدري ليه وجلست ادعي يارب لاتحرمني السعاده والله يابنات مدري كيف اوصف حجم الوناسه حست انها بشرى بس ماادري وش نوعية البشرى
المهم دعيت ان الله مايحرمني هالبشرى وطول ذاك اليوم مبسوطه "
المشهد الثالث
وبعد بيومين بالضبط
" رجعت اشوف اخبار صديقتي اللي اعطيتها الخلطه وعطتني عهد انها تسويها قلت ابشوف اخبارها دقيت وسالتها ها وش صار قالت ابشرك حللت قبل فتره بسيطه الهرمونات مضبوطه عندي حتى الدكتوره استغربت كيف انضبطت وصارت فوق المممتاز وهي كانت ملخبطه بقوووووووووووووووه وقالت لي معدلاتها بس والله ماااذكر .....وقالت الدكتوره قالت لي خلاص لاتجين للعيادة العقم كل شي مضبوط وان شاء الله تحملي وقالت ابشرك اختي طووووووووووووولت بالمررررره بعد بنتها ماحملت كان بها تكيسات وتقول قلت لها الخلطه وحملت بشهرها ووحده من الجماعه قابلتها بزواج وصار لها سنتين ماحملت وسالتها وجلست تشكي لي تقول تعبت من المستشفيات لعبوا فيني لعب وقالت لها تبين نصحتي استخدمي خلطة الرويس وسالتها متى العذر عندك قالت بعد عشر ايام قالت لها يمديك تسوينها وان شاء الله ماتشوفينها تقول وسوتها والشهر اللي بعده انا اتحرى موعد عذرها الشرعي عدى يومين ثلاث ايام وانهم يدقون على يبشروني انها احملت بعد ماستخدمت خلطة الرويس واللي بها تكيسات وسكرت وانا مبسووووووووطه اني كانت لي يد بحملهن وفرحتهن
وبعدها بيوم جالسه الصباح لوحدي وانا اتذكر الحلم واتذكر مكالمة رفيقتي وشفاءها وحمل اختها وقربيتها وقلت ياسبحان الله هذا تفسير الحلم وهذي البشرى انهى حديث صديقتي
المهم بعد الرؤيا عاد قلت باكتب الوصفه وانشرها واحتسب الاجر وماابي الالدعاااااااااااااااااء
واللي تحمل ترسل على الخاص تبشرني لان ماادخل هالقسم ابدا لاني مااني متزوجه
الخلطه
فنجال حلتيته لازم وضروري تكون جديده وطريه مثل العلك ولازم على هالصفات
و3 الى 4 ملاعق حبه سمره مطحوووونه قصيميه بعد جديده لازم
250 مل زيت زيتون اصلي مقرررري عليه لازم اصلي وخلوه العصره الاولى احسن
قبل الدوره بخمس ايام اشتريهن واطحني حبة السمره وحطيها على الزيت وفتتتي الحلتيته صغير صغير وحطيها على الزيت واسكر علية الزيت زيييين واكتمها وارجها كل يوم ولا افتحها ابد بس كل يوم اراجها لمدة خمس ايام واذا جاء الدوره افتح العلبه وادهن الصدر "الثدي. الاثداء " كلها ومكان الرحم والمبايض من امام يعني اسفل البطن ومن الخلف يعني من اسفل الظهر عاد انتم اكيد عارفين مكانهم بس اكد يوميا طووول ايام الدوره
ثانيا واسوي زمزمية قرفه جديده وممكن احليها بعسل اوو سكر بكيفك و اشربيها يوميا طيلة ايام الدوره
ثالثا الهم ملعقة رشاد صغيره قبل النوم يوميا طيلة ايام الدوره
وسلامتكم
شفتوا انها سهله
وماتكلفك لا من ناحية الماده ولا الجهد الماده اقل من سبعين ريال ان طارت والجهد سبع دقايق بس باليوم وانت كم تكلفتي مشاوري للدكتوره وفلوس باليوم الواحد احيانا تدفعين خمس ميه
وملاحظه مهمه ترى يقول ظلي استخدميها ايام الدوره من كل شهر اقصى شي ان شاء سبع شهور وتحملين وكثيرررر من شهر يحملون والشواهد كثيره حتى ان قال انه شركه مغربيه اوجزائريه مااذكر شي زي كذا يبون يوقعون معي و يسون العلاج ويبعونه بمبالغ كبيره واشرطوا اني مااعلم احد وانا رفضت
المهم ياحلوات تعبت وانا اكتب
ابي تدعون لي ان الله يرزقني قبل العيد زوج صالح ملتزم وويعيشني بسعاده معه ويرزقني الذريه الصالح منه ويهديني ويوققني ويطلع اسمي من ضمن المعينات بالتعليم هالسنه واتعين ويجعلني باره بامي ويكرمي بحفظ القران ويبعد العصبيه عني ويحسن خاتمتي ويرزق ابوي الفردوس الاعلى من الجنه ويرحمه ويغفر له طيب
يابنات ادعوا لي والله كل قرايبي اللي كبري واصغر مني تزوجوا بس خايفين من عين واشوف مواقف واسمع كلمات جاارحه ادعوا انه يرزقني زوج افضل مما اتمنى
تحياتي
اعذروني اذا فيه اخطاء اكتب بسرعه وجاء وقت الصلاه ومارجعت ابقوم اصلي وارجع
ولاتنسي ياقلبي ارفعي الموضوع واحتسبي الاجر عشان الكل يشوفه ماتتدري يمكن رفعك بها تفريج كربه للاخت متاخره واتنمنى ان الادراه تثبت الموضوع عشان الكل يستفيد
لاتنيسن ارفعي
واللي تحمل تبشرني لو بعد سنه تكفوووووووووووووووون ابفرح بكم طيب بشروني مو تطنشوني طيب انتظر اسمع افراحكم والتباشير