السلام عليكن ورحمة الله وبركاته
مساء الورد على أحلى حوائيات :39:
كل مرة هالموضوع يقرقع بخاطري وودي أكتبه
وخصوصا لو رحت مجمعات
وشفت الأطفال بلا رقيب صوب السلالم الكهربائية :mad:
أنا سلمكم الله من أول كنت دائما حريصة أنه عيالي ما يقربون صوب السلالم إلا وأنا ماسكتهم
بإيدي وكان زوجي دائما يلومني
ويقول راح تخوفينهم ويقول أنه حرصي في غير محله بس أنا كنت ولازلت على قناعة أنه
السلالم الكهربائية من أخطر مايكون على الأطفال
مالكم بالطولة
اللي صار إنه بنت أختي وأخوها طلعوا مع أبوهم
مجمع وراحوا جهة الألعاب
وبعد ما لعبوا وكالعادة أبوهم بحكم تعودهم على المكان تركهم بالقرب منه وقعد يسولف
مع واحد من اللي يشتغلون بالمكان
والبنت تروح للسلالم الصاعدة من جهة الدربزون
اللي على برى وحطت يدينها عشان يشيلها الدربزون للدور الثاني وبحكم خفة وزنها وسنها
رفعها لفوق ولما شافت نفسها صارت بعيدة عن الأرض صرخت ونادت ((بابا))
لسوء حظها ما كان فيه أي شخص صاعد السلالم أو نازل وفي لفتة أبوها كانت على بعد قليل من
وصول السلم للدور الثاني قام هو يجري
عشان ينقذها يعني يكون بالأسفل لوسقطت
وشاء الله قبل مايوصل المكان بحوالي مترين
سقطت تحت على وجهها وأنتشر الدم في كل مكان صار أبوها مثل المجنون يصرخ ويحضنها
شالوهم أهل الخير بسيارة ومع الربكة نسوا أخوها الصغير بس في واحد شاله معاه وراح وراهم بالسيارة
والحمد لله جات سلامات سووا لها بالمستشفى كم غرزة
الحين البنت بالثانوي وما أدري تذكر هالسالفة أو لا
المهم من السالفة إنكم تنتبهون لعيالكم لأن الأطفال عليهم طلعات وأفكار غريبة لايمكن أحد يتوقعها
طبعا زوجي بعد الموقف هذا صار حريص
ياليت تنبهون كل من تعرفونه
لأن والله الموضوع أخطر مما نتصور
أم جودي وحمودي @am_gody_ohmody_1
محررة فضية
يلزم عليك تسجيل الدخول أولًا لكتابة تعليق.
ام غدو وعلاوي
•
فعلاشي خطير انك تشوفي عيال صغار يلعبو فية طالعين نازلين ولا حسيب ولارقيب ًشكراعلى التنبية ويعطيك الف عافية
يالله من جد خطيره
والله اني اخلي عيالي يسرحون ويمرحون
معد فيه من بعد اليوم خلاص
مشكوره ع التنبيه
والله اني اخلي عيالي يسرحون ويمرحون
معد فيه من بعد اليوم خلاص
مشكوره ع التنبيه
الصفحة الأخيرة