أسعار مدرسة الاتحاد الخاصة

الروضه 1 -2 = 10،800 درهم
الاول - الثالث الابتدائي = 12،000 درهم
الرابع - السادس = 13،200 درهم
السابع - التاسع = 16،400 درهم
العاشر - الحادي عشر الامريكي = 21،200 درهم
الثاني عشر الامريكي = 24،000 درهم

هاي الرسوم مثل ما مكتوبه في البروشور مالهم طبعا بدون المواصلات

و لا تنسينا من الدعااااء

Dubai Baby
يزاج الله خير..
طيب اختي شو رايج في هالمدرسة من ناحية المنهج ..ومن ناحية الاهتمام باليهال..ومن ناحية التواصل مع أولياء الأمور..

تبين الصدق انا وايد تفاجأت ان بنتي في كي جي ون و تكتب ماشاء الله و محفظينها قران و اناشيد و يهتمون وايد وايد بالاطفال..و دايما يتصلون اذا في شي... و في وحده مسئوله بالحضانه ترمسينها اذا بغيتي اي شي و هم وايد متعاونين

لان اخوي في دبي للتربيه الحديثه و صف ثاني و عافانا الله اشوف مستوى بنتي احسن عنه بوايد خصوصا في الانجليزي و حفظ الايات

استخيري و عقب توكلي على الله

دبي للتربية الحديثة كنت مفكراها كويسة من كلام مدرسات وكنت خلاص بدخل ابني لحد ما سويت استفتاء وطلع النتيجة بان الولد اللي بيوصل للصف الثاني ما بيعرف يقرا ويكتب .



هذا مش كلامي هذا كلام 5 امهات لأطفال جربوها .


دخلت ابني دبي الدولية والحمد لله الوضع مريح بس الواجبات كتيرة واسعارها متل الاتحاد.



مين جربت الكاديمية المريكية ؟؟؟ هدولا بياخدوا عالروضة 28 الف ودخلوا الدين افسلامي من هالسنة بس انا ممكن أدخل بمدرسة اجنبية روضةاولى وبس اما روضة 2 والابتدائي لازم اللغة العربية اساسي تكون وقوي ودبي الدولية قوية بالعربي والانجليزي ولفرنسي وموقعها متوسط في دبي واسعارها معقولة .

فعلا اختي مهى دبي الحديثه ما تنفع و مستواها جدا ضعيف

و مشكوره على المعلومات..بس انا ما عندي معلومات زياده بالنسبه للمدارس و ان شاء الله البنات يفيدونا

الا طبعا عن مدرسة الاتحاد لان اغلب صديقاتي متخرجات منها و مستواهم عالي و حتى يوم يدخلون الكليه ما ياخذون فاونديشن يدخلونهم دايركت انتري على لفل ون شرات عيال خالتي الاولاد بعد

و انا اطرش بنتي بالباص لان اخواني ياخذون الدريول و الباص يدخل داخل الحوش لين الباب الداخلي و في طبعا مربيات خاصات للاطفال في الباص و بعد للاهتمام فيهم خلال الاستراحه و هالشي مطمنني..المربيه تنزل من الباص تدخل البيت و تشل بنتي و شنطتها لين الباص و بالعكس يوم ترجع بعد

طبعا صدعتكم بالتفاصيل بس انا كنت اتمنى حد يخبرني كل هالامور الدقيقه ايام ما كنت ابغي ادخل بنتي المدرسه

و كنت محتاره بين الاتحاد و البحث العلمي بس بعد الاستخاره تيسرت الامور لمدرسة الاتحاد

و ان شاء الله اكون افدتكم