نفاس سهل وبسيط جدا جدا جدا والنتائج...

مرحبا خواتي الغاليات

أتمنى من الله العلي القدير إنه يسل ولادتكم ويرزقكم الصحه والعافيه انتوا ومواليدكم

أنا ولدت تاريخ 24/11/2009 وحطيت موضوع بقصة ولادتي اللي تحولت من ولاده طبيعيه لولادة قيصريه بسبب التفاف الحبل السري على رقبة ولدي الله يحفظه...

طبعا اتبهدلت وايد والرحم انفتح عندي لين 6 سانتي وبعدين حولوني لغرفة العمليات لأن ولدي تعب وايد وماقدروا يصبرون علي لين ما اوصل 10 سانتي...

طبعا انتوا عارفين الكشف وبهدلته وكل شوي الدكتوره تدخل إيدها عشان تشوف كم فتح عندي الرحم وغير جيه في حالتي كانت تدخل إيدها أكثر لأن راس ولدي مانزل تحت بسبب الحبل السري وغير القسطره اللي حطوها وبهدلتي في دخول الحمام بعدين الله يكرمكم

أنا ما اعرف شي عن الولاده القيصريه لأن ولادتي الآولى كانت طبيعيه ولله الحمد... بس بقولكم اللي سويته طول فتره النفاس وشو كانت النتايج

الصبح على الريق كنت آخذ خاشوقة عسل (ملعقة عسل) ويا 7 حبات من الحبة السودا... ماكان لي وقت محدد متى مانش ولدي من الرقاد الصبح آخذ عسل ويا الحبه السودا وأرد أرقد... بعدين يوم أنش مره ثانيه تكون الخدامه مجزتله دله فيها ماي حار... احطه فيها خاشوقه كبيره قشهر قهوه وخاشوقة كمون وخاشوقه قرفه وخاشوقتين زنجبيل واخليها نص ساعه وبعدين اشربها مع الأكل وبعد الأكل... يعني ها كان مشروبي طول اليوم وفي أي وقت...

ريوقي كان بيضه وعسل وأي نوع من الخبز والجبن... يعني ماكنت اتقيد بشي معين...

وقت الغد كنت آكل أكل البيت عادي بدون أي إضافات من حلبه ولا فلفل ولا غيره... بس مع التخفيف وانتبهوا لهالشي... بصراحه أنا ما اقدر اسوي ريجيم واحرم نفسي من الأكل... آكل كل اللي خاطري فيه مع التخفيف

العشا كان مثل الريوق (اللي تسمونه فطور نحن نسميه ريوق) اللي يسوونه في البيت آكله لو شو ماكان واشرب مشروبي اللي اكون مستونه من الصبح....

امتنعت عن المشروبات البارده وكنت البس سروال طول الوقت... هذا كان نظامي وبس

كنت طوووووووووووووووووووووووووول الوقت اسوي تمارين كيجل والله يشهد علي مع شفط البطن على داخل طوووووووووووووول الوقت... وهذا أهم شي في موضوعي كله

نزل علي الدم لمدة 3 أسابيع الأسبوع الرابع طهرت وبعدين نزلت علي الدوره اللي تسمونها أخت النفاس... وماسويت شي غير إني كنت آخذ الحبه الحمرا (الرشاد) قبل النوم وعلى الريق وساعات مع العسل بدل الحبه السودا

خلصت الأربعين ورحت حق زوجي بكل ثقه والسبب تمارين كيجل وبس بدون حوسة الأعشاب وبدون الريحه الخايسه والأكل اللي لازم نتقيد فيه... والنتيجه إني استويت ضيييييييييييييييييييييييييييقه.... اتعب وأنا أقول هالكلمه لأنها طالعه من الخاطر :hahaha:

والله يا خواتي الغاليات إني ما أبالغ والله يشهد علي إني رجعت ضيقه حيييييييييييييل من الخاطر وأحس بألم وقت الجماع والسبب هالتمارين...

قلتلكم اتبهدلت من القسطره وقت دخول الحمام وماكنت اقدر اتحكم بمثانتي وانتوا بكرامه... بس والله خلال أسبوعين انحلت المشكله لأني مواظبه على تمارين كيجل... وكنت بعد الولاده لما اغتسل اقدر ادخل صبعين لداخل المهبل وافتحهم بعد من زود الوسع:icon33:

الحين ماقدر ادخل صبع واحد من كثر الضيق... وأكيد طبعا هذا هو المطلوب... الحمدلله طلعت من النفاس بدون إفرازات ولا هوا وتوسع ولا شي بدون حلبه وبدون ريحه خايسه وبدون أعشاب تلوع الجبد

طبعا كل وحده حره بنفاسها واللي تاخذه وتشربه وتسويه بس نصيحه يا خواتي استمروا على تمارين كيجل والله إني أكلمكم وأنا أسويها الحين... صارت جزء لا يتجزأ من يومي

وبالنسبه للكرشه خفت بنسبه 70% لأني طول الوقت اشفطها... ونزل وزني 10 كيلو من التخفيف وإن شاء الله بنزل 15 كيلو بعد عشان أرجع لوزني قبل الحمل بإذن الله بس بالرياضه

حاليا اشرب كمون وليمون على الريق وإن شاء الله احصل نتيجه طيبه... واشرب شمر طول الوقت والنتيجه إني البس سمول مع إن وزني 68 كل اللي احتاجه الحين شد لجسمي واللي بحصله بالرياضه إن شاء الله

لاتي وحده وتقول اللي تولد قيصري مستحيل تروح كرشتها... والله أعرف وحده عمرها 39 سنه ومهتمه بنفسها وايد واللي يشوفها يقول عمرها 30 بس... وهذا كله من الأكل الصحي والرياضه وهي كل ولاداتها قيصريه وقبل الرياضه كان فيها كرش والحين ما شاء الله لا قوة إلا بالله جسمها مشدووووووووووود حيييييييييل ومافي أي أثر للكرش

واسمحولي ع الإطاله بس حبيت أفيدكم