مقهوره قهر يابنات تكفون كيف اتصرف ؟

السلام عليكم

كيف الحال

انا مره مقهوره من زوجي مادري لين متى زوجي مايفكر بمصحته ومصلحة عياله

ولين متى خيرنا لغيرنا

متى بيعقل مادري تعبت صراخ ومشاكل كل يوم بنفس الموضوع

انا مشكلتي تختلف عنكم ماشتكي من ام زوجي لانها تنحط عالجرح يبرى

مشكلتي عمتي الي غاثتني والي تصير خالته

جالسه تستغله اسوا استغلال قاعد يصرف عليها بدون احساس

مع العلم انو حالتهم الماديه وسط او اقل بشوي بس عندهم من يصرف عليهم

عمتي وبناتها وعيالها وزوجي كلهم متربين سوى

انا الحين ابغا اقلكم على اخر حركه صارت لاني مو عارفه كيف اتصرف
عمتي بنت بنتها زواجها قريب وهما في منطقه تانيه المهم زوجي طلب مني اشتري لاخوات العروسه هديه على ذوقي وطبعا كالعاده قلتله ليه ومدري ايش وقلي انتي مالك صلاح انا مادخل بفلوسك كيف تصرفيه وانتي ماتدخلي بفلوسي وانا يابنات ماغير منهم ولا شئ لاني عارفه انهم قريبين من بعض من قبلل لاياخدني يعني زي الاخوان

بس الي قهرني انهم يستغلووووو وربي يستغلووو ماعمرنا شفنا منهم غير الهات والهات بدات عمتي دي

وانا حتى في ولادتي ماعبرو وجابولي هديه عالاقل علشان خاطره هو ماغير هات وهات بس

وهو مادري متى يحس ولمن اقله ليه ماعبرو بنتك عالاقل وجابولها شئ يقلي انا ماعطي علشان انتظر مقابل ادي بنيه صافيه وبس

المهم نرجع لموضوعنا انا استغربت انو ماطلب مني هديه للعروس نفسها بس طلب للخوات قمت قلتله اشمعنى يعني طلبت لخواتها مو للعروسه قام قلي لا انا ماعطي هدايا للي يتزوجو علشان لا افتح لنفسي باب

وانا بيني وبين فسي قلت مستحيل عمتي تخليه من غير مايدوهم هديه اكيد بتلهف راتبه كالعاده

المهم الكلام دا قبل اسبوعين تقريبا

اليوم بالصدفه اسمع من خالتي انو عمتي ورتهم طقهم ذهب كبيييييييييير اشتركو فيه عمتي وزوجها وزوجي

ايش رايكم باله

انواع القهر انا الحين في بيت اهلي مستنيه ارجع بيتي علشان افاتحه بالموضوع

انا ابغا اكلمو باسلوب مايجيبلي مشاكل لاني مره مرتاحه معاه ومو مقصر معاي بالدات هالايام مدلعني اخر دلع

ومابغا اخربها على نفسي

وفي نفس الوقت ماقدر اسكت مقهوره وربي قولولي ايش اسوي:(