جوجو الدهب
اشكرك على الرد وصحيح الطلاق مو الحل بس انا صار لي ثلاث سنوات احس عمري ضاع على مشاكل واهمال ولا مبالاه ولو اني ساكنه قريبه من اهلي كان الوضع بالنسبه لي عادي لان فعلا كل الرجال كذا لكن المشكله اني اقعد بروحي لا جليس ولا ونيس واذا كلمت اهلي ولا خواتي مجتمعين عند امي وانا هنا لوحدي واذا طالعت خوات زوجي بعد نفس الشي مجتمعين عند امهم مافيه غيري انا عايشه في الغربه
اذا كان الطلاق مو الحل اجل وش الحل وليش الله حلل الطلاق واوجده الا عشان يكون الحل الفاصل للخلاف بين الزوجين

اتحدى وحده تمر بنفس ضروفي وبتسكت وبتتحمل مثلي

وبعدين يابنات بسألكم الحياه اكل وشرب وفلوس وبيوت وبس يعني عشان هذا كله متوفر عندي خلاص اصبر واسكت صحيح الحمدلله على نعمة الستر بس الراحه النفسيه مو موجوده عندي

مابي قصور ولا هدايا ولا خدم ابي زوج يحس فيني ويقدر وجودي عنده وانا مالقيت هالشي عنده وش تفضلون اكتم انفاسي واسكت واصبر عشان بناتي ولا اغير حياتي يمكن الله يعوضني بغيره والله ماينسى عباده

الهديل وبدون زعل

انتي اللي رضيتي تتزوجين واحد مو من بلدك وبعيد عن اهلك

بعد ماجبتي بنت والبيبي الثاني بالطريق تفكرين تتطلقين وتشتتين بناتك بين بلدين ؟؟؟؟؟؟؟؟؟؟؟؟؟؟

طيب تزوجتي وتغربتي وضايق صدرك ولا تاقلمتي

حاولي تتفاهمين معاه دامك تقولين يحبك اكيد بيتفهمك حتى لو تفكيركم مو مثل بعض

1- تروحين لاهلك لمده شهر كل سنه غير العيدين
2- تتعرفين على صديقات وتتطلعين معاهم وتوسعين صدرك
3- يخصص يوم بالاسبوع يطلعك فيه ويغيرلك الجو

والزوجه صحيح لبيتها بس لنفسها حق تغير جو وتتعرف على صديقات وتطلع مع زوجها وتتمشى

مالومك بالضيقه اللي انتي فيها ولازم زوجك يتفهم هالشي

موفقه حبيبتي وطمنينا وش يصير معاك

طيب ياقلبي انزلي عند ام زوجك او اقنعي زوجك بزيارة صديقاتك حتى لو عصب كيفه اهم شي تلقين حل

ادخلي تحفيظ مثلا وكلش يجي بالاسلوب الحلو اذا مافاد هذا كله ازعلي وانتي في بيتك بس ادي كل واجباته عليك

واحمدي ربك ان عندك وظيفه تشغلك والله اني اعرف وحده اشد حاله منك وتتصبر مو انها راضيه بوضعها بس تقول لو اضمن اني بالطلاق بلاقي افضل منه كان من زمان مطلقه منه بس المشكله عدم الضمان

وش حالتها اللي اعرفها زوجها مايقعد عندها في البيت خير شر ولا حتى ينام بس يجيب لها الخبز هي وولدها ويطلع ولايتغدى معاها

الا في الشهر مره تقريبا ولا هي موظفه ولاشي واهلها في ديره ثانيه واذا راحت لهم مره في السنه بس اربع ايام وقضينا

وساكنه في شقه وماعندها اهل زوج تنزل لهم ولا شي

واذا شفتيها بس تقول حنا احسن من غيرنا وتحاول توسع صدرها باللي تقدر عليه لو طبخه تسويها ولا مكالمه تلفون وحتى النت ماعندها الله بس يصبرها وانا ادري انها تعاني بس تحاول تكيف نفسها مع الوضع ودايما تقول الدنيا مافيها احد مستريح

يالله وش اشد حالتك ولا حالتها

الله يسخركم لبعض ويحببكم ببعض