السلام عليكم ورحمة الله وبركاته
قرأته من فتره وانا ماكنت عضوه بس متصفحه وطبعا منتدى حواء مافارقني تنقلت بين اركانه من عناية بالبشره لعناية بالشعر لركن سيدات الاعمال للعروضات منتدى اكثر من رائع
المهم قرأت خلطات كثيره للشعر وجربتها من ضمنها خلطة الاخت fato0oma بعنوان تطويل الشعر 6 سم في شهررر
بحثت كثيييير عن زيت دلال ماكان موجود ابد في الشرقيه وفجاءة وجدته وفرحت به لاني كنت ابي اجربه ماابي زيت عافيه ابي اطبق المحتويات كويس :D
اخذت مقدار لتر من الزيت وفنجان قهوة حبة البركة والحبة السوداء لاني لما رحت ابحث طلع مو شيء له نفس الاسم لا كل وحده غير وحطيت 3 فنجان حلبه طبعا كلها مقادير من راسي وخليته 10 ايام وصرت استخدمه مرتين او ثلاث مرات في الاسبوع صار لي الآن تقريبا شهر حسيت فيه انه شعري يطول اسرع من قبل والحمد لله ماسبب لي أي تساقط لاني احطه قبل ساعه من اخذي للدش واغسله مرتين بالشامبو وتروح ريحته نهائيا
فجزاكي الله خيرا ماقصرتي بس عندي سؤال حارني من زمان ان شاء تدخلي وتشوفي الموضوع اختي فطومه :)
ابي اعرف انتي مقاديرك بالظبط وهل حبة البركة او السوداء تطحن ايضا
وبغيت اقولكم عن عنايتي بشعري وشنو استخدمت من خلطات وشنو استفدت بديت عنايتي بشعري من شهر رمضان استخدمت حمام زيت فاشكول بالثوم مره في الاسبوع احطه مع التدليك واخليه 4 ساعات واغطيه بكيس المهم اغسله ومااستخدم الشامبو يومين بعد الزيت يخلي الشعر مو ناشف وطري والله والله طلع لي شعر من الامام صغير :icon28: حتى صرت افشل منه لانه مخرب منظر شعري يصير لحاله طافر ههههه بس الحين طوول ومو مثل قبل
ثم في شهر ذي القعده اخذت منتجات زين الاتات كثييير الي مدحو فيها استخدمت التونيك لمدة 10 ايام مرتين في اليوم احطه وادلك شعر حسيت بفرق شعري تساقطه قل كثيييييير ولله الحمد بس انا مللت كنت مو منتظمه عدل وحطيت بخاخ زين يومين او ثلاث ايام مرتين في اليوم المهم بعد ماتركته حسيت شعر بعده يبي له عنايه :30:
المهم بدأت في اثناء علاجي للشعري بمستضرات زين اغسل شعري الغسله الاخيره بماء شرب واستخدمت شامبو زين وبسلم زين والا الآن ماغيرت الشامبو لاني احب الطبيعي :27:
بديت في شهر ذي الحجه بأستخدام شيء هنا قرأته في المنتدى وحبيت اجربه هو ماء البصل عجبتني الفكره كثييير
صرت اخذ 5 اكواب ماء شرب وانقع فيه بصله مقطعه 4 اقسام واحط ملعقتين صغار حنه احطه في شيء محكم من الليل للصبح اشخله من الرواسب قدر الامكان واغسل شعري بالماء العادي علشان يسهل توزيع منقوع البصل على الرأس ومن ثم اغسل شعري بالمنقوع وادلك شعري اثناء غسله لكي يستفيد منه بحركات هادئة بسيطه لكي لا يتضرر الشعر ومن ثم الفه بالفوطه طبعا ماشطف منقوع البصل اخليه اخر غسله وخلاص لاشيء بعده في بدايت استخدامي لاقيت صعوبه بالنسبه للريحه والخ لكن الآن تعودت عليه نتائجه المبهره هي التي جعلتني اتحمله وقف تساقط شعري نهائيا :icon28: :icon28: لكن عانيت من شعري الناشف والجاف يبي له زيوت وانا فكرت قلت يمكن البصل ينشفه زياده فلازم نستخدم زيوت
شكرا جزيلا لصاحبة الموضوع وخالص داعائي لكي بالتوفيق في الدنيا والآخرى بس مااذكر اسمها كان عنوان الموضوع(كثافه في كثافيه في كثافيه) على مااظن
حبيت اسأل سؤال اذا مريتي وشفتي الموضوع جاوبيني الله يخليج اهلك الي كانوا يستخدموا المنقوع كانوا يستخدموا بصل احمر ولا ابيض انا كنت استخدم بكيفي مرات ذا ومرات ذاك
طبعا انا كنت احني شعري في شهر ذي الحجه تقريبا اسبوعيا وكان حلو الحنه مررره بس برضوو ينشف الشعر فلازم يخلط بزيوت
**mremar** @mremar_1
عضوة فعالة
يلزم عليك تسجيل الدخول أولًا لكتابة تعليق.
السلام عليكم ورحمة الله وبراكاته
يا هلا فيج اختي في المنتدى ونور المنتدى بوجودج معانا ما شاء الله عليكي والله انك مغامرة جربتي كل شي على هالشعر المسكين بس الحمدلله كل شي استفدتي منه وصرتي خبيره ماشاء الله عليكي وما شاء الله على زوجك انه يشجعج وصابر على الروايح الحلوة :D الله يسخره لج ان شاء الله ويديم بينكم المحبة يارب ومشكورة اختي مرة ثانية ويا هلا فيج بين خواتج :27:
يا هلا فيج اختي في المنتدى ونور المنتدى بوجودج معانا ما شاء الله عليكي والله انك مغامرة جربتي كل شي على هالشعر المسكين بس الحمدلله كل شي استفدتي منه وصرتي خبيره ماشاء الله عليكي وما شاء الله على زوجك انه يشجعج وصابر على الروايح الحلوة :D الله يسخره لج ان شاء الله ويديم بينكم المحبة يارب ومشكورة اختي مرة ثانية ويا هلا فيج بين خواتج :27:
الصفحة الأخيرة
زيت هيماتاج كثيير مدحوا فيه وفيه من ذم وفيه من حذركنت ابحث عنه من شهر وزين انه لقيته توكلت على الله وقلت باستخدمه مرتين في الاسبوع علشان مايضرني لو كان في شيء صرت بعد مااخلص من الدش اخذ لي منه واحطه على شعري وادلكه خفيف كانت ريحته ادوخ وتلوع مو حلوه ابد وثقيل على الشعر وماينغسل لما اجي ثاني يوم اغسله حياتي صارت مو حلوه طبعا صار لي تساقط خفيف بسببه بس ماتراجعت عنه واستمر يأذيني لما احط منه لين اكتشفت طريقه ثانيه الي هي حطيته وشعري ناشف فماأذاني بعدها وطريقة ثانيه تخليه مو ثقيل ويستفاد منه اكيد ومايضر بالشعر حطيته في بخاخ وصرت اقسم شعري واحطه في الجذور وادلكه وصار حلوو مره وينغسل بسرعه
وفي نفس الشهر استخدمت خلطه الاخت كويتيه اموره بعنوان شعرج كشه وضعيف ومتقصف ومايطول؟؟ تعالي جربي هالدهن
طبعا انا كل ماخليت الزيت هذا على شعري فتره اطول يضرني ويسبب تساقط لشعري :( بس بالنسبه للنعومه الي اعطاني اياها شيء حلو خله شعري حيوي ومغذى فقلت خلاص من يوم وطالع بحطه ساعتين فقط
عطاكي الله اختي الصحه والعافيه وجزاكي الله خيرا
واستخدمت القهووه كنت اوصي امي لما تسوي قهوه تخلي لي الراسب علشان ادلك به شعري في الاطراف فكان حلو انا قرأت هنا انه مفيد لعلاج التقصف فالحمد لله شعري مافي تقصف وطرى شعري بعد فشكرا لصاحبة الموضوع
وثم تجربتي مع زيت دلال مع الحلبه وخبرتكم عنها في البدايه
زوجي كان يشجعني والا الآن وهو يشوف التطور ويتحمل أي شيء احطه ومايقول شيء :)
شعري صار يطول اسرع وحيوي وطري وخفت كثير النفشه الي كان سببها الجفاف و التساقط خف كثير بس كثرة الزيوت مررات تضره وتخليه يتساقط فانصح من تستخدم زيوت يكون يوم أي ويوم لا
الشعر يحتاج للراحة من الزيوت واشلغلات ذي فاعطوه فرصه للراحه
التدليك مفيد للشعر أي وقت تشوفي روحج جالسه تسولفي ولا تشاهدي تلفاز اجلسي دلكي شعرك بس بلطف قبل لاتنامين لما تصحين وكذلك عند استخدام خلطات او زيوت لكي يستفيد الشعر من الزيت
طبعا كونت فكره كبيره من خلال علاج شعري فصارت عندي خبره وحتى في البيت صاروا يطلبوا مني ازيت شعورهم وادلك لهم فروة رأسهم :)
ماقلت لكم انه كنت اعتني بشعر بنت اختي كمان لان شعرها خفيف مررره وقصير عمرها الآن 5 سنوات بدأت لها بالعناية في شهر ذي الحجه كنت احني شعرها كل اسبوع وفي شهر محرم حطيت لها الزيوت الي استخدمتها والحمد لله الحمد لله تحسن شعرها كثير والكل لاحظ انه طول وازداد كثافه وحيويه :D
فشكرا جزيلا لصاحبات الخلطات وجزيتم خيرا ان شاء الله
وشكرخاص لكل اعضاء منتدى حواء ومشرفين ومراقبين ومسؤالين
طولت عليكم بس حبيت اقول كل شيء للآمانه وماخلي أي سؤال يدور بخاطركم :)
حبيت افيدكم بتجربتي مثل ماانا استفدت من تجاربكم
انا حبيت المنتدى كثيير وان شاء الله تكون اقامتي معكم طويله
عذرا اذا تعبتكم في القراءة
واي سؤال انا حاظره
اختكم في الله مريمار
سلامي للجميع