السلام عليكم
هالطريقه مدري يمكن انتم تعرفونها بس قلت اذكرها للمشاهدات الاعزاء فديتكم هاكم
المقادير:
1 كوب رز مصري منظف ومنقع نص ساعه
4 اكواب ماء
5 ملاعق طعام حليب نيدو بودره
ربع كوب ماء ورد ( لازم ظروري )
نص علبة حليب نستله المحلى
قيمر كويتي
فستق مطحون
الطريقه سهله :
اولشي تاخذين الرز تطبخينه في الماء زين بعد ماتشوفينه يذوب الرز وينضج زين ،،
اخذي الحليب البودره ذوبيه في شوي ماي عادي مو بارد ولا حار بعدين صبيه فوق الرز وبعدين حطي كل المكونات المذكوره ماعدا القيمر والفستق لان نبيهم للزينه ،،وبعد مايطبخ ربع ساعه هالشكل ،، اضربيه بخلاط البراون اللي ينزل في القدر ،، بس عقب صبيهم في اي طبق تبين او اطباق صغيره احلى ،، وامسحي القيمر على الوجه ورشي عليهم الفستق ،،،،، وادعسيهم بالثلاجه ،،
جربوها والله حلوه وادعووووووووولي ،،، وزينه حق الصيف بارده ع القلب
حلوة مربربة @hlo_mrbrb
عضوة فعالة
يلزم عليك تسجيل الدخول أولًا لكتابة تعليق.
حبيبة أبوها
•
تسلم يدينك ياعسل
الصفحة الأخيرة