قصة حملي خارج الرحم حسبيا الله ونعما الوكيل

أول شيء كل يوم افتح مفكرة الجوال واكتب 
اللي يصير معي 
ارجو ان تكون بقصتي فايدة واتمنى منكم دعوة لي... 
البداية.... 
نزلت الدورة 12/12/2013
بعد 16 يوم بالضبط نزل دم بني خفيف
وبقي ينزل علي يروح ويرجع 
بيوم 23 من الدوره حسيت بمغص شديد جداً رحت لمستشفى وكانت تجربة سيئة معهم ما اهتموا غير باخذ الفلوس مافهمت شيء 
المهم 
طلع حمل بتحليل الدم الرقمي بس بالسونار مابان لان قالوا يمكن جديد 
والانض لي 34يوم 
وبيوم 34رحت لمستوصف وسوت الدكتورة اشعه على البطن مابان بالرحم شي
وسوت اشعة مهلبية ولقت كتله صغيرة. 
وسوت تحليل حمل وطلع في حمل. 
وحولتني للمستشفى ورحت الصبح وكان زحمة موت وانتظرت كثير كثير 
وبالاخير دخلت على دكتورة باكستانية غبية مافهمت شيء مع ان الدكتورة كتبت تقرير بحالتي. بس للاسف قال مافي حمل 
قلت لها عارفه هالشي 
بس أريد ان تتاكدي انه خارج الرحم.. 
قالت بالأساس دورتك ماتاخرت. ماراح يبان 
وطلبت تحليل بول؟؟ 
وخرجت من عندها ابكي ومارضيت اسوي تحليل بول 
وضاقت علي الارض بما رحبت 
والعصر بنفس اليوم 15يناير
رحت مستشفى تاني 
وصورتني الدكتورة اشعه مهبلية وشافت كيس على المبيض اليمين. 
وكانت افضل من غيرها حكت معي قليلا عن تحليل هرمون الحمل لقياس نسبة الحمل بالدم.. 
وسويت تحليل حمل هرموني. 
وقالوا لي يطلع غداً بالليل.
بس يطلع بتعيد التحليل مرة أخرى وتشوف كم النسبة هل يرتفع ام لا.. 
وانا على اعصابي وحالتي حالة. وزوجي بسافر أيضاً مشكلة والله 
لاحول ولاقوة إلا بالله العلي العظيم 
حسبيا الله ونعما الوكيل 
ضاقت علي الارض بما رحبت وبكيييت 
والله نفسي اعرف حالتي بالضبط واخذ العلاج المناسب وانتهي من الموضوع 
والله المشافي اغلبها بس تريد شفط فلوس 
ولا يشرحوا ولا يهمهم لا مريض ولا غيره. 
لمن اجد دكتورة تفهم اغلبهم مشوش عقلهم ومستعجلين.. 
وفي الصبح اليوم 16يناير 2014
رحت لمستشفى الحبيب وحكت لهم القصة 
وقالوا سوي اشعه سويت اشعه
وبعدين الدكتوره شافت قالت في كتلة 
ماادري حمل او لا
سوي تحليل هرمون الحمل 
وسويت وبعد ساعتين النتيجة وانا قلقانة جدا
ياربي مالي غيرك انت وحدك اعلم بحالتي 
تعبت جدا جدا 
ونفستي أيضا عندي ولدين صغار من قبل 
اخذهم معي للمستشفى وازعاج جدا لان مافي احد احطهم عنده 
وارجع للبيت تعبااااااانه ويريدوا ياكلوا واسوي لهم اكل والبيت وسخ والله حالتي حالة..
ياربي رحمتك ارجو لا تكلني الى نفسي طرفة عين.. 
حسبيا الله ونعما الوكيل.. 
لا اله الا انت سبحانك اني كنت من الظالمين 
وطلعت نتيجة التحليل الهرمون الحمل وكانت
269
وقالت الدكتورة نريد ان نعيد التحليل مرة أخرى بعد يومين. 
يعني تعالي يوم السبت 
والان انتظر يوم السبت 
لكي اروح واحلل واشوف انخفض الهرمون ام ارتفع. 
وانا حالياً ينزل علي دم كتير احمر على اسود 
اليوم 17 يناير 
بكرا الصبح بروح احلل الهرمون. 
الله يعينكم يابنات اللي مرت بالتجربة خارج
. وان شاء الله تعالى اكتب لكم التفاصيل لما يطلع التحليل. .